నేటి ఫేస్‌బుక్ వీడియో: ఏం జరిగినా వెనక్కి తగ్గే ప్రసక్తే లేదు!

'మోన్‌స్టర్ జామ్' అనేది యునైటెడ్ స్టేట్స్‌లో ఓ ప్రసిద్ధి చెందిన మోటార్‌స్పోర్ట్. ఈ మోటార్‌స్పోర్ట్‌లో పెద్ద చక్రాలు కలిగిన ట్రక్కులు (వీటిని ముద్దుగా మోన్‌స్టర్ ట్రక్కులు అంటారు) చాలా ఫేమస్. గ్రేవ్ డిగ్గర్, మాగ్జిమమ్ డిస్ట్రక్షన్, మోన్‌స్టర్ మట్, ఎల్ టోరో లోకో, కెప్టెన్స్ కర్స్, బ్లూ థండర్ వంటి విశిష్టమైన పేర్లను కలిగి ఉండే ట్రక్కులు వాటి పేర్లకు తగినట్లుగానే మంచి పాపులారిటీని కూడా కలిగి ఉంటాయి.

ఈ మోన్‌స్టర్ ట్రక్కులు రేసింగ్ ఈవెంట్లలో పాల్గొనటమే కాకుండా ఫ్రీస్టైల్ విభాగంలో కూడా చాలా పాపులర్. ఇందులో ఫ్రీస్టైల్ అత్యద్భుతంగా ఉంటుంది. ఇందులో అనేక రకాల స్టంట్స్ ఉంటాయి. ఈ స్టంట్‌లలో ర్యాంప్‌ల పై నుంచి జంప్ చేయటం, పాత కార్లను క్రష్ చేయటం, వీలీస్ పెర్ఫార్మ్ చేయటం వంటి టాస్క్‌లు ఉంటాయి. పాయింట్ల ఆధారంగా ఇందులో విజేతలను ఎంచుకోవటం జరుగుతుంది.

ఈ వీడియోలో మనం మోన్‌స్టర్ జామ్ ఈవెంట్‌లో పాల్గొన్న ఎల్ టోరో లోకో ట్రక్ చేసిన విన్యాసాలను, చివరకు అది వికటించిన తీరుసును వీక్షిద్దాం రండి..!