గుడ్ న్యూస్.. బిఎమ్‌డబ్ల్యూ 2 సిరీస్ గ్రాన్ కూపే M స్పోర్ట్ ఫస్ట్ డ్రైవ్ రివ్యూ.. వచ్చేసిందోచ్

ప్రస్తుతం దేశీయ మార్కెట్లో బిఎమ్‌డబ్ల్యూ 2 సిరీస్ గ్రాన్ కూపే పెట్రోల్ మరియు డీజిల్ వేరియంట్లు లభిస్తున్నాయి. అయితే మేము ఇటీవల 2 సిరీస్ గ్రాన్ కూపే ఎమ్ స్పోర్ట్ డీజిల్ వేరియంట్‌ను డ్రైవ్ చేసాము. బిఎమ్‌డబ్ల్యూ 2 సిరీస్ గ్రాన్ కూపే గురించి మరింత సమాచారం ఈ రివ్యూ ద్వారా తెలుసుకుందాం.. రండి.

డిజైన్ మరియు ఎక్స్టీరియర్స్:

బిఎండబ్ల్యు 2 సిరీస్ కారు చూడటానికి చాలా అద్భుతంగా ఉంటుంది. మేము టెస్ట్ చేసిన కారు మిసానో బ్లూ మెటాలిక్ కలర్ లో చాలా ఆకర్షణీయంగా ఉంది. కారు ముందు భాగంలో బిఎమ్‌డబ్ల్యూ సిగ్నేచర్ ఎల్‌ఇడి హెడ్‌లైట్, ఎల్‌ఇడి డిఆర్‌ఎల్, ఎల్‌ఇడి ఫాగ్ లాంప్ ఉన్నాయి. హెడ్‌లైట్ల యూనిట్ చాలా అద్భుతంగా ఉండటం వల్ల దృశ్యమానత చాలా బాగుంది.

ఫ్రంట్ బంపర్ యొక్క విషయానికి వస్తే, ఇది ఎమ్ స్పోర్ట్ వేరియంట్ కాబట్టి, ఫ్రంట్ బంపర్ చాలా స్పోర్టిగా కనిపిస్తుంది. బిఎమ్‌డబ్ల్యూ కిడ్నీ గ్రిల్ సిగ్నేచర్ పై ముందు భాగంలో తక్కువ మొత్తంలో క్రోమ్ కలిగి ఉంటుంది, కాని క్రోమ్ భాగం బ్లాక్ కలర్ లో పూర్తయితే, అది 2 సిరీస్ యొక్క స్పోర్ట్‌నెస్‌ను మరింత పెంచుతుందని మేము భావిస్తున్నాము.

ఈ కారు యొక్క సైడ్ ప్రొఫైల్, 18 ఇంచెస్ డ్యూయల్ టోన్ ఎమ్ స్పోర్ట్ అల్లాయ్ వీల్స్ యూనిట్ ని పొందుతుంది. ఇందులో ఫ్రంట్ ఫెండర్‌లో ఎమ్ బ్యాడ్జ్‌ను కూడా పొందుతారు. 2 సిరీస్, షార్ప్ బాడీలైన్‌కు బదులుగా, హెడ్‌లైట్ నుండి టైల్ లైట్ వరకు అన్ని లైన్స్ మరియు క్రీజులను కలిగి ఉంటుంది.

ఈ కారు బాడీ కలర్ ORVM లను పొందుతుంది, ఇది దిగువ సగం గ్లోస్ బ్లాక్‌లో పూర్తి అవుతుంది. ఇంతకుముందు చెప్పినట్లుగా, ఇది 2 సిరీస్ యొక్క ఎమ్ స్పోర్ట్ వేరియంట్, దీనికి సైడ్స్ క్రోమ్ ఉండదు, అయితే దానికి బదులుగా విండోస్ చుట్టూ బ్లాక్ ఫినిషింగ్ కలిగి ఉంది. అంతే కాకుండా కారు ఫ్రేమ్‌లెస్ డోర్ పొందుతుంది.

