Triumph Thruxton 400 Review : కేవలం రూ. 2.74 లక్షలకే ట్రయంఫ్ థ్రక్స్‌టన్ 400 ఫీచర్లు, పూర్తి వివరాలు ఇవే

Triumph Thruxton 400 Review : భారత మార్కెట్లో ప్రీమియం బైక్‌లకు ఆదరణ పెరుగుతుంది. దాన్ని దృష్టిలో ఉంచుకుని, ట్రయంఫ్ మోటార్‌సైకిల్స్ తమ కొత్త మోడల్ అయిన థ్రక్స్‌టన్ 400ను లాంచ్ చేసింది. ఇది ఒక ఆధునిక కేఫ్ రేసర్ బైక్, ఇది క్లాసిక్ స్టైల్‌ను అడ్వాన్సుడ్ టెక్నాలజీతో కలిపి, బైక్ లవర్స్‎కు సరికొత్త అనుభూతిని అందిస్తుంది. ఈ బైక్ ధర, డిజైన్, పర్ఫార్మెన్స్ వివరాలు తెలుసుకుందాం.

డిజైన్, స్టైలింగ్: ట్రయంఫ్ థ్రక్స్‌టన్ 400 డిజైన్ ప్రధానంగా 1950లు, 60ల నాటి కేఫ్ రేసర్ల నుండి ప్రేరణ పొందింది. ట్రయంఫ్ స్పీడ్ 400తో దీని ఫ్లాట్‌ఫాంను పంచుకున్నప్పటికీ, దీని బాడీవర్క్, రైడింగ్ పొజిషన్ మాత్రం కంప్లీట్ డిఫరెంటుగా మరింత స్పోర్టీగా ఉంటుంది.

ఈ బైక్‌లో రౌండ్ హెడ్‌ల్యాంప్, 13-లీటర్ ఫ్యూయల్ ట్యాంక్, వెనుకవైపు సీటు కౌల్‌తో కూడిన పొడవైన సింగిల్ సీట్ డిజైన్ వంటివి రెట్రో లుక్‌ను అందిస్తాయి. దీని టైల్‌ సెక్షన్ కూడా స్పీడ్ 400 కంటే చాలా క్లీన్‌గా ఉంటుంది.

క్లిప్-ఆన్ హ్యాండిల్‌బార్లు, బార్-ఎండ్ మిర్రర్లు ఈ బైక్‌కు నిజమైన కేఫ్ రేసర్ లుక్ ఇస్తాయి. అలాగే, డ్యూయల్-టోన్ కలర్ స్కీమ్‌లు, విభిన్నమైన పిన్‌స్ట్రైప్‌లు, ట్యాంక్ బ్యాడ్జింగ్ బైక్‌కు మరింత అందాన్ని జోడిస్తాయి. దీని రైడింగ్ స్టాన్స్ లో, స్పోర్టీగా ఉన్నప్పటికీ, రోజువారీ వినియోగానికి కూడా సులభంగా ఉంటుంది.

పవర్ఫుల్ ఇంజిన్, పర్ఫార్మెన్స్ : ట్రయంఫ్ థ్రక్స్‌టన్ 400లో 398 సీసీ, లిక్విడ్-కూల్డ్, సింగిల్-సిలిండర్ ఇంజిన్ ఉంది. ఈ ఇంజిన్ 42 పీఎస్ పవర్, 37.5 ఎన్ఎమ్ టార్క్‌ను ఉత్పత్తి చేస్తుంది. ఇది 6-స్పీడ్ గేర్‌బాక్స్‌తో వస్తుంది. కంపెనీ క్లెయిమ్ ప్రకారం.. ఈ బైక్ టాప్ స్పీడ్ గంటకు 161కిమీ వరకు ఉంటుంది. థ్రాటిల్-బై-వైర్ టెక్నాలజీ వల్ల రైడింగ్ చాలా స్మూత్‌గా ఉంటుంది.

ఛాసిస్ విషయానికి వస్తే, ఇందులో అప్‌సైడ్-డౌన్ ఫ్రంట్ ఫోర్క్స్, 10-స్టేజ్ ప్రీలోడ్ అడ్జస్ట్‌మెంట్ ఉన్న రియర్ మోనోషాక్ సస్పెన్షన్ ఉన్నాయి. ఈ సెటప్ సిటీ రోడ్ల మీద సౌకర్యవంతమైన రైడింగ్‌ను, హైవేలపై స్థిరమైన ప్రయాణాన్ని అందిస్తుంది.

