హైదరాబాద్‌లో 9 సీటర్ మహీంద్రా జైలో డి2 మ్యాక్స్ విడుదల

హైదరాబాద్: ప్రముఖ దేశీయ యుటిలిటీ వాహన దిగ్గజం మహీంద్రా అండ్ మహీంద్రా గడచిన నెలలో భారత మార్కెట్లో విడుదల చేసిన 9-సీటర్ వెర్షన్ 'మహీంద్రా జైలో డి2 మ్యాక్స్' (Mahindra Xylo D2 MAXX)ను కంపెనీ తాజాగా రాష్ట్ర మార్కెట్లోని వినియోగదారులకు అందుబాటులోకి తీసుకువచ్చింది. తొమ్మిది మంది ప్రయాణికులు (డ్రైవర్‌తో కలిపి) కూర్చొని ప్రయాణించేలా ఈ కొత్త జైలో డి2 డిమ్యాక్స్‌ను తయారు చేశారు.

రాష్ట్ర మార్కెట్లో మహీంద్రా జైలో డి2 మ్యాక్స్ ఎమ్‍‌పివి ధరను రూ.7.33 లక్షలు (బిఎస్‌3 వెర్షన్, ఎక్స్-షోరూమ్ హైదరాబాద్)గా నిర్ణయించామని కంపెనీ తెలిపింది. ఈ 9-సీటర్ ఎమ్‌పిని ప్రధానంగా టూర్ అండ్ ట్రావెల్ ఆపరేటర్స్, ప్యాసింజర్ మూవ్‌మెంట్ కోసం అభివృద్ధి చేశామని, ఇందులో సైడ్ ఫేసింగ్ రియర్ సీట్స్ (వెనుక వరుసలో ఎదురెదురుగా ఉండే సీట్లు) ఉంటాయని కంపెనీ వివరించింది.