ప్యారిస్ మోటార్ షోలో ఆవిష్కృతం కానున్న జాగ్వార్ ఎఫ్-టైప్

More Photos

గతేడాది సెప్టెంబర్‌ నెలలో సి-ఎక్స్‌ 16 కాన్సెప్ట్‌తో వీటిని తొలిసారిగా ప్రజల ముందుకు తీసుకువచ్చామని, ఈ సంవత్సరం చివరి త్రైమాసికం నుండి ఎఫ్‌-టైప్‌ కార్ల ఉత్పత్తిని ప్రారంభిస్తామని కంపెనీ తెలిపింది. ఇంగ్లాండ్‌లోని కాజిల్ బ్రాంవిక్ ప్లాంట్‌లో ఈ కారును జాగ్వార్ ల్యాండ్ రోవర్ ఉత్పత్తి చేయనుంది. ఈ కారు విడుదలతో కంపెనీ తిరిగి స్పోర్ట్స్ కారు సెగ్మెంట్‌లోకి ప్రవేశించనుంది.

రానున్న నాలుగైదేళ్లలో సుమారు 40 కొత్త వాహనాలను మార్కెట్లోకి తీసుకురానున్నామని జేఎల్‌ఆర్ గతంలో ప్రకటించింది. జాగ్వార్ విడుదల చేయనున్న సరికొత్త ఎఫ్-టైప్ స్పోర్ట్స్ కారులో 8-స్పీడ్ ట్రాన్సిమిషన్ (ఎనిమిది గేర్లు), ఆటో స్టార్ట్/స్టాప్ టెక్నాలజీ వంటి ప్రత్యేకతలుంటాయని, తమ బ్రాండ్ నుంచి ఓ స్పోర్ట్స్ కారు వస్తోందంటే, మార్కెట్లో భారీ అంచనాలు ఉంటాయని, ఆ అంచనాలకు తగినట్లుగానే ఈ కారును రూపొందిస్తున్నామని కంపెనీ తెలిపింది.