Click it and Unblock the Notifications
Just In
-
-
-
-
Don't Miss
-
భారీ వర్షం - వాతావరణ శాఖ బిగ్ అలర్ట్..!! -
రోహిత్పై గౌరవం..అంతకుమించి ఏం లేదు: పుకార్లపై ప్రీతి జింటా ఫైర్ -
ఇంద్రజకు చుక్కలు చూపించిన డైరెక్టర్.. భోరుమని ఏడ్చిన సీనియర్ హీరోయిన్.. ఏం జరిగిందంటే? -
వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా? -
రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!! -
తెలంగాణలోని గొంతెమ్మగుట్ట సందర్శనకు బయలుదేరుదామా..? -
Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
ఈ 'తప్పనిసరి రోడ్డు సంకేతాల' గురించి మీకు తెలుసా?
వాహనాన్ని డ్రైవ్ చేయటం నేర్చుకోవటం కన్నా ముందు, రోడ్డు సంకేతాల (సంజ్ఞల) గురించి తెలుసుకోవటం ఎంతో అవసరం. సాధారణంగా, డ్రైవింగ్ నేర్చుకోవటానికి డ్రైవింగ్ స్కూల్‌కు వెళ్లినా లేదా లైసెన్స్ టెస్ట్ కోసం ఆర్టీవో కార్యాలయాలకు వెళ్లినా వారు ముందుగా పరీక్షించేది మన డ్రైవింగ్ సరళిని కాదు, మనకు రోడ్ సైన్‌బోర్డుల విషయంలో ఎంత అవగాహన ఉందనేది పరీక్షించిన తర్వాతనే, ప్రాక్టికల్ డ్రైవింగ్ టెస్టును నిర్వహిస్తుంటారు.
ఇది కూడా చదవండి: ఫన్నీ రోడ్ సైన్స్ (నవ్వు గ్యారంటీ)
మనం రోడ్డుపై వెళ్తున్నప్పుడు నిత్యం అనేక రకాల రోడ్డు సంకేతాలను చూస్తుంటాం. అందులో కొన్ని దారి చూపేవైతే, మరికొన్ని సమాచారాన్ని అందించేవి, ఇంకొన్ని డ్రైవర్లను అప్రమత్తం చేసివిగా ఉంటాయి. సాధారణంగా ఆర్ అండ్ బి వాళ్లు ఇలాంటి సంకేతాలను రోడ్డుకు పక్కగా రాత్రివేళల్లో సైతం స్పష్టంగా కనిపించేలా రేడియం పెయింట్‌తో తయారు చేసిన వాటిని ఏర్పాటు చేస్తుంటారు.
ఇచ్చట పార్కింగ్ చేయరాదు, ఇక్కడ కుడి/ఎడమ వైపుకు టర్నింగ్ లేదు, నిర్ధిష్ట వేగానికి మించి వెళ్ల కూడదు, ముందు స్పీడ్ బ్రేకర్లు ఉన్నాయి, అనవసరంగా హారన్ కొట్టరాదు, ముందు రైల్వే ట్రాక్ ఉన్నది.. ఇలా అనేక రకాల సైన్ బోర్డులను మనం గమనిస్తూ ఉంటాం. ఇందులో కొన్ని తప్పనిసరి సంకేతాలు ఉంటాయి, వీటిని అతిక్రమిస్తే ట్రాఫిక్ నిబంధనల ఉల్లంఘనగా పరిగణించి, అందుకు తగిన జరిమానా విధించడం జరుగుతుంది.
మరి
ఈ
కథనంలో
కొన్ని
తప్పనిసరి
రోడ్డు
సంకేతాల
గురించి
తెలుసుకుందాం
రండి..!
Recommended Video
నో ఎంట్రీ (ప్రవేశము నిషిద్ధం).
ఈ సంకేతం ఉన్న రోడ్డులో వాహనాలను నడపకూడదు, అలాచేస్తే అది చట్టరీత్యా నేరం అవుతుంది. అందుకు తగిన జరిమానా చెల్లించాల్సి ఉంటుంది.
నో పార్కింగ్ (వాహనాలను పార్కింగ్/నిలుపుదల చేయరాదు).
ఈ సంకేతం ఉన్న చోట వాహనాలను పార్క్ చేయకూడదు. అలాచేస్తే అది చట్టరీత్యా నేరం అవుతుంది, అందుకు తగిన జరిమానా చెల్లించాల్సి ఉంటుంది.
నో స్టాండింగ్ (వాహనాలను నిలుపరాదు)
ఈ సంకేతం ఉన్న రోడ్డుపై వాహనాలను నిలుప కూడదు. అలాచేస్తే అది చట్టరీత్యా నేరం అవుతుంది, అందుకు తగిన జరిమానా చెల్లించాల్సి ఉంటుంది.
