యమహా కొత్త స్కూటర్: ఎన్‌విఎక్స్ 150

By Anil

Published: Saturday, October 15, 2016, 14:37 [IST]

చూడటానికి ఎంతో అడ్వాన్స్‌డ్ డిజైన్‌లో ఉన్న ఈ స్కూటర్ పేరు ఎన్‌విఎక్స్ 150. దీనిని యమహా సంస్థ అభివృద్ది చేసింది. ప్రస్తుతం ఇండోనేషియాలో దీనికి పరీక్షలను నిర్వహిస్తోంది యమహా. ఇండోనేషియాలో ఈ ఏడాది చివరి నాటికి విడుదల చేసే అవకాశాలు ఉన్నాయి.

యమహా మోటార్ సైకిల్ లైనప్‌లో ఉన్న ఉత్పత్తుల కలబోత ఆధారంగా దీనిని డిజైన్ చేసారు. దీనికి ముందు వైపున రెండు హెడ్ లైట్లు ప్రక్కప్రక్కనే ఉన్నాయి. ఎల్ఇడి బ్రేక్ లైట్లు మరియు ఎగ్జాస్ట్ సిస్టమ్ అత్యంత ఆకర్షణీయంగా ఉన్నాయి.

యమహా ఎన్‌విఎక్స్ స్కూటర్‌ ముందు భాగంలో పెటల్ డిస్క్ బ్రేక్ కలదు. స్టాండర్డ్ మోడల్‌గా అందుబాటులో ఎన్‌విఎక్స్‌లో కూడా యాంటి లాక్ బ్రేకింగ్ సిస్టమ్ మరియు అల్లాయ్ వీల్స్ కలవు.

ఫీచర్ల పరంగా స్మార్ట్ కీ ఎంట్రీ సిస్టమ్, ఫూయల్ లాక్ ఒపెన్ కోసం బటన్ టైప్ అన్‌లాక్ సిస్టమ్ కలదు.

5.8-అంగుళాల పరిమాణంగల ఎల్‌సిడి డ్యాష్‌బోర్డ్, 25లీటర్ల సామర్థ్యం గల పెట్రోల్ ట్యాంక్ మరియు 14-అంగుళాల టైర్లను కూడా అందించారు.

బైకు తరహాలో ఉన్న ఈ స్కూటర్‌లో అన్ని ఫీచర్లు ఉన్నప్పటికీ దీని మొత్తం బరువు కేవలం 125 కిలోలుగా ఉంది.

యమహా మోటార్స్ ఈ స్కూటర్‌ను 2016 ఆటో ఎక్స్ పో వేదిక మీద ఎన్‌మ్యాక్స్ అనే పేరుతో ప్రదర్శించింది. యమహా ఇందులో 150సీసీ సామర్థ్యం గల ఇంజన్‌తో దేశీయ మార్కెట్లో అందించే అవకాశం ఉంది.