తీవ్ర అసంతృప్తితో ముగిసిన 11వ ఆటో ఎక్స్‌పో

అట్టహాసంగా జనవరి 5, 2012వ తేదీన ప్రారంభమైన 11వ అంతర్జాతీయ ఆటో ఎక్స్‌పో బుధవారంతో ముగిసింది. ఈ ఆటో ఎక్స్‌పోలో ప్రముఖ గ్లోబల్ బ్రాండ్లు, దేశీయ బ్రాండ్లు తమ ఉత్పత్తులను విడుదల చేశాయి. ప్రతి రెండేళ్లకు ఒక్కసారి ఈ ఆటో ఎక్స్‌పో జరుగుతుంది. అయితే, ప్రస్తుత ఆటో ఎక్స్‌పో నిర్వహణలో అనేక అవతవకలు చోటుచేసుకోవడంతో వచ్చే 12వ ఆటో ఎక్స్‌‌పోను ప్రగతి మైదాన్‌లో కాకుండా వేరొక చోట ఏర్పాటు చేయాలని నిర్వాహణక కమిటీ యోచిస్తోంది.

Delhi Auto Expo 2012 Images

ప్రస్తుత ఆటో ఎక్స్‌పో స్థల కేటాయింపులో కూడా అవకతవకలు తలెత్తడం కారణం అనేక కంపెనీలు ఈ ఆటో ఎక్స్‌పోలో స్థానం సంపాధించుకోలేక పోయాయి. అలాగే, ఇటు దేశీయ, మీడియా ప్రతినిధులకు మీడియా బ్యాడ్జ్‌లను కేటాయించడంలో వైఫల్యం, ఊహించినదాని కన్నా అధిక జన సమూహం, నిర్వహణ లోపాలపై కార్పొరేట్లు, ఎగ్జిబిటర్లు తీవ్ర అసంతృప్తి వంటి పరిణామాల కారణంగా 2014లో జరగబోయే ఆటో షో కోసం కొత్త వేదికను వెతికే పనిలో నిర్వాహకులు నిమగ్నమై ఉన్నారు.