నిబంధనలు ఉల్లంఘించే వారిపై హైదరాబాద్ ట్రాఫిక్ పోలీసుల కొరడా

హైదరాబాద్ ట్రాఫిక్ పోలీస్ (హెచ్‌టిపి) గడచిన ఏడు వారాలుగా అస్తవ్యస్తమైన రిజిస్ట్రేషన్ నెంబర్ ప్లేట్లు, వాహన పత్రాలకు సంబంధించి ఓ స్పెషల్ డ్రైవ్‌ను నిర్వహిస్తోంది. ఈ ఏడు వారాల్లో ఇప్పటికే వేలాది మందిపై కేసులు బుక్ అయ్యాయి. వీరంతా కూడా ట్రాఫిక్ నిబంధనలు ఉల్లంఘించిన వారేనని హెచ్‌టిపి ఓ ప్రత్రికా ప్రకటనలో పేర్కొంది.

ట్రాఫిక్ నిబంధనలు ఉల్లంఘించిన వారిలో 2705 మందిని కౌన్సిలింగ్ కోసం టిటిఐలకు పపించామని, దీని ప్రయాణికుల్లో చాలా వరకూ మార్పు కనిపించిందని, అక్రమ నెంబర్ ప్లేట్ల సమస్య కూడా తగ్గుముఖం పట్టిందని హెచ్‌టిపి పేర్కొంది. ఈ స్పెషల్ డ్రైవ్ తర్వాత వాహన చోదకులు ఒరిజినల్ డిఎల్, ఆర్‌సిలను తమ వెంట తీసుకుని ప్రయాణిస్తున్నారని హెచ్‌టిపి వివరించింది.

ఈ సమయంలో నమోదైన కేసుల వివరాలు ఇలా ఉన్నాయి:

ప్రస్తుతం రాజధానిలో జరుగుతున్న వినాయక చవితి ఉత్సవాలు, రానున్న కాప్-11 కన్వెన్షన్‌ను దృష్టిలో ఉంచుకొని, క్రింద తెలిపిన కనిపించే ట్రాఫిక్ నిబంధల ఉల్లంఘనపై హైదరాబాద్ ట్రాఫిక్ పోలీస్ ఓ ప్రత్యేక డ్రైవ్‌ను నిర్వహించనున్నట్లు హైదరాబాద్ ట్రాఫిక్ అడిషనల్ కమిషనర్ ఆఫ్ పోలీస్ మీడియాకు తెలిపారు.

1. సిగ్నల్ జపింగ్
2 స్టాప్ లైన్ ఉల్లంఘన
3. ఫ్రీ లెఫ్ట్ ఉల్లంఘన
4. ఆర్‌టిసి బస్సులు, ఆటోల ద్వారా బస్ బే ఉల్లంఘన
5. డ్రైవింగ్‌లో సెల్ ఫోన్ ఉపయోగిచడం
6. రాంగ్ సైడ్‌లో డ్రైవ్ చేయటం
7. ట్రిపుల్ రైడింగ్
8. ఆటోలు/ఆర్‌టిసి బస్సుల ద్వారా ఓవర్‌లోడింగ్
9. నో ఎంట్రీ టైమింగ్ ఉల్లంఘన
10. అస్తవ్యస్త నెంబర్ ప్లేట్లు