జూన్‌లో ప్రారంభం కానున్న ఫోర్డ్ ఈకోస్పోర్ట్ బుకింగ్స్

Four Wheelers

oi-Ravi

By Ravi

Published: Tuesday, May 7, 2013, 15:00 [IST]

మీరు కూడా ఫోర్డ్ ఈకోస్పోర్ట్ కాంపాక్ట్ ఎస్‌యూవీని సొంతం చేసుకునేందుకు ఎంతో ఆసక్తిగా ఎదురుచూస్తున్నారా..? అయితే, మీకొక గుడ్ న్యూస్. మార్కెట్ వర్గాల సమాచారం ప్రకారం, జూన్ నెలలో ఫోర్డ్ ఇండియా తమ బుజ్జి ఎస్‌యూవీ బుకింగ్‌లను ప్రారంభించనుంది. ఇప్పటికే పలు రోడ్ షోలు, పబ్లిక్ షోల ద్వారా మంచి మార్కెటింగ్‌ను, ప్రజాదరణను సొంతం చేసుకున్న ఫోర్డ్ ఈకోస్పోర్ట్ కాంపాక్ట్ ఎస్‌యూవీ భారత్‌లో మొత్తం నాలుగు వేరియంట్లలో లభ్యం కానుంది.

ఇండియన్ వెర్షన్ ఫోర్డ్ ఈకోస్పోర్ట్ కాంపాక్ట్ ఎస్‍‌యూవీ ఆంబీంటే, ట్రెండ్, టైటానియం, టైటానియం ఆప్షనల్ అనే నాలుగు వేరియంట్లలో లభ్యం కానుంది. ఇందులో మూడు ఇంజన్ ఆప్షన్లు అందుబాటులో ఉండనున్నాయి. అందులో ఒకటి 1.5 లీటర్ పెట్రోల్ ఇంజన్ కాగా, మరొకటి 1.5 లీటర్ డీజిల్ ఇంజన్, వేరొకటి 1.0 ఫోర్డ్ ఈకోబూస్ట్ ఇంజన్. ఈకోబూస్ట్ ఇంజన్ కలిగిన వేరియంట్ కేవలం టాప్ ఎండ్ వేరియంట్లో మాత్రమే లభ్యం కానున్నట్లు సమాచారం.