Click it and Unblock the Notifications
Just In
Don't Miss
-
చిన్న రాయితో కొడితే హత్యాయత్నం అవుతుందా? -
‘సీరియల్స్లో తెలుగు వాళ్లను నీచంగా.. కన్నడ యాక్టర్ల ముందు పని వాళ్లకంటే హీనంగా’ -
T20 World Cup: రింకూకు షాక్ ఇచ్చిన బీసీసీఐ.. అతని కోసమే వేటు? -
ధర రూ.10 వేల లోపే, 108MP కెమెరాతో కొత్త ఫోన్! లాంచ్, సేల్ వివరాలు -
Mutual Funds: ఆ కంపెనీల్లో వాటాను పెంచుకున్న మ్యూచువల్ ఫండ్స్.. -
శ్రీవారి భక్తులకు శుభవార్త.. ఐఆర్సిటిసి తిరుమల టూర్ ప్యాకేజీ... -
వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
బంగ్లాదేశ్ మార్కెట్లోకి ప్రవేశించిన హీరో మోటోకార్ప్!
భారతదేశపు అతిపెద్ద ద్విచక్ర వాహన తయారీ కంపెనీ హీరో మోటోకార్ప్ ఉత్పత్తులు, ఇప్పుడు పొరుగు దేశమైన బంగ్లాదేశ్ మార్కెట్లో కూడా లభ్యం కానున్నాయి. బంగ్లాదేశ్‌కు చెందిన నిటోల్ నిలాయ్ గ్రూప్‌తో హీరో మోటోకార్ప్ జాయింట్ వెంచర్‌ను ఏర్పాటు చేసుకొని బంగ్లాదేశ్ మార్కెట్లోకి ప్రవేశించింది. ఈ జాయింట్ వెంచర్‌లో హీరో మోటోకార్ప్‌కు 55 శాతం మెజారిటీ వాటా ఉంది.
బంగ్లాదేశ్‌లో హీరో మోటోకార్ప్ మొత్తం 11 మోడళ్ల (మోటార్‌సైకిళ్లు, స్కూటర్ల)ను విక్రయించనుంది. ప్రారంభంలో భాగంగా, 50 అవుట్‌లెట్ల ద్వారా వీటిని విక్రయించనున్నారు. అంతేకాకుండా, బంగ్లాదేశ్‌లో హీరో మోటోకార్ప్ విక్రయించే అన్ని ఉత్పత్తులకు ఐదేళ్ల వారంటీని కూడా ఆఫర్ చేయనుంది. ఆ దేశంలో ఐదేళ్ల వారంటీతో లభ్యం కానున్న తొలి ద్విచక్ర వాహనాలు ఇవే కావటం విశేషం.
ఈ జాయింట్ వెంచర్‌లో భాగంగా కేవలం ద్విచక్ర వాహనాలను విక్రయించడమే కాకుండా, వీటిని స్థానికంగా తయారు చేసేందుకు బంగ్లాదేశ్‌లో ఓ తయారీ కేంద్రాన్ని కూడా స్థాపించనున్నారు. విశేషం ఏంటంటే, హీరో మోటోకార్ప్‌కు భారతదేశం వెలుపల ఇదే తొలి ప్లాంట్ కావటం. వచ్చే ఆర్థిక సంవత్సరం (2015-16) ద్వితీయ త్రైమాసికం నాటికి ఈ ప్లాంటు నిర్వహణలోకి రానుంది.
హీరో మోటోకార్ప్ బంగ్లాదేశ్ మార్కెట్లో హెచ్ఎఫ్ డాన్, హెచ్ఎఫ్ డీలక్స్, స్ప్లెండర్ ప్లస్, స్ప్లెండర్ ప్రో, కొత్త స్ప్లెండర్ ఐస్మార్టట్, ప్యాషన్ ప్రో వంటి 100సీసీ బైక్‌లను మరియు సూపర్ స్ప్లెండర్, గ్లామర్ వంటి 125సీసీ బైక్‌లను అలాగే ఎక్స్‌ట్రీమ్, హంక్ వంటి 150సీసీ బైక్‌లతో పాటుగా 100సీసీ ప్లెజర్ స్కూటర్‌ను విక్రయించనుంది.
