మహీంద్రా గస్టో స్కూటర్ తొలి టెలివిజన్ కమర్షియల్

మహీంద్రా గ్రూపుకు చెందిన ద్విచక్ర వాహన విభాగం మహీంద్రా టూవీలర్స్ తాజాగా మార్కెట్లో విడుదల తమ 110సీసీ స్కూటర్ 'గస్టో' (Gusto) కోసం కంపెనీ ఓ కొత్త టెలివిజన్ కమర్షియల్‌ను విడుదల చేసింది. మహీంద్రా గస్టో స్కూటర్ శక్తి సామర్థ్యాలను చూపించేలా ఈ టెలివిజన్ కమర్షియల్ సాగిపోతుంది.

ఈ వీడియోలో.. ఓ జంట విహారానికి వస్తుంది. వీరిద్దరూ సముద్రంపై సర్ఫింగ్ చేయాలనుకుంటారు, కానీ అలలు లేకపోవటంతో ఒకరు ఒడ్డుపై స్కూటర్ నడుపుతుంటే మరొకరు సముద్రంపై సర్ఫింగే చేస్తుంటారు. ఇదంతా చూడటానికి డ్రమాటిక్‌గా ఉన్నప్పటికీ, ఇందులోని గ్లామర్ మాత్రం వీక్షకులను ఆకట్టుకుంటుంది. మరి ఆలస్యమెందుకు, ఆ హాట్ వీడియోని మీరు కూడా చూసేయండి.
<center><iframe width="100%" height="450" src="//www.youtube.com/embed/U8AvGGB5oDs?rel=0" frameborder="0" allowfullscreen></iframe></center>
మహీంద్రా గస్టో విషయానికి వస్తే.. దేశీయ విపణిలో ఇది రెండు వేరియంట్లలో (డిఎక్స్, విఎక్స్) లభిస్తుంది. గస్టో డిఎక్స్ వేరియంట్ ధర రూ.43,000లుగా ఉంటే, మహీంద్రా గస్టో విఎక్స్ వేరియంట్ ధర రూ.47,000 (అన్ని ధరలు ఎక్స్-షోరూమ్, ఢిల్లీ)గా ఉంది.. ఇవి ప్రారంభోత్సవ ధరలు మాత్రమేనని, దీపావళి వరకు మాత్రమే ఈ ధరలు అందుబాటులో ఉంటాయని కంపెనీ తెలిపింది.

మహీంద్రా గస్టో స్కూటర్‌లో అధునాతన ఎమ్-టెక్ ఇంజన్‌ను ఉపయోగించారు. ఇందులోని 109.6సీసీ, 4-స్ట్రోక్, ఎయిర్-కూల్డ్ ఇంజన్ గరిష్టంగా 7500 ఆర్‌పిఎమ్ వద్ద 8.0 బిహెచ్‌పిల శక్తిని, 5500 ఆర్‌పిఎమ్ వద్ద 9 ఎన్ఎమ్‌ల టార్క్‌ని ఉత్పత్తి చేస్తుంది. ఈ ఇంజన్ సివిటి ట్రాన్సిమిషన్‌తో అనుసంధానం చేయబడి ఉంటుంది. ఇది మొత్తం ఆరు రంగులలో (ఐస్‌బర్గ్ వైట్, గలాక్టిక్ బ్లాక్, మాగ్నటిక్ మాగ్నెటా, వొల్కానో రెడ్, ఆర్కిటిక్ వైట్, రావెన్ బ్లాక్) లభిస్తుంది.