More Updates on: http://m.drivespark.com/telugu/
ఇప్పుడు సినీ ప్రేక్షకుల్లో జేమ్స్ బాండ్ ఫీవర్ నెలకొని ఉంది. రహస్యాలను ఛేధించి, ప్రజనలు దేశాన్ని రక్షించే ఓ అద్భుతమైన పాత్ర జేమ్స్ బాండ్. ఈ క్యారెక్టర్ పుట్టి ఇప్పటికి సరిగ్గా 50 సంవత్సరాలు పూర్తయింది. ఈ సందర్భంగా వచ్చిన 23వ జేమ్స్ బాండ్ చిత్రం 'స్కైఫాల్' (Skyfall) బాక్సాఫీసుల వద్ద భారీ రికార్డులతో ప్రారంభమైంది. జేమ్స్ సినిమాలంటే యాక్షన్ సన్నివేశాలకు పెట్టింది పేరు. అంతేకాకుండా.. ఇందులో ఉపయోగించే కార్లు, వాహనాలకు కూడా ఓ ప్రత్యేక స్థానం ఉంటుంది.
గడచిన 50 ఏళ్లుగా వచ్చిన జేమ్స్ బాండ్ సినిమాల్లో గమనిస్తే.. ప్రతి సినిమాలో ఓ విశిష్టమైన కారును కానీ లేదా వాహనాన్ని కానీ జేమ్స్ బాండ్ కోసం ప్రత్యేకంగా డిజైన్ చేయటం జరిగింది. ఇటీవలి కాలంలో బాండ్ సినిమాల్లో ఎక్కువగా పాపులర్ అయిన కార్ బ్రాండ్ ఆస్టన్ మార్టిన్ అనే చెప్పుకోవచ్చు. కేవలం ఆస్టన్ మార్టిన్ కార్లే కాకుండా ఇతర కార్లను కూడా జేమ్స్ బాండ్ క్యారెక్టర్లు ఉపయోగించడం జరిగింది. అప్పటి నుంచి ఇప్పటి వరకూ జేమ్స్ బాండ్ క్యారెక్టర్లు ఉపయోగించిన కార్లను ఈ ఫోటో ఫీచర్లో పరిశీలిద్దా రండి...!
