Just In
- 40 min ago మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- 14 hrs ago వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- 17 hrs ago ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- 19 hrs ago కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
Don't Miss
- Finance IREDA: భారీగా లాభాలను ప్రకటించిన ఐఆర్ఈడీఏ..
- Movies Karthika Deepam 2 April 20th: దీపపై పగతో రగిలిపోతున్న నర్సింహ.. శౌర్యని ఇక్కడే చదివిస్తానంటున్న దశరద్!
- Sports సూపర్ మ్యాన్ జడేజా: గాల్లోకి డైవ్ చేస్తూ ఒంటిచేత్తో క్యాచ్ Video
- Technology Dell నుంచి నాలుగు కొత్త Ai ల్యాప్టాప్లు! ధర,స్పెసిఫికేషన్లు
- News భారీ వర్షం - వాతావరణ శాఖ బిగ్ అలర్ట్..!!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
నిన్జా 300 బైక్ ధరను రూ.10,000 పెంచిన కవాసకి
జపనీస్ స్పోర్ట్స్ బైక్ కంపెనీ కవాసకి భారత మార్కెట్లో విక్రయిస్తున్న నిన్జా 300 స్పోర్ట్స్ ధర మరింత ప్రియమైంది. ఈ బైక్ ధరను రూ.10,000 మేర పెంచుతున్నట్లు కంపెనీ ప్రకటించింది. బజాజ్-కవాసకి గడచిన సంవత్సరం ఏప్రిల్ నెలలో కవాసకి నిన్జా 300 స్పోర్ట్స్ బైక్ను భారత మార్కెట్లో విడుదల చేశాయి. కెటిఎమ్ తమ ఆర్సి బైక్లను అత్యంత సరసమైన ధరకే విడుదల చేస్తే, కవాసకి మాత్రం తమ స్పోర్ట్స్ బైక్ ధరను మరింత పెంచడం గమనార్హం.
కవాసకి నిన్జా 300 స్పోర్ట్స్ బైక్ విషయానికి వస్తే.. నిన్జా సిరీస్లో కవాసకి అందిస్తున్న 250సీసీ వేరియంట్ నిన్జా 250 స్పోర్ట్స్ బైక్ స్థానాన్ని భర్తీ చేస్తూ కంపెనీ ఈ 300సీసీ బైక్ను ప్రవేశపెట్టింది. కవాసకి జెడ్ఎక్స్-10ఆర్ మోడల్ నుంచి స్ఫూర్తి పొంది డిజైన్ చేసిన హెడ్ల్యాంప్స్, ఫ్లోటింగ్ విజర్, రివైజ్డ్ ఇన్స్ట్రుమెంట్స్, లార్జర్ ఫెయిరింగ్ వెంట్స్ వంటి డిజైన్ మార్పులను ఈ కొత్త బైక్లో గమనించవచ్చు.
ఈ బైక్లోని రేడియేటర్ ఫ్యాన్ కౌల్ బైక్ నడుపుతున్నప్పుడు ఇంజన్ నుంచి వెలువడే వేడిని రైడర్కు తగలకుండా చేస్తుంది. ఇందులో 296సీసీ, పారలల్ ట్విన్-సిలిండర్, ఫ్యూయెల్ ఇంజక్టెడ్ ఇంజన్ను ఉపయోగించారు. ఇది గరిష్టంగా 11,000 ఆర్పిఎమ్ వద్ద 38.8 బిహెచ్పిల శక్తిని మరియు 10,000 ఆర్పిఎమ్ వద్ద 27.5 ఎన్ఎమ్ల టార్క్ను ఉత్పత్తి చేస్తుంది. ఈ ఇంజన్ 6-స్పీడ్ గేర్బాక్స్తో (1-క్రిందకు, 5-పైకి) జతచేయబడి ఉంటుంది.
ఇందులో ఏబిఎస్ ఆప్షన్ను కంపెనీ ఆఫర్ చేయటం లేదు. ఈ బైక్ మొత్తం బరువు 172 కేజీలు. ఇది లైమ్ గ్రీన్, పెరల్ స్టార్డస్ట్ వైట్ అనే రెండు కలర్ ఆప్షన్లతో మాత్రమే లభ్యమవుతుంది. డైమండ్ టైప్ స్టీల్ ఫ్రేమ్, 37 మి.మీ. టెలిస్కోపిక్ ఫ్రంట్ ఫోర్క్స్, లింక్డ్ మోనోషాక్ రియర్ సస్పెన్షన్, ముందు వైపు 290 మి.మీ., వెనుక వైపు 220 మి.మీ. నిస్సిన్ డిస్క్ బ్రేక్స్ ఇందులో చెప్పుకోదగిన ప్రత్యేకతలు.