ఆటో ఎక్స్‌పో: రోజుకు లక్ష మంది సందర్శకులకి మాత్రమే అనుమతి

Published: Thursday, December 22, 2011, 9:01 [IST]

ప్రపంచ వ్యాప్తంగా ఉన్న ఆటోమొబైల్ రంగంలో చోటుచేసుకునే వింతలు, విడ్డూరాలను ఒకే వేదికపై తిలకించేందుకు రంగం సిద్ధమవుతోంది. అంతర్జాతీయంగా ప్రసిద్ధి గాంచిన వివిధ ఆటోమొబైల్ కంపెనీలు తమ సరికొత్త ఉత్పాదనలను, సాంకేతిక పరిజ్ఞానాలను వచ్చే ఏడాది ఆరంభంలో జరగనున్న 2012 ఢిల్లీ ఆటో ఎక్స్‌పోలో భారతీయలకు పరిచయం చేయనున్నారు. జనవరి 5వ తేదీ నుండి ప్రారంభం కానున్న అంతర్జాతీయ ఆటో ప్రదర్శనలో దాదాపు 50కి పైగా కొత్త వాహనాలు కొలువుదీరనున్నాయి.

ఇందులో దేశీయ కంపెనీలు 24 కొత్త వాహనాలను, అంతర్జాతీయ కంపెనీలు 8 కొత్త వాహనాలను ఆవిష్కరించనున్నాయి. అంతేకాకుండా, భారత్‌లో ఉన్న ద్విచక్ర వాహన కంపెనీలు ఎనిమిది కొత్త ద్విచక్ర వాహనాలు విడుదల చేయనున్నాయని, ఈ ఆటో ఎక్స్‌పో సమయంలో మొత్తం 50 కొత్త గ్లోబల్ వాహనాలను ప్రదర్శనకు ఉంచనున్నామని ఆటో ఎక్స్‌పో 2012 స్టీరింగ్ కమిటీ చైర్మన్ రాజీవ్ కౌల్ తెలిపారు. అయితే, సందర్శకుల సౌకర్యార్థం ఈసారి ఆటో ఎక్స్‌పోలో సందర్శకుల సంఖ్యను రోజుకు లక్ష మందికి మాత్రమే పరిమితం చేస్తున్నామని ఆయన చెప్పారు.

ఈ లక్ష మందిలో 70,000 మంది సాధారణ ప్రజలు ఉండనున్నారు. ప్రజల సందర్శన పరంగా ఇది ప్రపంచంలోనే రెండవ అతిపెద్ద ఆటో షో. ఈ ఆటో షో జనవరి 5 నుండి జనవరి 11 వరకూ జరుగుతుంది. అయితే, ప్రజలను మాత్రం జనవరి 7 నుండి అనుమతించడం జరుగుతంది. న్యూఢిల్లీలోని ప్రగతి మైదాన్‌లో ఈ ఆటో ఎక్స్‌పో జరుగుతుంది. సుమారు 24 దేశాలకు చెందిన 1,500 ఆటోమొబైల్ కంపెనీలు ఈ షోలో పాల్గొననున్నాయి. ఈ ఆటో ఎక్స్‌పో ప్రవేశానికి గానూ సాధారణ ప్రజలకు టికెట్ ఖరీదు రూ.150 గాను, వాణిజ్య పర్యాటకులకు రూ.500 గానూ ఉంది.

Article Published On: Thursday, December 22, 2011, 9:01 [IST]

English summary

As many as 50 global brands will showcase products at the 11th Auto Expo next month, although organizers have decided to restrict the number of daily visitors which could cost the show its tag of the world's second largest auto show in terms of footfalls.

More from DriveSpark