10-స్పీడ్ ఆటోమేటిక్ గేర్‌బాక్స్‌ను అభివృద్ధి చేస్తున్న ఫోక్స్‌వ్యాగన్

Four Wheelers

oi-Ravi

By Ravi

Published: Tuesday, April 30, 2013, 11:26 [IST]

మీ కారుకు ఎన్ని గేర్లు ఉన్నాయ్. సాధారణంగా అయితే, మహా అయితే ఆరు గేర్లు ఉంటాయ్. అదే ఆటోమేటిక్ గేర్లు కలిగిన కార్ల విషయానికి వస్తే, సాధారణంగా నాలుగు గేర్ల నుంచి 7-8 గేర్ల వరకూ ఉంటాయి. బ్రిటన్‌కు చెందిన ప్రముఖ లగ్జరీ కార్ కంపెనీ ల్యాండ్ రోవర్ ఇటీవలే తమ కారులో 9-స్పీడ్ ఆటోమేటిక్ ట్రాన్సిమిషన్‌ను ఉపయోగించింది.

దీంతో ల్యాండ్ రోవర్ ప్రపంచంలో కెల్లా 9-స్పీడ్ ఆటోమేటిక్ ట్రాన్సిమిషన్ కలిగిన మొట్టమొదటి కారుగా రికార్డు సృష్టించింది.కాగా, తాజాగా జర్మనీకు చెందిన ప్రముఖ కార్ల తయారీ సంస్థ ఫోక్స్‌వ్యాగన్ ఏకంగా 10 గేర్లు ఉండే ట్రాన్సిమిషన్ (గేర్‌‌బాక్స్)ను అభివృద్ధి చేసే పనిలో ఉంది.

ఫోక్స్‌వ్యాగన్ గ్రూప్ ఓ 10-స్పీడ్ డ్యూయెల్-క్లచ్ ఆటోమేటిక్ ట్రాన్సిమిషన్‌ను అభివృద్ధి చేస్తుంది. వియన్నా మోటార్ సినాప్సియంలో ఫోక్స్‌వ్యాగన్ గ్రూప్ ఛీఫ్ మార్టిన్ వింటర్‌కోర్న్ ఈ విషయాన్ని వెల్లడించారు. ఇదే కాకుండా, తమ గ్రూప్ ప్రతి 1000సీసీ సామర్థ్యాన్ని 134 బిహెచ్‌పిల శక్తిని ఉత్పత్తి చేసే ఓ హై-పెర్ఫామెన్స్ ఇంజన్‌ను కూడా అభివృద్ధి చేస్తుందని ఆయన అన్నారు. సాధారణంగా అధిక ఆటోమేటిక్ గేర్లు కలిగిన కార్లు ఎక్కువ మైలేజీనిస్తాయని ఆటోమొబైల్ కంపెనీలు పేర్కొంటున్నాయి.