ఆస్ట్రేలియాలో టాటా జెనాన్ టఫ్ ట్రక్ కాన్సెప్ట్ ఆవిష్కరణ

ఫ్యూజన్ ఆటోమోటివ్ (ఆస్ట్రేలియాలోని టాటా మోటార్స్ స్థానిక పంపిణీదారు) సహకారంతో టాటా మోటార్స్ ఈ జెనాన్ టఫ్ ట్రక్కును రూపొందించింది. ఈ కాన్సెప్ట్ ఫోర్ వీల్ డ్రైవ్ (4x4) ఆప్షన్‌ను కలిగి ఉంటుంది.

రెగ్యులర్ వెర్షన్ టాటా జెనాన్ పికప్ ట్రక్కుకు అధనపు బాడీ కిట్లను, యాక్ససరీలను జోడించి జెనాన్ టఫ్ ట్రక్ కాన్సెప్ట్‌ను తయారు చేశారు. ఇందులో వీల్స్, స్నోర్కెల్, రూఫ్‌పై స్పోర్ట్స్ బార్, ఎల్ఈడి జెనాన్ డ్రైవింగ్ అండ్ స్పాట్ లైట్స్, డేటైమ్ రన్నింగ్ లైట్లు చెప్పుకోదగినవి.

ఈ చక్రాలు 20 ఇంచ్‌ల కొలతను కలిగి ఉండి, ధృడమైన అల్యూమినియంతో తయారు చేయబడ్డాయి. ఇందులో మరొక ప్రధాన ఆకర్షన్ ఆఫ్ రోడ్ టైర్లు. శాటిన్ ఆర్డెన్ ఎక్స్టీరియర్ పెయింట్‌తో జెనాన్‌కు టఫ్ టచ్‌ను ఇచ్చారు.

ఇంజన్ పరంగా మాత్రం ఇందులో ఎలాంటి మార్పులు లేవు. ఇందులో 2.2 లీటర్ డైకార్, యూరో-5 డీజిల్ ఇంజన్‌ను ఉపయోగించారు. ఇది 148 హార్స్ పవర్‌ల శక్తిని ఉత్పత్తి చేస్తుంది. ఈ ఇంజన్ 5-స్పీడ్ మ్యాన్యువల్ గేర్‌బాక్సుతో జతచేయబడి ఉంటుంది.