వన్ వే (ఒకవైపు మాత్రమే వాహనాలకు ప్రవేశం)
ఈ సంకేతం ఉన్న చోట వాహనాలకు ఒకవైపు మాత్రమే ప్రవేశం ఉంటుంది. రాంగ్ రూట్లో వాహనాలు నడిపే వారు అందుకు తగిన మూల్యం చెల్లించుకోక తప్పదు.
నో లెఫ్ట్ టర్న్ (ఎడమ వైపుకు అనుమతి లేదు)
ఈ సంకేతం ఉన్న చోట వాహనాలను ఎడమవైపుకు తిప్పరాదు.
నో రైట్ టర్న్ (కుడి వైపుకు అనుమతి లేదు)
ఈ సంకేతం ఉన్న చోట వాహనాలను కుడివైపుకు తిప్పరాదు.
స్పీడ్ లిమిట్ (వేగ పరిమితి)
ఈ సంకేతం ఉన్న చోట నిర్ధిష్ట వేగానికి మించి వాహనాన్ని నడపకూడదు. ఈ ఫొటోలో సంకేతం ప్రకారం, వాహనాన్ని 50 కి.మీ. కంటే వేగంగా నడపకూడదు.
నో ఓవర్‌టేకింగ్ (వాహనాలను ఓవర్‌టేక్ చేయకూడదు)
ఈ సంకేతం ఉన్న చోట వాహనాలను ఓవర్‌టేక్ చేయటం చాలా ప్రమాదకరం.
నో పెడస్ట్రైన్స్ (పాదచారులకు అనుమతి లేదు)
ఈ సంకేతం ఉన్న చోట్ పాదచారులు నడవటానికి/రోడ్డు దాటడానికి అనుమతి ఉండదు. అలా చేయటం ప్రమాదకరం.
టాంగాస్ ప్రొహిబిటెడ్ (గుర్రపు జెట్కా బండ్లు/టాంగాలు నిషిద్ధం).
ఈ సంకేతం ఉన్న చోట గుర్రపు జెట్కా బండ్లు/టాంగాలను నడపకూడదు.
నో యూ టర్న్ (యూ టర్న్ లేదు)
ఈ సంకేతం ఉన్న చోట వాహనాలను యూ టర్న్ చేయకూడదు. అలా చేయటం నేరం మరియు ప్రమాదకరం.
వెహికల్స్ ప్రొహిబిటెడ్ (వాహనాలకు అనుమతి లేదు)
ఈ సంకేతం ఉన్న చోట రెండు వైపుల నుంచి వాహనాలకు అనుమతి ఉండదు.
విడ్త్ లిమిట్ (రోడ్డు వెడల్పు పరిమితి)
ఈ సంకేంత ఉన్న చోట రోడ్డు వెడల్పు కేవలం 2 మీటర్లు మాత్రమే ఉంటుంది. దానికి అనుగుణంగా రోడ్డుపై నెమ్మదిగా వెళ్లాల్సి ఉంటుంది.
ట్రక్స్ ప్రొహిబిటెడ్ (ట్రక్కులకు అనుతి లేదు)
ఈ సంకేతం ఉన్న చోట భారీ వాహనాలు, ట్రక్కులకు ప్రవేశం ఉండదు.
హారన్ ప్రొహిబిటెడ్ (హారన్ కొట్టరాదు)
ఈ సంకేతం ఉన్న చోట అవసరం లేకుండా హారన్ కొట్ట కూడదు. అలా కొడితే అది చట్టరీత్యా నేరం అవుతుంది. అందుకు తగిన జరిమానా చెల్లించాల్సి ఉంటుంది.
గివ్ వే (దారి ఇవ్వండి)
ఈ సంకేతం ఉన్న చోట ఎదురుగా లేదా వెనుక గా వస్తున్న వాహనాలకు దారి వదలాలి.
సైకిల్స్ ప్రొహిబిటెడ్ (సైకిళ్లకు ప్రవేశం లేదు)
ఈ సంకేతం ఉన్న చోట సైకిళ్లకు అనుమతి ఉండదు.
కంపల్సరీ సైకిల్ ట్రాక్ (తప్పనిసరి సైకిల్ ట్రాక్)
ఈ సంకేతం ఉన్న రోడ్డుపై తప్పనిసరిగా సైకిళ్లకు మాత్రమే అనుమతి ఉంటుంది. ఇది సాధారణంగా రోడ్డుకు పక్కగా ఉంటుంది.