కారు యొక్క వెనుకవైపు సొగసైన టైల్ లైట్స్ కనిపిస్తాయి. ఇందులో కూడా క్రోమ్‌కు బదులుగా బ్లాక్-అవుట్ స్ట్రిప్ ఉంటుంది. ఇక కారు యొక్క స్పోర్టి రూపాన్ని పెంచే పెద్ద డ్యూయల్-టిప్ ఎగ్జాస్ట్స్ (రెండూ ఫంక్షనల్) కూడా ఉన్నాయి. ఎగ్జాస్ట్ టిప్స్ క్రోమ్‌లో పూర్తయ్యాయి మరియు వాటి మధ్య రియర్ డిఫ్యూజర్ ఉంది.

క్రోమ్ కలర్‌లో 220 డి బ్యాడ్జింగ్, వెనుక పార్కింగ్ కెమెరా ఉంది మరియు కారు అంతా పార్కింగ్ సెన్సార్లు కలిగి ఉంటుంది. ఇవి గట్టి ప్రదేశాలలో సైతం పార్కింగ్ సులభతరం చేస్తాయి. మొత్తంమీద బీఎండబ్ల్యూ అద్భుతమైన మిసానో బ్లూ పెయింట్ ‌తో అద్భుతంగా కనిపిస్తుంది.

ఇంటీరియర్స్ మరియు ఫీచర్స్ :

కారు లోపలికి అడుగు పెట్టగానే మీకు మంచి మొత్తంలో క్యాబిన్ స్థలం లభిస్తుంది. ఇందులో పెద్ద పనోరమిక్ సన్‌రూఫ్ కలిగి ఉంటుంది. ఇందులో ఉన్న క్యాబిన్ కొంత పెద్దదిగా కనిపిస్తుంది. డాష్‌బోర్డ్‌ మధ్యలో 10.25 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్ ఉంది. టచ్ చాలా బాగా ప్రతిస్పందిస్తుంది, కానీ దీనికి ఆండ్రాయిడ్ ఆటో లభించదు. దీనికి బదులుగా ఇది ఆపిల్ కార్ప్లే మాత్రమే లభిస్తుంది.

బిఎమ్‌డబ్ల్యూ 2 సిరీస్ గ్రాన్ కూపే 10.25 ఫుల్లీ డిజిటల్ ఇన్స్ట్రుమెంట్ క్లస్టర్ కలిగి ఉంటుంది.. ఇది కారు గురించి చాలా సమాచారాన్ని ఇస్తుంది మరియు డ్రైవర్ అవసరాలకు అనుగుణంగా కాన్ఫిగర్ చేయవచ్చు. ఈ కారు వైర్‌లెస్ స్మార్ట్‌ఫోన్ ఛార్జింగ్‌ను కూడా పొందుతుంది, అది గేర్ లివర్ ముందు ఉంచబడుతుంది.

ఇందులో డ్యూయెల్ జోన్ క్లైమేట్ కంట్రోల్ కూడా ఉంది, అయితే టెంపరేచర్ కోసం రీడౌట్‌లు స్టాండర్డ్ ఆరంజ్ బ్యాక్-లైట్‌లో పూర్తయ్యాయి. డాష్‌బోర్డ్ మరియు డోర్ ప్యానెల్‌లలో చాలా సాఫ్ట్-టచ్ మెటీరియల్స్ ఉన్నాయి. ప్రతి డోర్ లో బాటిల్ హోల్డర్ ఉంటుంది. అంతే కాకుండా ఇతర అవసరాలకోసం తగినంత స్థలం కూడా ఇందులో ఉంటుంది.

స్టీరింగ్ వీల్ లెదర్ తో చుట్టబడి ఉంటుంది. కావున అద్భుతమైన పట్టును అందిస్తుంది. అంతే కాకుండా స్టీరింగ్ మౌంటెడ్ కంట్రోల్స్ కూడా చాలా చక్కగా ఉండటం వల్ల, డ్రైవర్ యొక్క దృష్టిని రహదారిపై ఉంచేలా చేస్తుంది. డ్రైవర్ ఇన్ఫోటైన్‌మెంట్ సిస్టమ్‌లో ఏదైనా మార్చవలసి వచ్చినప్పుడు ఇది చాలా సహకరిస్తుంది. స్టీరింగ్ కూడా M బ్యాడ్జిని పొందుతుంది, కాని అది ఫ్లాట్ బాటమ్ కాదు.

