Bajaj NS 400Z Review : సిటీకైనా లాంగ్ డ్రైవ్‎కైనా బజాజ్ ఎన్ఎస్ 400Z..రైడింగ్ పర్ఫామెన్స్ ఎలా ఉంటుందటే ?

ప్రముఖ ఆటోమొబైల్ కంపనీ బజాజ్ సరికొత్త బైకును తీసుకొచ్చింది. బజాజ్ ఎన్ఎస్ 400Z పేరుతో రూ.1.92 లక్షల (ఎక్స్-షోరూమ్) ధరతో మార్కెట్లోకి వచ్చింది. ఇది 373.3సీసీ ఇంజిన్, ఆకట్టుకునే డిజైన్, లేటెస్ట్ ఫీచర్లతో 400సీసీ సెగ్మెంట్‌లో ప్రత్యేకతను సంతరించుకుంది.

సిటీ ప్రయాణాలకు అనుగుణంగా, లాంగ్ రైడ్స్ వెళ్ళడానికి ఈ బైక్ చాలా బాగుంటుంది. దీని పటిష్టమైన డిజైన్, అడ్వాన్సుడ్ టెక్నాలజీ ఈ బైక్‌ను దాని తరగతిలో ప్రత్యేకంగా నిలబెడతాయి. బజాజ్ ఎన్ఎస్ 400Z ఎలా ఉందో రివ్యూలో చూద్దాం.

డిజైన్, లుక్ : బజాజ్ ఎన్ఎస్ 400Z ఎన్ఎస్ 200 నుండి ప్రేరణ పొందిన దూకుడు, స్ట్రాంగ్ లుక్ కలిగి ఉంటుంది. ఇందులో అడ్వాన్సుడ్, స్పోర్టీ లుక్ కోసం ఎల్‌ఈడీ ప్రొజెక్టర్ హెడ్‌ల్యాంప్‌లు, ఎల్‌ఈడీ డీఆర్ఎల్‌లు ఉన్నాయి. బైక్ ఫ్యూయెల్ ట్యాంక్ డిజైన్ చాలా స్టైలిష్‌గా ఉంది. దీనివల్ల ఇది ఒక స్ట్రీల్ ఫైటర్లా కనిపిస్తుంది. అలాగే, ఎయిరోడైనమిక్ సైడ్ ప్యానెల్స్ గాలి ప్రవాహాన్ని మెరుగుపరుస్తాయి.

స్ప్లిట్ సీట్ సెటప్ దాని స్పోర్టీ ప్రొఫైల్‌ను పెంచుతుంది. స్టైలిష్ ఎల్‌ఈడీ లైట్లతో కూడిన చిన్న టైల్ విభాగం బైక్ డిజైన్‌ను కంప్లీట్ చేస్తుంది. ట్యూబ్‌లెస్ రేడియల్ టైర్లు, 17-అంగుళాల అల్లాయ్ వీల్స్, రోడ్డుపై మంచి పట్టును, లుక్‌ను అందిస్తాయి. ఈ బైక్ బరువు 174 కిలోలు, ఇది చాలా మంది రైడర్లకు సౌకర్యంగా ఉంటుంది.

టెక్నాలజీ, ఫీచర్స్ : ఈ బైక్ స్పష్టమైన సమాచారాన్ని చూపించడానికి కంప్లీట్ కలర్ టీఎఫ్‌టీ డిజిటల్ ఇన్‌స్ట్రుమెంట్ క్లస్టర్‌ను కలిగి ఉంది. ఇది బ్లూటూత్ కనెక్టివిటీ, నావిగేషన్, కాల్స్, మెసేజ్‌ల కోసం అలర్ట్‌లను అందిస్తుంది. హ్యాండిల్‌బార్ చాలా సౌకర్యవంతంగా ఉంది, స్ప్లిట్ సీట్లు ఎక్కువ దూరం ప్రయాణించడానికి బాగా అమర్చబడ్డాయి.

యూఎస్‌బీ ఛార్జింగ్ పోర్ట్ రోజువారీ వాడకంలో చాలా ఉపయోగపడుతుంది. సస్పెన్షన్ విషయానికి వస్తే, ముందు భాగంలో 43ఎంఎం యూఎస్‌డీ ఫోర్క్స్‌, వెనుక భాగంలో అడ్జస్ట్ చేయగల మోనోషాక్ ఉన్నాయి. దీని వల్ల రైడ్ ఫెసిలిటీ, స్పోర్టీ హ్యాండ్లింగ్‌కు మధ్య మంచి బ్యాలెన్స్ చేస్తుంది.

సేఫ్టీ ఫీచర్లు : సేఫ్టీ ఫీచర్లలో డ్యూయల్-ఛానల్ ఏబీఎస్, డిస్క్ బ్రేక్‌లు ఉన్నాయి. ఈ బైక్ ట్రాక్షన్ కంట్రోల్, రోడ్, స్పోర్ట్, రైన్, ఆఫ్-రోడ్ అనే నాలుగు రైడింగ్ మోడ్‌లను కూడా అందిస్తుంది.

స్పెసిఫికేషన్స్ & కొలతలు

రైడింగ్ ఎక్స్‌పీరియన్స్ : ఎన్ఎస్ 400Z ఇంజిన్ చాలా పవర్ ఫుల్ పర్ఫామెన్స్, స్మూత్ పవర్ అందిస్తుంది. ఇది సుమారు 2.6 సెకన్లలో గంటకు 0-60 కి.మీ వేగాన్ని అందుకుంటుంది. ఇది దాని విభాగంలో చాలా వేగవంతమైనది. క్విక్ షిఫ్టర్, స్లిప్పర్ క్లచ్ ఎటువంటి ఆటంకాలు లేకుండా గేర్ మార్చడానికి సాయం చేస్తాయి.

రైడ్ స్ట్రాంగ్‎గా ఉన్నప్పటికీ, గుంతలను బాగా హ్యాండిల్ చేస్తుంది. నిటారుగా కూర్చునే భంగిమ చిన్న, సుదీర్ఘ ప్రయాణాలకు చాలా అనుకూలంగా ఉంటుంది. హ్యాండ్లింగ్ చాలా బాగుంది. అధిక వేగంతో స్థిరత్వం, ట్రాఫిక్‌లో చురుకుదనం ఉన్నాయి. బ్రేక్‌లు మంచి స్టాపింగ్ పవర్‌ను అందిస్తాయి.

చివరిగా : బజాజ్ ఎన్ఎస్ 400Z దాని శక్తి, టెక్నాలజీ, ధరతో ఆకట్టుకుంటుంది. స్పోర్టీ 400సీసీ మోటార్‌సైకిల్ కోరుకునే వారికి ఇది అన్ని విధాలుగా ఒక మంచి ప్యాకేజీని అందిస్తుంది. టీఎఫ్‌టీ డిస్‌ప్లే, బ్లూటూత్, రైడింగ్ మోడ్‌ల వంటి ఫీచర్లతో, ఎన్ఎస్ 400Z దాని తరగతిలో ఒక బలమైన పోటీదారుగా ఉంది. మంచి కెపాసిటీ ఉన్న స్ట్రీట్ ఫైటర్ కోసం చూస్తున్న వారికి ఇది ఖచ్చితంగా ఒక మంచి ఆప్షన్.