వెస్పా ఎల్ఎక్స్ మోడళ్లను రీప్లేస్ చేసేందుకు వెస్పా ప్రైమావెరా

ఇటాలియన్ భాషలో ప్రైమావెరా అంటే వసంత రుతువు అని అర్థం. వెస్పాకు ఈ పేరు కొత్తదేమీ కాదు. 1968లో తయారు చేసిన వెస్పా స్కూటర్లకు ఈ పేరును ఉపయోగించారు.

కొత్త వెస్పా ప్రైమావెరా స్కూటర్‌ను మూడు ఇంజన్ వేరియంట్లలో (50సీసీ, 125సీసీ, 150సీసీ) విడుదల చేయనున్నారు. 50సీసీ ఇంజన్ వేరియంట్ టూ-స్ట్రోక్, త్రీ-స్ట్రోక్ వేరియంట్లతో లభిస్తుంది.

వెస్పా తమ ప్రైమావెరా స్కూటర్ లీటరుకు 64 కిలోమీటర్ల మైలేజీని ఆఫర్ చేస్తుందని పేర్కొంది. అయితే, ఏ ఇంజన్ వేరియంట్ అనేది మాత్రం స్పష్టం చేయలేదు. బహుశా అది 50సీసీ ఇంజన్ వేరియంట్ అయి ఉండొచ్చని మా అంచనా.

కొత్త 2014 వెస్పా ప్రైమావెరా డిజైన్‌ను గమనిస్తే, ఇందులో కొన్ని ఎల్ఎక్స్ మోడల్ డిజైన్ ఫీచర్లు కనిపిస్తాయి. ఉదాహరణకు స్కూటర్ బేసిక్ ఫ్రంట్ డిజైన్. అలాగే, వెస్పా 946 స్కూటర్ నుంచి స్పూర్తి పొంది కూడా దీనిని డిజైన్ చేసినట్లు అనిపిస్తుంది.

రీడిజైన్ చేయబడిన సీట్, ఎగ్జాస్ట్ మఫ్లర్, ఫైవ్ స్పోక్ అల్లాయ్ వీల్స్ మొదలైన డిజైన్ మార్పులను కొత్త వెస్పా ప్రైమావెరాలో చూడొచ్చు. ఇందులో సీట్ క్రింద స్టోరేజ్ స్పేస్‌ను కూడా పెంచారు.

సమర్థవంతమైన బ్రేకింగ్ ఎక్స్‌పీరెయన్స్ కోసం వెస్పా ప్రైమావెరా 2014 ముందు వైపు 200 మి.మీ. డిస్క్ బ్రేక్స్‌ను జోడించారు.

కొత్త 2014 వెస్పా ప్రైమావెరా ఇన్‌స్ట్రుమెంట్ క్లస్టర్ విషయానికి వస్తే, ఇది డిజిటల్ మరియు అనలాగ్ మీటర్లను కలిగి ఉంటుంది.

కొత్త వెస్పా ప్రైమావెరా స్కూటర్ 2014 భారత మార్కెట్లో విడుదల కావచ్చని అంచనా.

వచ్చే ఏడాది ఫిబ్రవరిలో జరగనున్న 2014 ఢిల్లీ ఆటో ఎక్స్‌‌పోలో పియాజ్జియో ఈ స్కూటర్‌ను ఆవిష్కరించే అవకాశం ఉంది.

లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూనే ఉండండి.