సుజుకి ఐవి-4 కాంపాక్ట్ ఎస్‌యూవీ కాన్సెప్ట్ ఆవిష్కరణ

సుజుకి ఐవి-4 ఒక మిడ్-సైజ్ ఎస్‌యూవీ. ఇది ఫోర్డ్ ఈకోస్పోర్ట్ కన్నా పెద్దదిగా ఉంటుంది. దీని కొలతలు క్రింది విధంగా ఉన్నాయి:

పొడవు - 4,215 (mm)

వెడల్పు - 1,850 (mm)

ఎత్తు - 1,665 (mm)

వీల్‌బేస్ - 2,500 (mm)

టైర్ సైజు - 235/55R20

'గ్రాబ్ యువర్ ఫీల్డ్' అనే థీమ్‌ను ఆధారంగా చేసుకొని సుజుకి ఈ కాంపాక్ట్ ఎస్‌యూవీని డిజైన్ చేసింది. సాధారణ అర్బన్ క్రాసోవర్‌కు భిన్నంగా రగ్గడ్ అండ్ టఫ్ ఎక్స్‌పీరియెన్స్ కోసం దీనిని డిజైన్ చేసినట్లు అనిపిస్తుంది.

ఈ వాహనం పేరుకు తగినట్లుగానే దీని బాడీ క్యారెక్టర్ ఉంటుంది. ఐవి-4 (iV-4) పేరులో ఐ అంటే ఇడివిడ్యువాలిటీ, వి అంటే వెహికల్, 4 అంటే ఫోర్-వీల్ డ్రైవ్ అని అర్థం. ఈ ఫోర్-వీల్ డ్రైవ్ సిస్టమ్‌ను సుజుకి ఆల్‌గ్రిప్ టెక్నాలజీతో రూపొందించారు.

స్ట్రైట్, స్లీక్ లైన్స్, క్లామ్‌షెల్ హుడ్, ఫైవ్ స్లాటెడ్ ఫ్రంట్ గ్రిల్, రూఫ్‌పై లేజర్ సెన్సార్లతో కూడిన ఫాగ్ ల్యాంప్స్, ఇల్యుమినేటెడ్ గ్రిల్ వంటి కొన్ని డిజైన్ ఫీచర్లు ఈ సుజుకి ఐవి-4 కాంపాక్ట్ ఎస్‌యూవీలో ప్రత్యేక ఆకర్షణలు.

పర్సనలైజ్డ్ కలర్స్, ఎక్స్టీరియర్స్ మరియు ఎక్స్టీరియర్ పార్ట్‌లతో కస్టమర్లు తమ అభిరుచికి అనుగుణంగా ఐవి-4 కాంపాక్ట్ ఎస్‌యూవీని కస్టమైజ్ చేసుకోవచ్చునని సుజుకి పేర్కొంది.

సుజుకి ఐవి-4 కాంపాక్ట్ ఎస్‌యూవీ ఉత్పత్తి 2015లో ప్రారంభమయ్యే అవకాశాలున్నాయి. ఇది తొలుత యూరప్ మార్కెట్లోల లభ్యమయ్యే ఆస్కారం ఉంది.