భారత్‌లో 2003 మోడల్ హోండా అకార్డ్, సిఆర్-వి కార్ల రీకాల్

Car Buzz

oi-Ravi

By Ravi

Published: Wednesday, July 16, 2014, 17:53 [IST]

హోండా కార్స్ ఇండియా తాజాగా భారత్‌లో మరో రీకాల్ చేసింది. జూన్ 2014లో హోండా ప్రకటించిన గ్లోబల్ రీకాల్‌లో భాగంగా, భారత మార్కెట్లో రెండు మోడళ్లలో ప్యాసింజర్ సైడ్ ఎయిర్‌బ్యాగ్‌కు సంబంధించి ఈ వాలంటరీ రీకాల్ చేస్తున్నట్లు హోండా తెలిపింది.

గడచిన 2003లో ఉత్పత్తి చేసిన హోండా అకార్డ్ మరియు హోండా సిఆర్-విలలో ప్యాసింజర్ సైడ్ ఎయిర్‌బ్యాగ్‌లను రీప్లేస్ చేసేందుకు ఈ రీకాల్ చేస్తున్నామని హోండా వివరించింది. 2003లో తయారైన 1085 యూనిట్ల హోండా అకార్డ్ మరియు 252 యూనిట్ల సిఆర్-విలతో పాటుగా 2002లో తయారైన 1 యూనిట్ సిఆర్-వి కూడా ఈ రీకాల్‌కు వర్తించనున్నాయి.

తమ ఉత్పత్తుల నాణ్యత ప్రమాణాలను మరింత పటిష్టం చేసేందుకు జపనీస్ హోండా మోటార్ కంపెనీ చేసిన గ్లోబల్ రీకాల్‌లో భాగంగానే, దాని పూర్తి భారతీయ అనుబంధ సంస్థ హోండా కార్స్ ఇండియా భారత్‌లో ఈ రీకాల్ చేసింది. ఈ సమస్య వలన భారత్‌లో ఇప్పటి వరకూ ఎలాంటి యాక్సిడెంట్ సంభవించినట్లు తమ ఫిర్యాదులు రాలేదని హోండా తెలిపింది.

రీకాల్‌కు వర్తించే కార్లను గుర్తించి, వారి యజమానులను సంప్రదించడం జరుగుతుందని, దేశవ్యాప్తంగా ఉన్న అధీకృత హోండా కార్స్ ఇండియా డీలర్‌షిప్‌లలో ఈ ఎయిర్‌బ్యాగ్‌ను ఉచితంగా రీప్లేస్ చేయటం జరుగుతుందని కంపెనీ వివరించింది.

కస్టమర్లు తమ అకార్డ్ లేదా సిఆర్-వి కారు ఈ రీకాల్‌కు వర్తిస్తుందో లేదో తెలుసుకోవాలనుకుంటే, www.hondacarindia.com వెబ్‌సైట్‌ను సందర్శించి, తమ వాహనం యొక్క 17 అంకెలు-అక్షరాలతో కూడిన వెహికల్ ఐడెంటెఫికేషన్ నెంబర్ (విఐఎన్)ను ఎంటర్ చేసి తెలుసుకోవచ్చు.

ఈ సమస్యను సరిచేసుకోకుండా అలానే వదిలేస్తే, యాక్సిడెంట్ జరిగి ఎయిర్‌బ్యాగ్ విచ్చుకున్నప్పుడు ఇన్‌ఫ్లేటర్ డ్యామేజ్ అయ్యే ప్రమాదం ఉన్నట్లు హోండా తెలిపింది.

టూ మచ్ హార్స్ పవర్.. ఆ తర్వాతేమైంది..?
<center><iframe width="100%" height="450" src="//www.youtube.com/embed/XK3jWvNIqK4?rel=0" frameborder="0" allowfullscreen></iframe> /off-beat/video-give-an-ambulance-right-of-way-006787.html</center>