7-సీటర్ వ్యాగన్ఆర్ ఎమ్‌పివి ఇండియాకు వస్తుందా?

జకార్తాలో జరిగిన 2013 ఇండోనేషియన్ ఇంటర్నేషనల్ మోటార్ షోలో 'వ్యాగన్ఆర్ 3 రోస్ కాన్సెప్ట్' అనే పేరుతో సుజుకి ఈ వ్యాగన్ఆర్ ఎమ్‌పివిని ఆవిష్కరించింది.

సుజుకి ఆవిష్కరించిన ఈ వ్యాగన్ఆర్ 3 రోస్ కాన్సెప్ట్ కారు పొడవులో నాలుగు మీటర్ల కన్నా తక్కువగా ఉంటుంది. ఫలితంగా ఇది ఎక్సైజ్ సుంకంలో రాయితీని పొంది, సరసమైన ధరకే అందుబాటులోకి వచ్చే ఆస్కారం ఉంది.

ఈ కారుకు సంబంధించిన మరిన్ని వివరాలను కంపెనీ వెల్లడించలేదు. ప్రస్తుతానికి ఇది కాన్సెప్ట్ మాత్రమేనని, దీనిపై ఇంకా నిర్ణయం తీసుకోలేదని సుజుకి ఉన్నతాధికారి ఒకరు వెల్లడించారు.

ఒకవేళ ఈ వ్యాగన్ఆర్ ఎమ్‌పివి ఉత్పత్తి దశకు చేరుకుంటే, ఇది ఇండోనేషియన్ ఎల్‌సిజిసి (లో కాస్ట్ గ్రీన్ కార్) ప్రాజెక్టుకు అర్హత సాధిస్తుంది, ఫలితంగా పన్ను రాయితీలను పొందుతుంది.

ఇండోనేషియన్ మార్కెట్లో వ్యాగన్ఆర్ ఎమ్‌పివి ధర 100 మిలియన్ ఇండోనేషియన్ రుపయ్యల కన్నా తక్కువగా ఉండొచ్చని అంచనా. మనదేశ కరెన్సీలో దీని విలువ సుమారు రూ.5.37 లక్షలతో సమానం.

వ్యాగన్ఆర్ ఎమ్‌పివి నేరుగా డాట్సన్ గో ప్లస్, హోండా మొబిలియో వంటి ఎమ్‌పివిలతో తలపడనుంది.