నేటి వీడియో: కొత్త 2014 మినీ కూపర్ టీజర్

బిఎమ్‌డబ్ల్యూకి చెందిన ప్రీమియం స్మాల్ కార్ బ్రాండ్ మినీ ఈనెల 18న ఓ అప్‍‌గ్రేడెడ్ కారును విడుదల చేయనుంది. మినీ అందిస్తున్న కూపర్‌లో ఓ ఫేస్‌లిఫ్టెడ్ వెర్షన్‌ను కంపెనీ ప్రవేశపెట్టనుది. ఒరిజినల్‌గా మినీ కారును డిజైన్ చేసిన సర్ అలెక్స్ ఇస్సిగోనిస్ 107వ జన్మదినాన్ని పురస్కరించుకొని, ఆక్స్‌ఫర్డ్ ప్లాంటులో నవంబర్ 18న ఈ కొత్త 2014 మినీ కూపర్‌ను ఆవిష్కరించనున్నారు.

కొత్త మినీ కూపర్ 3-సిలిండర్ అలాగే 4-సిలిండర్ ఆప్షన్లతో లభ్యం కానుంది. ఎంట్రీ లెవల్ వేరియంట్లో 1.5 లీటర్ 3-సిలిండర్ టర్బోచార్జ్‌డ్ పెట్రోల్ ఇంజన్‌ను ఉపయోగించనున్నారు. ఈ ఇంజన్ 136 బిహెచ్‌పిల గరిష్ట శక్తిని, 220 ఎన్ఎమ్‌ల గరిష్ట టార్క్‌ను ఉత్పత్తి చేస్తుంది. పవర్‌ఫుల్ వెర్షన్ మినీ కూపర్‌లో శక్తివంతమైన 2.0 లీటర్ పెట్రోల్ ఇంజన్‌ను ఉపయోగించారు. ఈ ఇంజన్ గరిష్టంగా 192 బిహెచ్‌పిల శక్తిని, 280 ఎన్ఎమ్‌ల టార్క్‌ను ఉత్పత్తి చేస్తుంది.

ఇక డీజిల్ ఇంజన్ విషయానికి వస్తే, ఒక్క ఆప్షన్‌ను మాత్రమే అందుబాటులో ఉంచారు. ఇందులో 1.5 లీటర్, 3-సిలిండర్ డీజిల్ ఇంజన్‌ను ఉపయోగించారు. ఇది గరిష్టంగా 116 బిహెచ్‌పిల శక్తిని, 270 ఎన్ఎమ్‌ల టార్క్‌ను ఉత్పత్తి చేస్తుంది. కొత్త మినీ కారులో సరికొత్త సేఫ్టీ ఫీచర్లను ఉపయోగించారు. మినీ తమ 2014 కూపర్ కారుకు సంబంధించి ఓ టీజర్ వీడియోను విడుదల చేసింది. ఒరిజినల్ కారును నవంబర్ 18, 2013న విడుదల చేయనున్నారు. ఈలోపుగా మనం కూడా టీజర్ వీడియోని వీక్షిద్దాం రండి..!
<center><iframe width="100%" height="450" src="//www.youtube.com/embed/3IC6jtnUVgY?rel=0" frameborder="0" allowfullscreen></iframe></center>