Just In
- 17 hrs ago వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- 18 hrs ago వెనుక నుంచి ఢీ కొట్టిన ట్రక్.. ప్రమాదానికి గురైన Hyundai Exter - వీడియో
- 19 hrs ago 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- 20 hrs ago 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
Don't Miss
- News రేవంత్ రెడ్డి సీటుకు భలే డిమాండ్
- Movies Ghilli Collections గిల్లీ కలెక్షన్ల సంచలనం.. విజయ్ బాక్సాఫీస్ మాస్ ఊచకోత.. ఎన్ని కోట్లంటే?
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
టోక్యో మోటార్ షో: జాగ్వార్ ఎఫ్-టైప్ కూపే విడుదల
బ్రిటీష్ లగ్జరీ కార్ బ్రాండ్ జాగ్వార్ ఇటీవల ఆవిష్కరించిన కన్వర్టిబల్ వెర్షన్ ఎఫ్-టైప్ స్పోర్ట్స్ కారుకు కొనసాగింపుగా, పర్మినెంట్ హార్డ్ రూఫ్ కలిగిన ఎఫ్-టైప్ కూపేను కంపెనీ విడుదల చేసింది. ప్రస్తుతం జపాన్లో జరుగుతున్న 43వ అంతర్జాతీయ టోక్యో మోటార్ షోలో జాగ్వార్ తమ అధునాతన ఎఫ్-టైప్ కూపే బాడీ స్టైల్ స్పోర్ట్స్ కారును ప్రదర్శనకు ఉంచింది.
జాగ్వార్ ఇప్పటికే భారత్తో కలిపి ఇతర గ్లోబల్ మార్కెట్లలో కన్వర్టిబల్ వెర్షన్ ఎఫ్-టైప్ను విక్రయిస్తోన్న సంగతి తెలిసినదే. 2011 ఫ్రాంక్ఫర్ట్ ఆటో షోలో జాగ్వార్ ఆవిష్కరించిన సి-ఎక్స్16 కాన్సెప్ట్ కారుకు ప్రొడక్షన్ వెర్షనే ఈ ఎఫ్-టైప్ కూపే. త్వరలోనే ఈ మోడల్ కూడా భారత మార్కెట్కు రానుంది.
జాగ్వార్
ఎఫ్-టైప్
కూపే
వేరియంట్లు,
ఇంజన్
ఆప్షన్లు,
ధరలు
మరియు
ఇతర
వివరాలను
క్రింది
ఫొటో
ఫీచర్లో
తెలుసుకుందాం
రండి..!
జాగ్వార్ ఎఫ్-టైప్ కూపే కూడా కన్వర్టిబల్ మాదిరిగా మొత్తం మూడు వేరియంట్లలో లభిస్తుంది. అందులో రెండు వి6 సూపర్ఛార్జ్డ్ మోడళ్లు, ఒకటి వి8 సూపర్ఛార్జ్డ్ మోడల్. కేవలం వి8 కూపేను మాత్రమే ఎఫ్-టైప్ ఆర్ కూపేగా పిలువనున్నారు (ఇది హైపెర్ఫామెన్స్ వెర్షన్).
ఎంట్రీ లెవల్ వేరియంట్ ఎఫ్-టైప్ కూపేలో 3.0 లీటర్ సూపర్ఛార్జ్డ్ వి6 ఇంజన్ను ఉపయోగించారు. ఇది గరిష్టంగా 340 హెచ్పిల శక్తిని ఉత్పత్తి చేస్తుంది. ఇది కేవలం 5.1 సెకండ్ల వ్యవధిలోనే 0-60 మైళ్ల వేగాన్ని అందుకోగలదు (కన్వర్టిబల్ మాదిరిగానే). దీని గరిష్ట వేగం గంటకు 259 కి.మీ.
మిడ్ లెవల్ వేరియంట్ ఎఫ్-టైప్ ఎస్ కూపేలో 3.0 లీటర్ సూపర్ఛార్జ్డ్ వి6 ఇంజన్ను ఉపయోగించారు. ఇది గరిష్టంగా 380 హెచ్పిల శక్తిని ఉత్పత్తి చేస్తుంది. ఇది కేవలం 4.8 సెకండ్ల వ్యవధిలోనే 0-60 మైళ్ల వేగాన్ని అందుకోగలదు (కన్వర్టిబల్ మాదిరిగానే). దీని గరిష్ట వేగం గంటకు 275 కి.మీ.
