భారత్‌లో ఆడి ఆర్8 వి10 పెన్‌డ్రైవ్ విడుదల

Four Wheelers

oi-Ravi

By Ravi

Published: Thursday, April 25, 2013, 16:38 [IST]

జర్మన్ లగ్జరీ కార్ కంపెనీ ఆడి ఇండియా ఇటీవల భారత మార్కెట్లో తమ సరికొత్త సూపర్ స్పోర్ట్స్ కారు 'ఆడి ఆర్8' రేంజ్ మోడళ్లను అందుబాటులోకి తీసుకువచ్చిన సంగతి తెలిసినదే. అయితే, ఆడి బ్రాండ్ మర్చండైస్ అంటే ఇష్టపడే వారి కోసం తాజాగా ఆడి ఇండియా తమ సూపర్ స్పోర్ట్స్ కార్ ఆడి ఆర్8 వి10 మోడల్‌ను పోలి ఉండే ఓ పెన్‌డ్రైవ్‌ను భారత మార్కెట్లో విడుదల చేసింది. ఈ ఆడి ఆర్8 వి10 యూఎస్‌బి మెమరీ స్టిక్ ధర, ఇతర పీఛర్ల వివరాలు ఇలా ఉన్నాయి

• ఆడి ఆర్8 వి10 పెడ్‌డ్రైవ్ ధర రూ. 3,299/-
• రెడ్ కలర్‌లో 4 జిబి సామర్థ్యంతో లభిస్తుంది.
• స్టయిలిష్ అండ్ స్పోర్టీ కస్టమర్ల కోసం డిజైన్ చేయబడినది.
• భారత్‌లోని అన్ని అధీకృత ఆడి డీలర్‌షిప్ కేంద్రాలలో లభిస్తుంది.

ఇక ఒరిజినల్ ఆడి ఆర్8 వి10 సూపర్ స్పోర్ట్స్ కార్ విషయానికి వస్తే, దేశీయ విపణిలో దీని ధర రూ.2.05 కోట్ల (ఎక్స్-షోరూమ్, మహారాష్ట్ర) నుంచి ప్రారంభమవుతుంది. ఈ కారులో శక్తివంతమైన వి10 ప్లస్ ఇంజన్‌ను ఉపయోగించారు. ఇది గరిష్టంగా 550 హార్స్ పవర్‌ల శక్తిని ఉత్పత్తి చేస్తుంది. ఈ ఇంజన్ 7-స్పీడ్ ఎస్ ట్రానిక్ ఆటోమేటిక్ గేర్ బాక్సుతో లభిస్తుంది. ఆడి ఆర్8 వి10 ప్లస్ సూపర్ స్పోర్ట్స్ కారు కేవలం 3.5 సెకండ్లలోనే 0-100 కిలోమీటర్ల వేగాన్ని అందుకుంటుంది. ఇది గరిష్టంగా గంటకు 917 కిలోమీటర్ల వేగంతో పరుగులు తీస్తుంది.