Just In
- 28 min ago ఈ కార్లు కొనుగోలు చేసేవారికి శుభవార్త!.. మైండ్ బ్లోయింగ్ డిస్కౌంట్స్
- 1 hr ago మండే వేసవిలో ట్రాఫిక్ పోలీసులకు చల్లచల్లని ఏసీ హెల్మెట్లు.. ఎక్కడో తెలుసా.??
- 3 hrs ago ఎన్నో అంచనాల మధ్య లాంచ్ అయిన క్లచ్లెస్ బైక్ TVS Jive.. ఎందుకు ఫెయిల్ అయింది.??
- 21 hrs ago ఫార్చ్యూనర్ కొత్త ఎడిషన్ను లాంచ్ చేసిన టయోటా.. ఈ ‘లీడర్' ప్రత్యేకతలివే.!!
Don't Miss
- News అచ్చెన్నాయుడు ప్రత్యర్ధికి ఊరట-పోటీ నుంచి తప్పుకున్న భార్య..!
- Movies Mahi Shivan: పండంటి బిడ్డకు జన్మనిచ్చిన సీరియల్ నటి మహేశ్వరి.. ఎవరు పుట్టారో తెలుసా?
- Sports ప్రశాంతంగా ఉన్నా.. ఇక చాలు- నరైన్ షాకింగ్ కామెంట్స్
- Technology Android 15 Features ఆండ్రాయిడ్ 15 లో క్వారంటైన్ ఫీచర్.. ఎలా పనిచేస్తుంది.. ఏంటి ఉపయోగం..??
- Finance Amit Shah: ఆ కంపెనీల్లో అమిత్ షా పెట్టుబడులు.. హోం మంత్రి పోర్ట్ఫోలియోలో టాప్-10 స్టాక్స్ ఇవే
- Lifestyle వీర్య కణాల సంఖ్య ఫాస్ట్గా పెరగాలంటే ఇవి వెంటనే తినండి..!
- Travel Hanuman Jayanti 2024 : ఢిల్లీలోని ఈ పురాతన హనుమాన్ దేవాలయాలను చూడాల్సిందే..!
చిన్న కారును అభివృద్ధి చేస్తున్న యమహా, 2019లో విడుదల!
జపనీస్ ద్విచక్ర వాహన దిగ్గజం యమహా ఓ చిన్న కారును అభివృద్ధి చేస్తోంది. ఇప్పటికే, వివిధ విభాగాల్లో కార్యకలాపాలు నిర్వహిస్తున్న యమహా గ్రూప్ తాజాగా ఫోర్-వీలర్ మార్కెట్లోకి కూడా ప్రవేశించాలని యోచిస్తోంది. తాజా సమాచారం ప్రకారం, యమహా ఓ చిన్న కారును డెవలప్ చేసే పనిలో బిజీగా ఉన్నట్లు తెలుస్తోంది. రానున్న 2019లో ఈ యమహా కారు మార్కెట్లోకి వచ్చే అవకాశం ఉంది.
ప్రధానంగా యూరోపియన్ మార్కెట్లను లక్ష్యంగా చేసుకొని యమహా తమ చిన్న కారును ప్రవేశపెట్టనుంది. గడచిన 2013 టోక్యో మోటార్ షోలో యమహా తమ 'మోటివ్.ఈ' (MOTIV.e) అనే సిటీ కారును ప్రదర్శనకు ఉంచిన సంగతి తెలిసినదే. మెక్లారెన్ ఎఫ్1తో పాటుగా అనేక ఫార్ములా వన్ కార్లను డిజైన్ చేసిన ప్రముఖ ఆటోమోటివ్ డిజైనర్ గోర్డాన్ ముర్రే ఈ కారును డిజైన్ చేశారు.
యమహా తొలుత తమ స్మాల్ కార్ ప్రాజెక్టును యూరోపియన్ మార్కెట్ల కోసం మాత్రమే చేపట్టినప్పటికీ, భవిష్యత్తులో ఈ మోడల్కు వచ్చే డిమాండ్ను మరియు సాధ్యాసాధ్యాలను బట్టి దీనిని ఇతర మార్కెట్లో కూడా ప్రవేశపెట్టే అవకాశం ఉంటుంది. ఈ చిన్న కారు కోసం యమహా ఓ ఇంజన్ను తామే స్వయంగా అభివృద్ధి చేసే అవకాశం ఉంది. కారు ఉత్పత్తి వ్యయాన్ని తక్కువగా ఉంచేందుకు గాను, ఇందులో ఉపయోగించే విడిభాగాలను కూడా అవుట్సోర్స్ చేసే అవకాశం ఉంది.
కాగా.. యమహా మోటివ్.ఈ విషయానికి వస్తే.. ఇదొక టూ-సీటర్ ఎలక్ట్రిక్ కారు. ఇందులో అమర్చి 8.8 కిలోవాట్ బ్యాటరీ ప్యాక్ సాయంతో ఎలక్ట్రిక్ మోటార్ నడుస్తుంది. ఈ మోటార్ గరిష్టంగా 25 కిలోవాట్ల పవర్ను. 896 ఎన్ఎమ్ల టార్క్ను ఉత్పత్తి చేస్తుంది. దీన్ని బట్టి చూస్తుంటే, ఇది ఎలక్ట్రిక్ కారు అయినప్పటికీ, యమహా బైక్ల మాదిరిగానే మంచి పెర్ఫామెన్స్ను కలిగి ఉంటుందని తెలుస్తోంది.
యమహా మోటివ్.ఈ ఎలక్ట్రిక్ కారులో కంపెనీ సింగిల్ స్పీడ్ ట్రాన్సిమిషన్ను ఉపయోగించింది. ఈ గేర్ బాక్స్ టార్క్ను ఎప్పటికప్పుడు చెక్ చేసుకుంటూ, దానికి అనుగుణంగా పనిచేస్తుంటుంది. మోటివ్.ఈ కేవలం 15 సెకండ్లలోనే 0-100 కిలోమీటర్ల వేగాన్ని అందుకుంటుంది. ఇది గరిష్టంగా గంటకు 105 కిలోమీటర్లకు తగ్గకుండా పరుగులు తీస్తుంది.
మోటివ్.ఈ ఎలక్ట్రిక్ కారును తేలికగా ఉండేలా డిజైన్ చేశారు. ఈ కారు మొత్తం బరువు 726 కేజీలు మాత్రమే. పూర్తి బ్యాటరీ చార్జ్పై ఇది 160 కిలోమీటర్ల దూరం నడుస్తుంది. బ్యాటరీని పూర్తిగా చార్జ్ చేయటానికి పట్టే సమయం కూడా కేవలం మూడు గంటలు మాత్రమే. ఈ కారు నిర్మాణంలో మరో ముఖ్యమైన అంశం ఏంటంటే, దీనిని ఐస్ట్రీమ్ అనే కన్స్ట్రక్షన్ టెక్నిక్పై నిర్మించారు. గోర్డాన్ ముర్రే ఇదే టెక్నిక్ను ఫార్ములా వన్ కార్ల తయారీలో ఉపయోగిస్తాడు. ఇది తేలికైన మరియు సురక్షితమైన నిర్మాణానికి సహకరిస్తుంది.