More Updates on: http://m.drivespark.com/telugu/
ప్రస్తుతం ఆటోమొబైల్ మార్కెట్లో కాంపాక్ట్ ఎస్యూవీల ట్రెండ్ నడుస్తోంది. ఈ నేపథ్యంలో, అమెరికా ఆటో దిగ్గజం జనరల్ మోటార్స్కు చెందిన ఓపెల్ బ్రాండ్లో అందిస్తున్న 'ఓపెల్ మోక్కా' మోడల్ను ఆధారంగా చేసుకుని చెవర్లే బ్రాండ్లో అభివృద్ధి చేసిన ఓ సరికొత్త కాంపాక్ట్ ఎస్యూవీ 'చెవర్లే ట్రాక్స్'ను కంపెనీ ఆవిష్కరించింద. త్వరలో జరగనున్న ప్యారిస్ మోటార్ షోలో జనరల్ మోటార్స్ ఈ కాంపాక్ట్ ఎస్యూవీ చెవర్లే ట్రాక్స్ను ప్రదర్శించనుంది.
చెవర్లే ట్రాక్స్ 4.2 మీటర్ల పొడవును కలిగి ఉండి, ఫోర్డ్ ఎకోస్పోర్ట్ వంటి కాంపాక్ట్ ఎస్యూవీలకు అనేక గ్లోబల్ మార్కెట్లలో ఇది పోటీగా నిలువనుంది. ఈ ఏడాది యూరప్ మార్కెట్లలో అమ్ముడుకానున్న ఓపెల్ మోక్కా ఎస్యూవీ ఆధారంగా చేసుకొని, చెవర్లే ట్రాక్స్ను డిజైన్ చేశారు. ఓపెల్ మోక్కాలో 1.4 లీటర్ పెట్రోల్, 1.7 లీటర్ డీజిల్ ఇంజన్లను ఉపయోగించారు. ఇవి రెండు కూడా సిక్స్-స్పీడ్ మ్యాన్యువల్ లేదా ఆటోమేటిక్ ట్రాన్సిమిషన్ సిస్టమ్లో లభ్యం కానున్నాయి.
ఇదే ఇంజన్లను చెవర్లే ట్రాక్స్ ఎస్యూవీలోనూ ఉపయోగించనున్నారు. అన్ని మ్యాన్యువల్ ట్రాన్సిమిషన్ సిస్టమ్ కలిగిన వేరియంట్లు ఆటో స్టార్ట్/స్టాప్ సిస్టమ్తో లభిస్తాయి. ఇంకా ఇందులో ఎలక్ట్రానిక్ స్టెబిలిటీ కంట్రోల్ (ఈఎస్సి), ట్రాక్షన్ కంట్రోల్, హిల్ స్టార్ట్ అసిస్ట్ (హెచ్ఎస్ఏ), హిల్ డిసెంట్ కంట్రోల్ (హెచ్డిసి) వంటి భద్రత/సురక్షిత ఫీచర్లు స్టాండర్డ్గా లభించనున్నాయి. ఈ ఏడాది స్టెప్టెంబర్ నెలలో జరగనున్న ప్యారిస్ మోటార్ షోలో తొలిసారిగా చెవర్లే ట్రాక్స్ను ప్రజల సందర్శనార్థం జనరల్ మోటార్స్ ప్రదర్శనకు ఉంచనుంది.
