ముంబై మెట్రో రైలులో లీకేజ్ ప్రాబ్లం, షవర్ బాత్‌గా మారిన ట్రైన్

Off Beat

oi-Ravi

By Ravi Shankar

Updated: Thursday, July 3, 2014, 15:12 [IST]

ఇదేంటి మెట్రో రైలులో షవర్ బాత్ ఫెసిలిటీనా వింతగా ఉందే అనుకోకండి. వాస్తవానికి ఇది మెట్రో రైలులోని లీకేజ్ ప్రాబ్లం. ఎంతో ప్రతిష్టాత్మకంగా ప్రారంభించిన ముంబై మెట్రో రైలు ప్రాజెక్ట్‌లోని ఓ కోచ్‌లో ఇలా నీరు లీక్ కావటం అందరినీ ఆశ్చర్యానికి గురిచేస్తోంది.

ముంబైలోని ఓ మెట్రో రైలులో వర్షం పడినప్పుడు రూఫ్ లీక్ కారణంగా రైలు పైభాగంలోకి చేరిన నేరుగా రైలులోకి వచ్చాయి. ఎయిర్ కండిషన్ కోసం అమర్చిన రంధ్రాల గుండి ఈ వర్షపు నీరు రైలులోకి ప్రవహించాయి. దీంతో ఇది షవర్ బాత్ ఎఫెక్ట్‌ను తలపిస్తోంది.

ఇప్పటికే ఈ దృష్యాలు సోషల్ మీడియాలో హల్ చల్ చేస్తున్నాయి. అనేక మంది నెటిజన్లు ఈ విషయం గురించి వ్యగ్యంగా వ్యాఖ్యలు చేస్తున్నారు. ఈ వ్యాఖ్యలలో కొందరు రెయిన్ డ్యాన్స్ అంటే, ఇంకొదరు రెయిన్ వాటర్ హార్వెస్టింగ్ అని, మరికొదరు చైనా మేడ్ అని రకరకాలుగా కామెంట్లు చేస్తున్నారు.

సాధారణందా ఎయిర్-కండిషన్డ్ మెట్రో రైలు వర్షపు నీటిని లీక్ చేయకూడదు. ఏదైనా పొరపాటుగా లీక్ అయినా, అది చాలా చిన్నదై ఉండాలి. కానీ ముంబై మెట్రో రైలులో మాత్రం లీక్ భారీగా ఉంది. నిజం చెప్పాలంటే, బయటపడే వర్షాన్ని ఈ లీక్ మెట్రో రైలులో కురిపిస్తోంది.

అయితే, ఈ సమస్య అన్ని మెట్రో రైళ్లలో లేదు. మొత్తం 16 సర్వీసులకు గాను ఒక్క రైలులో ఏసి సరిగ్గా పనిచేయక పోవటం వల్లనే ఈ సమస్య తలెత్తినట్లు మెట్రో రైలు అధికారులు పేర్కొన్నారు. ఈ సమస్య గుర్తించిన తర్వాత ఆ ట్రైన్‌ సేవలను నిలిపివేసి, స్టాండ్‌బైగా ఉంచిన రైలును ప్రవేశపెట్టామని వారు తెలిపారు.

రైలులో నీరు పడుతున్న సమయంలో ఓ ప్రయాణీకుడు తన సెల్‌ఫోన్‌లో బంధించిన ఓ వీడియోని మీరు కూడా చూడండి.
<center><iframe width="100%" height="450" src="//www.youtube.com/embed/ohkBuF6Fx4w?rel=0" frameborder="0" allowfullscreen></iframe></center>