వచ్చే నెలలో డాట్సన్ నుండి శక్తివంతమైన రెడి-గో వెర్షన్

జూలై 19, 2017 రోజున దీని విడుదల ఉందని తెలిసింది. కానీ డాట్సన్ ఈ వేరియంట్ విడుదల గురించి అధికారికంగా ఎలాంటి ప్రకటన చేయలేదు. 1.0 లీటర్ వెర్షన్ విడుదల చేసిన కొంత కాలానికి ఆటోమేటిక్ ట్రాన్స్‌మిషన్ గేర్‌బాక్స్ (AMT) ను కూడా అందివ్వనుంది.

డాట్సన్ తమ రెడి-గో 800సీసీ వేరియంట్‌ను గత ఏడాది జూన్‌లో మార్కెట్లోకి విడుదల చేసింది. 53బిహెచ్‌పి పవర్ మరియు 72ఎన్ఎమ్ గరిష్ట టార్క్ ఉత్పత్తి చేయగల శక్తివంతమైన ఇంజన్‌కు 5-స్పీడ్ మ్యాన్యువల్ ట్రాన్స్‌మిషన్ అనుసంధానం కలదు.

డాట్సన్ రెడి-గో కారులో పరిచయం చేయాలనుకుంటున్న ఇంజన్‌ను రెనో క్విడ్ నుండి సేకరించనుంది. క్విడ్ లోని 1.0-లీటర్‌ ఇంజన్‌ డాట్సన్ తమ రెడి-గో లో ఇప్పటికే ట్రై చేసి మరియు టెస్ట్ చేయబడింది.

డాట్సన్ రెడి-గో 1.0-లీటర్ ఆటోమేటిక్ వేరియంట్‌ను వచ్చే అక్టోబర్ నాటికి విడుదల చేయనుంది. డాట్సన్ రెడి-గో ను విడుదల చేసినప్పటి నుండి ఇప్పటి వరకు 30,000 యూనిట్లను విక్రయించింది. 1.0 లీటర్ వేరియంట్ ధర ప్రస్తుతం ఉన్న మోడల్ ధర కన్నా రూ. 30,000 ల నుండి 55,000 వరకు అధికంగా ఉండనుంది.

డ్రైవ్‌స్పార్క్ తెలుగు అభిప్రాయం!

డాట్సన్ రెడి-గో కారులో 1.0-లీటర్ ఇంజన్ పరిచయం చేయడం ద్వారా సేల్స్ పెరిగే అవకాశం ఉంది. శక్తివంతమైన ఇంజన్ ఆప్షన్‌లో స్మాల్ కారును ఎంచుకోవాలనుకునే వారికి ఇది బెస్ట్ ఛాయిస్. అయితే డాట్సన్ తమ ఉత్పత్తులతో ప్రజలకు మరింత చేరువ కావాల్సిన అవసరం ఎంతైనా ఉంది.