ట్రయంఫ్ థ్రక్స్టన్ 400 బైక్‌లో 398 సీసీ సింగిల్-సిలిండర్ లిక్విడ్-కూల్డ్ టీఆర్-సీరీస్ ఇంజిన్ ఉంది. ఈ ఇంజిన్‌ను ప్రత్యేకంగా రీట్యూన్ చేసి, 9,000 ఆర్‌పీఎమ్ వద్ద 42 పీఎస్ పవర్ ఉత్పత్తి చేసేలా చేశారు. ఇది స్పీడ్ 400 కంటే కొంచెం ఎక్కువ పవర్‌ను అందిస్తుంది. టార్క్ మాత్రం 7,500 ఆర్‌పీఎమ్ వద్ద 37.5 ఎన్ఎమ్ వద్ద స్థిరంగా ఉంటుంది. ఈ బైక్ కేవలం 6.7 సెకన్లలో 0-100 కి.మీ/గం వేగాన్ని అందుకోగలదు.

ఫీచర్లు, సేఫ్టీ : థ్రక్స్‌టన్ 400లో అడ్వాన్సుడ్ ఫీచర్లు ఉన్నాయి. దీని ఇన్‌స్ట్రుమెంట్ క్లస్టర్ అనలాగ్, డిజిటల్ యూనిట్‌ల కలయికగా ఉంటుంది. ఇది వేగం, ట్రిప్ మీటర్లు, ఫ్యూయల్ స్థాయి, గేర్ పొజిషన్, సర్వీస్ ఇండికేటర్‌లను చూపిస్తుంది.

సేఫ్టీ కోసం డ్యూయల్-ఛానల్ ఏబీఎస్, స్విచ్చబుల్ ట్రాక్షన్ కంట్రోల్ వంటి ఫీచర్లు స్టాండర్డ్‌గా ఉన్నాయి. 2025 మోడల్ కాబట్టి ఇది OBD-2B కంప్లైంట్‌గా ఉంది. ఈ బైక్ అల్లాయ్ వీల్స్‌పై అపోలో ఆల్ఫా హెచ్1 ట్యూబ్‌లెస్ టైర్లుతో వస్తుంది.

ట్రయంఫ్ స్పీడ్ 400లో 43 మి.మీ యూఎస్‌డీ ఫోర్క్‌లు, మోనోషాక్ రియర్ సస్పెన్షన్, 1,376 మి.మీల షార్టెండ్ వీల్‌బేస్ ఉన్నాయి. ఈ మార్పులు బైక్ మరింత యాక్టీవ్‎గా సులభంగా మలుపులు తిరిగేలా చేస్తాయి. సస్పెన్షన్ ట్రావెల్ ముందు 140 మి.మీ, వెనుక 130 మి.మీ ఉండటం వల్ల ఎలాంటి రోడ్లపైన అయినా సౌకర్యవంతమైన రైడింగ్ లభిస్తుంది. మైలేజ్ విషయానికి వస్తే, వివిధ రకాల రోడ్లపై లీటరకు 27 కి.మీ వరకు మైలేజ్ ఇస్తుంది.

ధర, లభ్యత, పోటీ : ట్రయంఫ్ థ్రక్స్‌టన్ 400 ధర రూ. 2.74 లక్షలు (ఎక్స్-షోరూమ్). ఈ బైక్ ప్రస్తుతం దేశవ్యాప్తంగా ఉన్న ట్రయంఫ్ ఇండియా డీలర్‌షిప్‌లలో లభిస్తుంది. త్వరలోనే డెలివరీలు ప్రారంభం కానున్నాయి.

మార్కెట్లో దీనికి ప్రధానంగా రాయల్ ఎన్‌ఫీల్డ్, జావా, యెజ్డి వంటి 350-450 సీసీ సెగ్మెంట్‌లోని రెట్రో బైక్‌ల నుంచి పోటీ ఎదురవుతుంది. క్లాసిక్ స్టైల్‌ను ఇష్టపడే వారికి, పవర్‌ఫుల్ పర్ఫార్మెన్స్‌ను కోరుకునే వారికి ఇది ఒక మంచి ఆప్షన్.