టాప్ ఎండ్ వేరియంట్ ఎఫ్ టైప్ ఆర్ కూపేలో 5.0 లీటర్ సూపర్ఛార్జ్డ్ వి8 ఇంజన్ను ఉపయోగించారు. ఇది గరిష్టంగా 550 హెచ్పిల శక్తిని (కన్వర్టిబల్ కన్నా 55 హెచ్పిలు అదన) ఉత్పత్తి చేస్తుంది. ఇది కేవలం 4.0 సెకండ్ల వ్యవధిలోనే 0-60 మైళ్ల వేగాన్ని అందుకోగలదు దీని గరిష్ట వేగం గంటకు 300 కి.మీ.
ఈ మూడు వేరియంట్లు కూడా జెడ్ఎఫ్ 8-స్పీడ్ 'క్విక్షిఫ్ట్' ట్రాన్సిమిషన్తో లభిస్తాయి. ఈ గేర్లను ప్యాడెల్ షిఫ్టర్స్ ద్వారా ఫుల్ మ్యాన్యువల్ సీక్వెన్షనల్ కంట్రోల్తో కానీ లేదా సెంట్రల్ 'స్పోర్ట్షిఫ్ట్' లివర్ ద్వారా కానీ మార్చుకోవచ్చు.
ఈ ఎఫ్-టైప్ కూపే మోడళ్లు సెకండ్ జనరేషన్ ఎలక్ట్రానిక్ యాక్టివ్ డిఫరెన్షియల్ మరియు కొత్త టార్క్ వెక్టరింగ్ సిస్టమ్లతో లభిస్తాయి. ఇవి మంచి హ్యాండ్లింగ్ను ఆఫర్ చేస్తాయి.
ఇది కూపే బాడీ టైప్ కావటంతో, కారు పైభాగం అల్యూమినియంతో కానీ లేదా గ్లాస్ రూఫ్తో కానీ లభిస్తుంది.
ఎఫ్-టైప్ కూపే వెనుక వైపు బూట్ స్పేస్ కూడా ఉంటుంది. కన్వర్టిబల్ మాదిరిగా కాకుండా ఇది మరింత ఎక్కువ స్పేస్ను కలిగి ఉంటుందని, ఇందులో రెండు పెద్ద గోల్ఫ్ కిట్లను ఉంచవచ్చని కంపెనీ పేర్కొంది.
ఈ కారులో మరో ప్రత్యేకత ఏంటంటే, కారు బూట్పై ఓ యాక్టివ్ స్పాయిలర్ ఉంటుంది. గంటకు 112 కి.మీ. పైగా వేగంతో వెళ్తున్నప్పుడు ఇది ఆటోమేటిక్గా బయటకు వస్తుంది. అలాగే గంటకు 80 కి.మీ. కన్నా తక్కువ వేగంతో వెళ్తున్నప్పుడు లోపలికి వెళ్లిపోతుంది. ఈ స్పాయిలర్ వెనుక వైపు 120 కేజీల డౌన్ఫోర్స్ను అప్లయ్ చేస్తుంది.
అధిక ఛాస్సిస్ ధృఢత్వం, తక్కువ బరువు కారణంగా ఇది కన్వర్టిబల్ వెర్షన్ మంచి డ్రైవింగ్ అనుభూతిని అందిస్తుంది. (కన్వర్టిబల్ క్నా ఎఫ్-టైప్ వి6 కూపే దాదాపు 50 పౌండ్లు తక్కువ బరువును కలిగి ఉంటుంది. ఎఫ్-టైప్ ఆర్ కూపే బరువు మాత్రం వి8 కన్వర్టిబల్తో సమానంగా ఉంటుంది).
ఎఫ్-టైప్ ఆర్ కూపే బరువు కన్వర్టిబల్ వెర్షన్తో సమానంగా ఉంటుంది కాబట్టి, దీని సస్పెన్షన్ను రీట్యూన్ చేశారు. అలాగే అడాప్టివ్ డ్యాంపింగ్ సాఫ్ట్వేర్ సెట్టింగ్స్ను కూడా మార్చారు. ఫలితంగా ఇది మరింత మెరుగైన పెర్ఫామెన్స్ను ఆఫర్ చేస్తుంది.
ధరలు:
ఎఫ్-టైప్ కూపే - 65,000 డాలర్లు
ఎఫ్-టైప్ ఎస్ కూపే - 77,000 డాలర్లు
ఎఫ్-టైప్ ఆర్ కూపే - 99,000 డాలర్లు
వచ్చే ఏడాది ఫిబ్రవరి నెలలో ఢిల్లీలో జరగనున్న 2014వ అంతర్జాతీయ మోటార్ షోలో జాగ్వార్ ఈ కొత్త ఎఫ్-టైప్ కూపే మోడళ్లను ఆవిష్కరించే అవకాశం ఉంది.
వీడియో
కొత్త జాగ్వార్ ఎఫ్-టైప్ కూపే అఫీషియల్ వీడియోను ఈ స్లైడ్లో వీక్షించండి.