ఢిల్లీ ఆటో షో ఆరవ రోజు విశేషాలు

Published: Monday, January 11, 2010, 17:42 [IST]

దేశరాజధాని న్యూఢిల్లీలో గత వారం రోజులుగా జరుగుతున్న ఆటో షో చివరి ఘట్టానికి చేరుకుంది. వివిద ఆటోమొబైల్ సంస్థలు తమ తమ ఉత్పత్తులను ప్రదర్శనకు ఉంచిన ఈ షోకు మంచి జనాదరణ లభించింది. సుమారు రెండు లక్షలకు పైగా ఈ ఆటో షోను సందర్శించారని సమాచారం. ఏడు రోజుల ఈ ఆటో షో ఆరవ రోజు విశేషాలు మీ కోసం...

2008 వ సంవత్సరంలో భారతీయ మార్కెట్ లోకి విడుదలయిన 15 లక్షల రూపాయలు విలువ చేసే 'ఫియెట్ 500' కారు 'బై డీజిల్ 500' వెర్షన్ ను ప్రదర్శించింది. భారత్ లోకి సూపర్ ప్రీమియం హ్యాచ్ బాక్ 'బై డీజిల్ 500' ను తీసుకురావడానికి ప్రయత్నిస్తున్నట్టు ఈ ఇటలీ కార్ల సంస్థ ఫియెట్ తెలిపింది.

ఇప్పటి వరకూ కార్లు మొదలుకొని ట్రక్కుల వరకూ అన్ని రకాల వాహనాలనీ రూపొందించిన మహీంద్రా అండ్ మహీంద్రా కైనెటిక్ సంస్థను సొంతం చేసుకుని స్కూటర్లను రూపొందించినట్టే 2010 కల్లా సొంతంగా అభివృద్ధి పరచిన బైకులను మార్కెట్ లోకి ప్రవేశపెట్టనున్నట్టు తెలిపింది.

ఇవి కాక ద్విచక్ర వాహనాలను రూపొందించే సంస్థ లోహియా ఆటో వచ్చే ఆర్థిక సంవత్సరంలో రెండు ఎలక్ట్రిక్ కార్లను తీసుకురానున్నట్టు తెలిపింది. కాగా ఈ ఆటో షో నేటి(జనవరి 11) తో ముగియనుంది.

Article Published On: Monday, January 11, 2010, 17:42 [IST]

More from DriveSpark