బీఎండబ్ల్యూ 2 సిరీస్ యొక్క సీట్ల విషయానికి వస్తే, ఇందులో డ్రైవర్ వైపు మాత్రమే రెండు సెట్టింగులతో సీట్ మెమరీ ఫంక్షన్‌ను పొందుతుంది. ముందు సీట్లు సౌకర్యవంతంగా ఉంటాయి కాని కొంచెం ఎక్కువ కుషనింగ్ కలిగి ఉండాలి. సీట్లు సుదీర్ఘ ప్రయాణంలో కూడా అలసిపోనివ్వకుండా చేస్తుంది.

వెనుక సీట్లు కొంచెం ఇరుకుగా ఉంటుంది, కావున పొడవైన వ్యక్తులకు కొంత ఇబ్బందిగా ఉంటుంది. వెనుక సీటు ఇద్దరు వ్యక్తులకు బాగా సరిపోతుంది, అయితే మూడవ ప్రయాణీకుడు కూర్చోగలుగుతారు కాని సెంటర్ టన్నెల్ కి అవరోధం ఏర్పడుతుంది. ఇందులో ఉన్న మంచి విషయం ఏమిటంటే సన్‌రూఫ్ పెద్దదిగా ఉండటం వల్ల, వెనుక కూర్చున్న వ్యక్తులు ఇరుకైన అనుభూతి చెందరు.

ఇంజిన్ మరియు హ్యాండ్లింగ్ :

బీఎండబ్ల్యూ 2 సిరీస్ గ్రాన్ కూపేలో 2.0 లీటర్ టర్బోచార్జ్డ్ డీజిల్ ఇంజన్ ఉంది. ఇది 188 బిహెచ్‌పి శక్తిని మరియు 400 ఎన్ఎమ్ పీక్ టార్క్‌ను ఉత్పత్తి చేస్తుంది. ఇంజిన్ 8 స్పీడ్ ఆటోమేటిక్ గేర్‌బాక్స్‌తో జతచేయబడింది. పవర్ ఇప్పుడు ముందు చక్రాలకు మరియు వెనుక వైపుకు ప్రసారం చేయబడుతుంది.

ఈ లగ్జరీ సెడాన్ 2.0 లీటర్ పెట్రోల్ ఇంజిన్‌తో అదే 8-స్పీడ్ ఆటోమేటిక్ ట్రాన్స్‌మిషన్‌కు అందించబడుతుంది. ఇంజిన్ గరిష్టంగా 188 బిహెచ్‌పి మరియు 280 ఎన్ఎమ్ గరిష్ట టార్క్ ఉత్పత్తి చేస్తుంది. ఇంజిన్ ఒకే 220i M స్పోర్ట్ ట్రిమ్‌లో అందించబడుతుంది.

ఇప్పుడు 2 సిరీస్ ఫ్రంట్-వీల్-డ్రైవ్ కారు కాబట్టి మీరు కారును ఫ్లోర్ చేసేటప్పుడు చాలా టార్క్ స్టీర్ ఉంటుంది. ఫ్రంట్-వీల్-డ్రైవ్ సెటప్ కారణంగా కారు ప్రతిచోటా వెళ్ళే అవకాశం ఉన్నందున మీరు స్టీరింగ్ వీల్‌ను చాలా గట్టిగా పట్టుకోవాలి.

ఈ కారులో మూడు డ్రైవింగ్ మోడ్‌లు ఉన్నాయి. అవి ఎకో ప్రో, కంఫర్ట్ మరియు స్పోర్ట్ మోడ్‌లు. ఎకో ప్రో మోడ్‌లో, స్టీరింగ్ తేలికగా మారుతుంది మరియు త్రొటల్ రెస్పాన్స్ చాలా మందకొడిగా ఉంటుంది, కాని ఇంధనాన్ని ఆదా చేస్తుంది.

