హ్యుందాయ్ హెచ్‌ఎన్‌‌డి-10 కాన్సెప్ట్ ఎస్‌యువి

By Anil

Published: Thursday, February 11, 2016, 17:18 [IST]

హ్యుందాయ్ మోటార్స్ ప్రస్తుతం మార్కెట్లోకి విడుదల చేయనున్న మోడళ్లతో పాటు తమ భవిష్యత్తు కాన్సెప్ట్ వాహనాలను 2016 ఇండియన్ ఆటో ఎక్స్ పో వేదిక మీద ప్రదర్శించింది. అందులో హ్యుందాయ్ మోటార్స్ వారి హెచ్ఎన్‌డి-14 కాన్సెప్ట్ ఎస్‌యువిని ప్రదర్శించింది.

హ్యుందాయ్ మోటార్స్ వారి ప్రదర్శించి వాహనాలన్నింటిలో ప్రత్యేక ఆకర్షణగా నిలిచిన హెచ్‌ఎన్‌డి-14 ఎస్‌యువి గురించి మరిన్ని వివరాలు క్రింది కథనం ద్వారా తెలుసుకుందాం రండి.

కాన్సెప్ట్

హ్యుందాయ్ వారి హెచ్‌ఎన్‌డి-14 ఎ‌‌స్‌యువి వాహనాన్ని తమ ఐ20 హ్యాచ్‌బ్యాక్ కారు ఆధారంతో రూపొందించారు. అయితే ఐ20 లోని రెండు ఇంజన్ ‌లను కూడా ఇందులో వినియోగించనున్నారు.

పెట్రోల్ ఇంజన్

ఐ20 హ్యాచ్‌బ్యాక్‌లోని 1.2-లీటర్ పెట్రోల్ ఇంజన్ దాదాపుగా 82 బిహెచ్‍‌పి పవర్ మరియు 115 ఎన్ఎమ్ అత్యధిక టార్క్‌ను విడుదల చేస్తుంది.

డీజల్ ఇంజన్

హెచ్‌ఎన్‌డి-14 కాన్సెప్ట్ కారులో డీజల్ ఇంజన్‌ కోసం హ్యుందాయ్ తమ ఐ20లో వినియోగించిన 1.4-లీటర్ డీజల్ ఇంజన్‌ను ఉపయోగించనుంది. ఇది దాదాపుగా 89 బిహెచ్‌పి పవర్ మరియు 220 ఎన్ఎమ్ అత్యధిక టార్క్‌ను ఉత్పత్తి చేస్తుంది.

ట్రాన్స్‌మిషన్

రెండు ఇంజన్‌లు విడుదల చేస్ పవర్‌‌ను ముందు చక్రాలకు అందివ్వడానికి ఈ కాన్సెప్ట్ ఎస్‌యువి లో 5-స్పీడ్ మ్యాన్యువల్ లేదా 4-స్పీడ్ ఆటోమేటిక్ గేర్ బాక్స్‌ను వినియోగించనున్నారు.

డిజైన్

ముందు వైపున హ్యుందాయ్ ఫ్లూయిడిక్ 2.0 ఫిలాసఫి తో డిజైన్ చేశారు. ఇక వెనుకవైపున టెయిల్ ల్యాంప్స్‌‌ను చక్కటి ప్రదేశంలో అమర్చారు మరియు ప్రక్కవైపు డిజైన్ క్రెటా ను పోలి ఉంటుంది.