Click it and Unblock the Notifications
Just In
-
-
-
-
Don't Miss
-
బీట్రూట్ జ్యూస్ తాగితే ఇన్ని ప్రయోజనాలా..? వారంపాటు తాగితే ఎలాంటి ఫలితముంటుందంటే..? -
టీడీపీ గెలుపు కష్టమే.. ఎంపీ అభ్యర్థి అభ్యర్థి లావు కృష్ణ దేవరాయలు షాకింగ్ కామెంట్స్ -
ఫిజికల్ బటన్ లు లేకుండా రానున్న iPhone 16 ! డిజైన్ వివరాలు లీక్ -
ITC: ఐటీసీ ఇన్వెస్టర్లకు శుభవార్త.. ! -
చరిత్ర సృష్టించిన అక్షర్ & పంత్ క్రేజీ రికార్డు -
Brahmamudi April 25th episode: కావ్యకు సవతి వచ్చినా ఫర్వాలేదా?.. నీవు నా మొగుడిని తగులుకుంటావా? అనామిక -
కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
మొదటి రోజునే 125 బుకింగ్లు దక్కించుకున్న ఆడి క్యూ3 ఎస్
జర్మన్ లగ్జరీ కార్ కంపెనీ ఆడి ఇండియా, సోమవారం మార్కెట్లో విడుదల చేసిన చవక వేరియంట్ ఆడి క్యూ3 ఎస్ మొదటి రోజునే రికార్డు బుకింగ్‌లను సొంతం చేసుకుంది. నిన్న ఒక్క రోజునే ఆన్‌లైన్ ద్వారా ఆడి క్యూ3 ఎస్ వేరియంట్‌కు 125 బుకింగ్లు వచ్చాయని కంపెనీ ఓ ప్రకటనలో పేర్కొంది. (గతంలో ఆడి క్యూ3 విడుదలైనప్పుడు కూడా మొదటి 5 రోజుల్లోనే 500 బుకింగ్‌లను దక్కించుకున్న సంగతి తెలిసినదే).
ఆడి ప్రారంభించిన ఆన్‌లైన్ బుకింగ్ ప్రాసెస్ ద్వారా ఈ ఫీట్ సాధ్యమైంది. భారత్‌లోని లగ్జరీ ఎస్‌యూవీ సెగ్మెంట్లో మార్కెట్ లీడర్‌గా ఉన్న తమకు ఈ ప్రతిస్పందన ఇదివరకు ఊహించినదేనని, ఈ ప్రతిస్పందన తమ నాయకత్వ స్థానాన్ని మరింత పటిష్టం చేస్తుందని ఆడి ఇండియా హెడ్ మైఖేల్ ప్రెస్కీ తెలిపారు.
ఇదిలా ఉండగా, ఆడి ఇండియా తమ ఎంట్రీ లెవల్ లగ్జరీ కారు 'ఆడి క్యూ3 ఎస్' (Audi Q3 S)ను సోమవారం (ఆగస్ట్ 19, 2013) భారత మార్కెట్లో రూ.24.99 లక్షలు (ఎక్స్-షోరూమ్) ధరకు విడుదల చేసిన సంగతి తెలిసినదే. ఇది ఈ సెగ్మెంట్లోని మెర్సిడెస్ బెంజ్ ఏ-క్లాస్, బిఎమ్డబ్ల్యూ ఇండియా నుంచి కొత్తగా మార్కెట్లోకి రానున్న బిఎమ్డబ్ల్యూ 1-సిరీస్ (సెప్టెంబర్ 3న విడుదల కానుంది) వంటి ఎంట్రీ లెవల్ లగ్జరీ కార్లకు పోటీగా నిలువనుంది.
ఆడి క్యూ3 ఎస్‌లో క్వాట్రో ఆల్ వీల్ డ్రైవ్ సిస్టమ్, ఆటోమేటిక్ గేర్ బాక్స్ సిస్టమ్కు బదులుగా ఫ్రంట్ వీల్ డ్రైవ్, 6-స్పీడ్ మ్యాన్యువల్ ట్రాన్సిమిషన్ సిస్టమ్‌ను ఉపయోగించారు. ఇది 2.0 లీటర్ డీజిల్ ఇంజన్తో లభిస్తుంది. ఈ ఇంజన్ గరిష్టంగా 142 పిఎస్‌ల శక్తిని, 320 ఎన్ఎమ్‌‌ల టార్క్‌ను ఉత్పత్తి చేస్తుంది. ఆడి క్యూ3 ఎస్ కేవలం 9.9 సెకండ్లలోనే 0-100 కి.మీ. గరిష్ట వేగాన్ని అందుకుంటుంది. ఏఆర్ఏఐ సర్టిఫై చేసిన దాని ప్రకారం ఇది లీటరుకు 17.71 కిలోమీటర్ల మైలేజీనిస్తుంది.
