ఎగిసిపడుతున్న టాప్ 11 ఎలక్ట్రిక్ కార్లు

By Vinay

Published: Thursday, July 2, 2015, 11:27 [IST]

డీజల్, పెట్రోల్ కార్లు ఒకప్పటి మాట. ఈ ఆధునిక యుగానికి తగినట్టు ఎలక్ట్రిక్ కార్లు రోడ్లపై పరుగులు తీస్తున్నాయి. వీటికి మనం సెల్‌‌‌‌‌‌‌‌‌ఫోన్‌‌కు చార్జింగ్ చేసినట్లు విద్యుత్తుకు కనెక్ట్ చేస్తే సరిపోతుంది.

ఈ ఎలక్ట్రిక్ కార్లు తయారు చేయడానికి చిన్న తయారీ సంస్థలే కాదు పెద్ద ఆటోమొబైల్ తయారీ సంస్థలు పోటి పడుతున్నాయి. ఎటువంటి ఇంధనం లేకుండా అవి కొన్ని కిలోమీటర్లు దూసుకుపోతాయి.

ఇలా ప్రస్తుతం దూసుకుపోతున్న టాప్ 11 ఎలక్ట్రిక్ కార్లు, వాటి గురించి మరిన్ని విషయాలు క్రింది కథనం ద్వారా తెలుసుకుందాం రండి.........

1. నిసాన్ లీఫ్ :

ఎలక్ట్రిక్ కార్లలో ప్రస్తుతం ప్రపంచంలో ఎక్కువ అమ్ముడవుతున్నది నిసాన్ లీఫ్. 200,000 యూనిట్ల అమ్మకాలను పూర్తీ చేసింది. దీని లోపలి భాగాలు వాటర్ బాటిల్స్, ప్లాస్టిక్ వ్యర్థాలు రీసైకిల్ చేసి తయారుచేయబడ్డాయి. ఇది 170 కి.మీ దూరం వెళ్లగలదు.

2. మెర్సెడెస్ బెంజ్ ఎస్ఎల్ఎస్ :

ఇది 552 కి.వా పవర్‌తో 100కి.మీ/హవర్ వేగాన్ని కేవలం 3.9సెకండ్లలో అందుకోగలదు. దీన్ని ఫార్ములా 1 ఎక్స్‌పర్ట్స్ తీర్చిదిద్దారు.

3. మహీంద్రా ఈ20 :

ఇది ఇండియాలోనే మొదటి ఎలక్టిక్ కార్. ఇది రెండు డోర్లు కలిగిన 4-సీటర్ హ్యాచ్‌బ్యాక్ ఆటోమెటిక్ ట్రాన్స్‌మిషన్, మొబైల్ ఆప్ కంట్రోల్డ్ ఏసీ వంచటి ఫీచర్స్‌తో తయారైంది.