కంఫర్ట్ మోడ్‌లో, స్టీరింగ్ మరియు త్రొటల్ రెస్పాన్స్ కొద్దిగా మెరుగుపడుతుంది. అయితే నగరం చుట్టూ ప్రయాణించేటప్పుడు ఈ మోడ్ చాలా ఉపయోగపడుతుందని మేము సిఫార్సు చేస్తున్నాము. స్పోర్ట్ మోడ్‌లో, త్రొటల్ రెస్పాన్స్ చాలా షార్ప్ గా ఉంటుంది, మరియు స్టీరింగ్ కూడా గట్టిపడుతుంది. ఈ మోడ్‌లో కారు యొక్క గరిష్ట సామర్థ్యాన్ని ఉపయోగించవచ్చు.

పవర్ డెలివరీ సరళమైనది, కానీ మీరు కారును ఫ్లోర్ చేస్తే అకస్మాత్తుగా శక్తి పెరుగుతుంది. ఇందులో పాడిల్ షిఫ్టర్లు నిజంగా ఉపయోగకరంగా ఉంటాయి మరియు మీరు మాన్యువల్ మోడ్‌లో అకస్మాత్తుగా డౌన్‌షిఫ్ట్ చేయవలసి వచ్చినప్పుడు ఉపయోగపడుతుంది.

2 సిరీస్ జిసిలో సస్పెన్షన్ సెటప్ కొంచెం మృదువైన వైపు ఉంది. దీనికి కారణం కారు యొక్క స్పోర్టి స్వభావంతో పాటు సౌకర్యవంతమైన రైడ్‌ను అందించాలని కంపెనీ కోరుకుంది. సస్పెన్షన్ సెటప్ చాలా బాగా ఉపయోగపడుతుంది, ఇది ఎటువంటి రహదారిలో అయినా ప్రయాణించడానికి చాలా అనుకూలంగా ఉంటుంది. ఈ కారులోని అధిక నాణ్యత గల ఎన్‌విహెచ్ మరియు ఇన్సులేషన్ లెవెల్ అన్ని విండోస్ మూసివేసినప్పుడు బయటి శబ్దం రాకుండా చూస్తుంది.

ఇక ఈ బీఎండబ్ల్యూ 2 సిరీస్ యొక్క మైలేజ్ విషయానికి వస్తే, ఇది నగరంలో లీటరుకు 11.2 నుండి 12.6 కిమీ మైలేజ్ అందిస్తుంది. ఈ కారు మాదగ్గర అతితక్కువ కాలం మాత్రమే ఉన్నందువల్ల మేము హైవే రన్ చేయలేకపోయాము. ఏదేమైనా మొత్తం ఇంధన సామర్థ్యం 12 నుండి 14 కిమీ/లీ మార్క్ మధ్య రేట్ చేయబడింది.

డ్రైవ్‌స్పార్క్ అభిప్రాయం:

భారతీయ మార్కెట్లో బిఎమ్‌డబ్ల్యూ 2 సిరీస్ గ్రాన్ కూపే ఇప్పుడు జర్మన్ బ్రాండ్ యొక్క ఎంట్రీ లెవల్ ఆఫర్. ఈ కారు వాహనదారులకు చాలా సౌకర్యవంతంగా ఉంటుంది. ముఖ్యంగా మిసానో బ్లూ పెయింట్ స్కీమ్‌లో ఉన్న ఈ కారు చాలా ఆకర్షణీయంగా ఉండటమే కాకుండా అనేక ఫీచర్స్ తో చాలా స్పోర్టిగా కనిపిస్తుంది. కొత్త 2 సిరీస్ గ్రాన్ కూపే భారతీయ మార్కెట్లో లాంచ్ అయిన తర్వాత రాబోయే మెర్సిడెస్ బెంజ్ ఎ-క్లాస్ సెడాన్ వంటి వాటికి ప్రత్యర్థిగా ఉంటుంది.