న్యూయార్క్ ఆటో షో 2012లో ఫ్లయింగ్ కార్ ఆవిష్కరణ

Published: Saturday, March 3, 2012, 13:44 [IST]

ఎగిరే కారును రోడ్లపై చూడటానికి ఇంక ఎంతో కాలం పట్టదు. ఈ ఏడాది చివరి నాటికి ఎగిరే కార్లు పూర్తిస్థాయిలో సిద్ధం కానున్నాయి. మస్సాచుస్సెట్‌కు చెందిన "టెర్రాఫుజియా" కంపెనీ రూపొందించిన ఈ ఫ్లయింగ్ కార్‌ను తొలిసారిగా ప్రజలకు చూపించనున్నారు. వచ్చే నెల న్యూయార్క్‌లో జరగనున్న "2012 న్యూయార్క్ ఇంటర్నేషల్ ఆటో షో"లో కంపెనీ ఈ ఫ్లయింగ్ కారును ఆవిష్కరించనుంది.

ఇప్పటికే ఈ కారను రోడ్లపై నడపటానికి అమెరికా ప్రభుత్వం నుండి గ్రీన్ సిగ్నల్ కూడా లభించింది. రోడ్డుపై గంటకు 65 మైళ్ల వేగంతో ప్రయాణించే టెర్రాఫుజియా, గాలిలో 115 మైళ్ల వేగంతో ప్రయాణిస్తుంది. 'ట్రాన్సిషన్‌ రోడబుల్‌ లైట్‌ స్పోర్ట్‌ ఎయిర్‌క్రాఫ్ట్‌'గా పిలిచే ఎగిరే కారు కేవలం 30 సెకన్ల వ్యవధిలోనే తన రూపాన్ని మార్చుకొని పక్షిలా రెక్కలు విప్పుకొని గాల్లోకి రివ్వున ఎగిరిపోగలదు.

ఈ కారును ట్యాంక్ ఫుల్ చేయించుకుని 110 మైళ్ల వేగంతో గాల్లో ప్రయాణించినట్లయితే, సుమారు 460 మైళ్ల దూరం వరకూ వెళ్లవచ్చు. దాదాపు 2,50,000 అమెరికన్ డాలర్ల ఖరీదు చేసే ఈ టెర్రాఫుజియా కారు రెండు సీట్లు కలిగిన తేలికరకం ఎయిర్‌ క్రాఫ్ట్‌. ఈ ఫ్లయింగ్ కారును గాల్లో నడపటానికి కేవలం 20 గంటల ఫ్లయింగ్‌ శిక్షణ తీసుకుంటే సరిపోతుంది. 2012 న్యూయార్క్ ఇంటర్నేషనల్ ఆటో షో ఏప్రిల్ 6 నుండి 15 వరకూ జరగనుంది.

Article Published On: Saturday, March 3, 2012, 13:44 [IST]

English summary

Terrafugia Transition, the flying car will make its first public appearance at the New York International Auto show here in April. The 2012 New York International Auto Show will be held from April 6 through the 15th. It has already got the clearance in the US, and experts are hoping it could soon hit roads within five years. The US National Highway Traffic Safety Administration paved the way for the flying car to be rolled out after recently announcing exemptions to allow it on American roads.

More from DriveSpark