ప్రపంచంలో కెల్లా మొట్టమొదటి క్రాసోవర్ సెడాన్ వోల్వో ఎస్60

Car Buzz

oi-Ravi

By Ravi Shankar

Updated: Saturday, January 10, 2015, 18:06 [IST]

స్వీడన్‌కు చెందిన కార్ కంపెనీ వోల్వో, ఈ ఏడాది జరగనున్న 2015 డెట్రాయిట్ ఆటో షోలో తమ సరికొత్త క్రాసోవర్ సెడాన్ కాన్సెప్ట్ 'వోల్వో ఎస్60 క్రాస్ కంట్రీ' (Volvo S60 Cross Country) మోడల్‌ను ఆవిష్కరించనుంది. ఈ నేపథ్యంలో, వోల్వో తమ ఎస్60 క్రాస్ కంట్రీ మోడల్‌కి సంబంధించిన అఫీషియల్ ఫొటోలను కూడా విడుదల చేసింది.

వోల్వో ఎస్60 క్రాస్ కంట్రీ ప్రపంచంలో కెల్లా మొట్టమొదటి క్రావోసర్ సెడాన్ కావటం విశేషం. ఎస్‌యూవీ మరియు సెడాన్లను కలిపి ఈ మోడల్‌ను తయారు చేశారు. తమ క్రాస్ కంట్రీ బ్రాండ్‌ను మరింత విస్తరించే దిశలో భాగంగా ఈ మోడల్‌ను తయారు చేసినట్లు కంపెనీ పేర్కొంది. వాస్తవానికి వోల్వో 1997లోనే ఈ సెగ్మెంట్‌కు శ్రీకారం చుట్టింది. వోల్వో వి70 క్రాస్ కంట్రీ ద్వారా ఈ కొత్త సెగ్మెంట్‌ను స్టార్ట్ చేసింది.

వోల్వో అందిస్తున్న వి60 క్రాస్ కంట్రీ మాదిరిగానే ఎస్60 క్రాస్ కంట్రీ కూడా ఎక్కువ రైడ్ హైట్ 65 మి.మీ. (2.5 ఇంచెస్)ను కలిగి ఉంటుంది. వోల్వో ఎస్60 క్రాస్ కంట్రీ మోడల్ ఆల్-వీల్ డ్రైవ్ మరియు ఫ్రంట్ వీల్ డ్రైవ్ సిస్టమ్‌లతో లభ్యం కానుంది. క్రాసోవర్ సెడాన్ సెగ్మెంట్లో వోల్వో ఎస్60 క్రాస్ కంట్రీ పోటీగా నిలువడానికి మరే ఇతర మోడల్ ఈ సెగ్మెంట్లో అందుబాటులో లేదు.

వోల్వో ఎస్60 క్రాస్ కంట్రీ మోడల్‌లో పవర్‌ఫుల్ డి4 డీజిల్ ఇంజన్‌ను ఉపయోగించనున్నారు. ఈ ఇంజన్ గరిష్టంగా 10 హార్స్‌పవర్‌ల శక్తిని ఉత్పత్తి చేస్తుంది. అలాగే, భవిష్యత్తులో ఇందులో 2.4 లీటర్, 5-సిలిండర్, డీజిల్ ఇంజన్‌ను కూడా ఆఫర్ చేయాలని కంపెనీ భావిస్తోంది. క్రాసోవర్‌లోని ప్రయోజనాలను మరియు సెడాన్‌లోని సౌకర్యాన్ని కోరుకునే వారికి ఇదొక చక్కటి ఆప్షన్ అని వోల్వో తెలిపింది.