కంపల్సరీ లెఫ్ట్ (తప్పనిసరి ఎడమ వైపు)
ఈ సంకేతం ఉన్న రోడ్డపు తప్పనిసరిగా ఎడమవైపు మాత్రమే వాహనాలను నడపాలి.
కంపల్సరీ స్ట్రైట్/ఎహెడ్ (తప్పనిసరిగా నేరుగా)
ఈ సంకేతం ఉన్న రోడ్డుపై తప్పనిసరిగా నేరుగా మాత్రమే వాహనాలను నడపాలి, కుడివైపు కానీ లేదా ఎడమవైపు కానీ వాహనాలను నడపకూడదు.
కంపల్సరీ టర్న్ లెఫ్ట్ (తప్పనిసరిగా ఎడమవైపుకు తిరగాలి)
ఈ రోడ్డు సంకేతం ఉన్న చోట తప్పనిసరిగా వాహనాన్ని ఎడమ వైపుకు తిప్పాలి.
కంపల్సరీ టర్న్ రైట్ (తప్పనిసరిగా కుడి వైపుకు)
ఈ సంకేతం ఉన్న చోట తప్పనిసరిగా వాహనాన్ని కుడివైపుకు తిప్పాలి.
కంపల్సరీ హారన్ (తప్పనిసరిగా హారన్)
ఈ సంకేతం ఉన్న చోట తప్పనిసరిగా హారన్ కొట్టాలి.
కంపల్సరీ స్ట్రైట్ ఆర్ రైట్ (తప్పనిసరిగా నేరుగా లేదా కుడి వైపుకు)
ఈ సంకేతం ఉన్న చోట వాహనాన్ని తప్పనిసరిగా నేరుగా లేదా కుడివైపుకు మాత్రమే నడపాలి.
కంపల్సరీ స్ట్రైట్ ఆర్ లెఫ్ట్ (తప్పనిసరిగా నేరుగా లేదా ఎడమ వైపుకు)
ఈ సంకేతం ఉన్న చోట వాహనాన్ని తప్పనిసరిగా నేరుగా లేదా ఎడమ వైపుకు మాత్రమే నడపాలి.
బుల్లాక్ అండ్ హ్యాండ్ కార్ట్స్ ప్రొహిబిటెడ్ (ఎద్దుల బండ్లు, తోపుడు బండ్లు నిషిద్ధం)
ఈ సంకేతం ఉన్న రోడ్డుపై ఎద్దుల బండ్లు, నెట్టుడు/తోపుడు బండ్లను నడపకూడదు.
ఆల్ మోటార్ వెహికల్స్ ప్రొహిబిటెడ్ (అన్ని మోటార్ వాహనాలను నిషిద్ధం)
ఈ సంకేతం ఉన్న రోడ్డుపై అన్ని మోటార్ వాహనాలను నడపకూడదు.
యాక్సిల్ లోడ్ లిమిట్ (బరువు పరిమితి)
ఈ సంకేతం ఉన్న చోట వాహనాల బరువు 4 టన్నులకు మించకూడదు.
హైట్ లిమిట్ (ఎత్తు పరిమితి)
ఈ సంకేతం ఉన్న చోట వాహనాల ఎత్తు 3.5 మీటర్ల కంటే ఎక్కువ ఉండకూడదు.
లెంత్ లిమిట్ (పొడవు పరిమితి)
ఈ సంకేతం ఉన్న చోట వాహనాల పొడవు 10 మీటర్ల కన్నా ఎక్కువ ఉండకూడదు.
లోడ్ లిమిట్ (బరువు పరిమితి)
ఈ సంకేతం ఉన్న రోడ్లపై 5 టన్నులకు మించి బరువు కలిగిన వాహనాలకు ప్రవేశం ఉండదు.
హ్యాండ్ కార్ట్స్ ప్రొహిబిటెడ్ (తోపుడు/నెట్టుడు బండ్లకు ప్రవేశం లేదు)
ఈ సంకేతం ఉన్న చోట తోపుడు/నెట్టుడు బండ్లకు ప్రవేశం ఉండదు.
స్టాప్ (ఆగుము)
ఈ సంకేతం ఉన్న చోట వాహనాలను నిలపాలి.
రిస్ట్రిక్షన్స్ ఎండ్స్ (ఆంక్షలు ముగిసినవి)
ఈ సంకేతం ఉన్న చోట నుంచి రోడ్డుపై ఆంక్షలు ముగుస్తాయి.
ఫన్నీ రోడ్ సైన్స్
ఆసక్తికరమైన, నవ్వు పుట్టించే ఫన్నీ రోడ్ సైన్స్ (సంకేతాల) గురించి తెలుసుకునేందుకు ఈ లింక్‌పై క్లిక్ చేయండి.
