మోటార్‌సైకిల్ విభాగాన్ని ప్రారంభించిన క్యాటర్‌హామ్ గ్రూప్

బ్రూటస్ 750

క్యాటర్‌హామ్ తమ బ్రూటస్ 750 బైక్‌ను మోటార్‌సైకిళ్ల యొక్క ఎస్‌యూవీగా అభివర్ణిస్తుంది. ఇది పెద్ద టైర్లతో భారీ రూపాన్ని కలిగి ఉంటుంది కాబట్టి, కంపెనీ ఇలా చెబుతోంది.

క్యాటర్‌హామ్ బ్రూటస్ 750 మోటార్‌సైకిల్‌ను స్ట్రీట్ బైక్‌గా, ఆఫ్-రోడ్ మెషీన్‌గా లేదా స్నోమొబైల్‌గా (నాలుగు గంటల కన్నా తక్కువ సమయంలోనే స్నోమొబైల్‌గా మార్చుకోవచ్చు) వాడుకోవచ్చు.

బ్రూటస్ 750 మోటార్‌సైకిల్‌కు తరచూ గేర్లు మార్చాల్సిన అవసరం లేదు. దీని ఇంజన్ ఆటోమేటిక్ ట్రాన్సిమిషన్‌తో అనుసంధానం చేయబడి ఉంటుంది. ఆటోమేటిక్ గేర్‌ బాక్స్ కలిగిన మొట్టమొదటి మోటార్‌సైకిల్ కూడా ఇదే. దీనిని టూవీల్ ఎస్‍‌యూవీ అనొచ్చు.

క్లాసిక్ ఈ-బైక్

పురాతన మోటార్‌సైకిల్ డిజైన్‌ను తలపించేలా ఈ క్లాసిక్ ఈ-బైక్‌ను డిజైన్ చేశారు.

సింగిల్‌ ఛార్జ్‌తో క్లాసిక్ ఈ-బైక్‌పై 40-80 కిలోమీటర్ల రేంజ్ వరకూ ప్రయాణించచ్చు.

క్యాటర్‌హామ్ క్లాసిక్ ఈ-బైక్‌ను నడపటానికి లైసెన్స్ కూడా అవసరం లేదు (యూరోపియన్ యూనియన్ దేశాల్లో).

కార్బన్ ఈ-బైక్

స్వతహాగా ఫార్ములా వన్ కార్ల తయారీలో పాపులర్ అయిన క్యాటర్‌హామ్, ఎఫ్1 టెక్నాలజీ నుంచి స్ఫూర్తి పొంది ఈ కార్బన్ ఈ-బైక్‌ను తయారు చేశారు.

ఈ క్యాటర్‌హామ్ కార్బన్ ఈ-బైక్‌ ఓ లిమిటెడ్ ఎడిషన్ వెర్షన్. దీని తయారీలో ఎక్స్‌క్లూజివ్‌గా ఎఫ్ ఇన్‌పుట్‌ను మరియు పరికరాలను ఉపయోగించనున్నారు.

ఇదిలా ఉండగా, కొత్తగా ప్రారంభించిన ఈ టూ-వీలర్ డివిజన్ క్యాటర్‌హామ్ ఎఫ్1 టీమ్, క్యాటర్‌హామ్ రేసింగ్ (జిపి2), క్యాటర్‌హామ్ టెక్నాలజీ అండ్ ఇన్నోవేషన్, క్యాటర్‌హామ్ కాంపోసైట్స్ మరియు తాజా విభాగం క్యాటర్‌హామ్ మోటో రేసింగ్ బృందాల్లో చేరనుంది.

కంపెనీ రూపొందించిన ఈ మోటార్‌సైకిళ్లలో క్యాటర్‌హామ్ డిఎన్ఏ స్పష్టంగా కనిపిస్తుంది.