2017 కరోలా ఆల్టిస్ ఫేస్‌‌లిఫ్ట్ లాంచ్ చేసిన టయోటా

టయోటా కిర్లోస్కర్ మోటార్ ఇండియన్ మార్కెట్లోకి తమ ఫేస్‌లిఫ్టెడ్ 2017 కరోలా ఆల్టిస్ సెడాన్ కారును రూ. 15.87 లక్షల ప్రారంభ ధరతో విడుదల చేసింది.

Written By:

జపాన్‌కు చెందిన దిగ్గజ ప్యాసింజర్ కార్ల తయారీ సంస్థ టయోటా మోటార్స్ యొక్క ఇండియా విభాగం విపణిలోకి తమ 2017 కరోలా ఆల్టిస్ కారును ఫేస్‌లిఫ్ట్ రూపంలో విడుదల చేసింది. ప్రారంభ వేరియంట్ 2017 కరోలా ఆల్టిస్ ఫేస్‌లిఫ్ట్ ధర రూ. 15.87 లక్షలు ఎక్స్ షోరూమ్ (ఢిల్లీ)గా ఉంది.

కరోలా ఆల్టిస్ లోని పెట్రోల్ వేరియంట్ల ధరలు రూ. 15.87 లక్షల నుండి 19.91 లక్షలు, అదే విధంగా కరోలా ఆల్టిస్ ఫేస్‌లిఫ్ట్ డీజల్ వేరియంట్ల ధరలు రూ. 17.36 లక్షల నుండి 19.05 లక్షల మధ్య ఎక్స్ షోరూమ్ ఢిల్లీగా ఉన్నాయి.

2017 టయోటా కరోలా ఆల్టిస్ ఫేస్‌లిఫ్ట్‌లో సరికొత్త ఫ్రంట్ గ్రిల్, పగటి పూట వెలిగే లైట్ల జోడింపుతో ఎల్ఇడి హెడ్ ల్యాంప్ క్లస్టర్, మరియు 16-అంగుళాల అల్లాయ్ వీల్స్ కలవు.

దీని ఇంటీరియర్‌లో టచ్ సాఫ్ట్ డ్యాష్ బోర్డ్ మరియు అప్‌డేటెడ్ ఇంటీరియర్ కలర్‌తో నూతనంగా డిజైన్ చేయబడిన ఇంస్ట్రుమెంట్ ప్యానల్ కలదు.

ఈ సరికొత్త 2017 కరోలా ఆల్టిస్ ఫేస్‌లిఫ్ట్‌ను 1.8-లీటర్ సామర్థ్యం ఉన్న పెట్రోల్ మరియు 1.4-లీటర్ సామర్థ్యం ఉన్న డీజల్ ఇంజన్ వేరియంట్లలో ఎంచుకోవచ్చు.

ఇందులోని 1.8-లీటర్ సామర్థ్యం ఉన్న డ్యూయల్ వివిటి-ఐ పెట్రోల్ ఇంజన్ గరిష్టంగా 138బిహెచ్‌పి పవర్ మరియు 173ఎన్ఎమ్ గరిష్ట టార్క్ ఉత్పత్తి చేయును.

అదే విధంగా ఇందులోని 1.4-లీటర్ సామర్థ్యం ఉన్న డీజల్ ఇంజన్ గరిష్టంగా 88బిహెచ్‌పి పవర్ మరియు 205ఎన్ఎమ్ గరిష్ట టార్క్ ఉత్పత్తి చేయును.

టయోటా కిర్లోస్కర్ మోటార్ సీనియర్ వైస్ ప్రెసిడెంట్ అకితోషి టకెమురా మాట్లాడుతూ, ఇండియాలో ప్రీమియమ్ సెడాన్ కస్టమర్ల అభిరుచులను దృష్టిలో ఉంచుకుని సరికొత్త 2017 కరోలా ఆల్టిస్ సెడాన్ అభివృద్ది చేసి, విడుదల చేసినట్లు చెప్పుకొచ్చాడు.

ఈ సందర్భంగా టయోటా కిర్లోస్కర్ మోటార్ ఇండియా డైరెక్టర్ మరియు సీనియర్ వైస్ ప్రెసిడెంట్ ఎన్ రాజా మాట్లాడుతూ, ప్రపంచ వ్యాప్తంగా టయోటా మోటార్స్ బెస్ట్ సెల్లింగ్ సెడాన్ కారుగా ఉంది. అంతర్జాతీయ విపణిలోనే కూడా ఇండియాలో కూడా మంచి అమ్మకాలు సాధిస్తూ, ప్రీమియమ్ సెడాన్ శ్రేణిలో సెగ్మెంట్ లీడర్‌గా రాణిస్తోందని తెలిపాడు.

దాదాపు కొన్ని సంవత్సరాల పాటు కరోలా ఆల్టిస్ దేశీయంగా ఉన్న టయోటా లైనప్‌లో అత్యంత శక్తివంతమైన ఉత్పత్తి అని, మరియు ప్రీమియమ్ సి సెగ్మెంట్లో మా స్థానాన్ని పటిష్టపరిచింది, అదే విధంగా సి సెగ్మెంట్ సెడాన్ మార్కెట్ మొత్తం వాటాలో కరోలా ఆల్టిస్ 40 శాతం ఉందని తెలిపాడు.
ఇతరులు ఎక్కువగా చదువుతున్నవి: 

హోండా మోటార్స్ మార్కెట్లోకి 2017 సిటి ప్రీమియమ్ సెడాన్ కారును విడుదల చేసింది. 2017 సిటి ప్రీమియమ్ సెడాన్ ఫోటోల కోసం క్రింది గ్యాలరీ మీద క్లిక్ చేయండి....

Click to compare, buy, and renew Car Insurance online

Buy InsuranceBuy Now

English summary
2017 Toyota Corolla Altis Launched In India — Prices Start At Rs 15.87 Lakh
Please Wait while comments are loading...

Latest Photos