అంగరంగ వైభవంగా ప్రారంభమైన హైదరాబాద్ ఆటో షో

దేశీయ, విదేశీయ ఆటోమొబైల్ కంపెనీలు తమ ఉత్పత్తులను ఇక్కడ ప్రదర్శనకు ఉంచారు. ఈనాడు-విస్టా ఎంటర్‌టైన్‌మెంట్స్‌ భాగస్వామ్యంతో ఈ ఆటో షోను నిర్వహిస్తున్నారు. కాగా ఈ ప్రదర్శనలో జాగ్వర్‌ ల్యాండ్ రోవర్, బెంట్లీ, ఆస్టన్‌ మార్టిన్‌, వోల్వో, మహీంద్రా అండ్ మహీంద్రా, హ్యుందాయ్‌, పోర్డ్‌, స్కోడా, టొయోటా, నిస్సాన్ బిఎమ్‌డబ్ల్యూ, ఫోక్స్‌వ్యాగన్‌, మెర్సిడెస్‌ బెంజ్‌ వంటి కంపెనీలు తమ కార్లను ప్రదర్శనకు ఉంచారు.

అలాగే, హార్లే డేవిడ్‌సన్‌, హోండా మోటార్‌సైకిల్స్, యమహా, బజాజ్ ఆటో తదితర ద్విచక్ర వాహనా కంపెనీలు తమ విస్తృతస్థాయి ఉత్పత్తులను కూడా ప్రదర్శనకు ఉంచాయి. ఈ షోలో హ్యుందాయ్ కొత్తగా విడుదల చేసిన చిన్న కారు హ్యుందాయ్ ఇయాన్, ఫోక్స్‌వ్యాగన్ బ్రాండ్ అయిన బెంట్లీ కార్లు, పురాతన లాంబ్రెట్టా మరియు ఇతర కార్లు, బైకులు ప్రధాన ఆకర్షనగా నిలిచాయి. ఈ ఆటో షో ఆదివారంతో ముగియనుంది.