కొత్త 2020 నిస్సాన్ కిక్స్ టర్బో పెట్రోల్ రివ్యూ.. చూసారా !

భారత మార్కెట్లో ఎస్‌యూవీ ధోరణిని నడిపించాలని నిర్ణయించుకున్న నిస్సాన్ కొన్ని సంవత్సరాల క్రితం తమ కిక్స్ సమర్పణను మార్కెట్లో ప్రవేశపెట్టింది. నిస్సాన్ కిక్స్ ఎస్‌యూవీ బ్రాండ్ కోసం ఒక నిర్దిష్ట స్థాయి స్థిరత్వాన్ని తీసుకురావగలిగింది. అయితే ఇది కూడా కాలక్రమేణా ఈ విభాగంలో తన ప్రత్యర్థులను అధిగమించడంలో విఫలమైంది.

2020 కి కంపెనీ తన నిస్సాన్ కిక్స్ ఎస్‌యూవీని కఠినమైన బిఎస్ 6 ఉద్గార నిబంధనలకు అనుకూలంగా తయారుచేసి అందరిని ఆశ్చర్యపరిచింది. ఇది ప్రస్తుతం కొత్త 1.3 లీటర్ టర్బో పెట్రోల్ ఇంజన్ కలిగి ఉంది. నిస్సాన్, రెనాల్ట్ మరియు డైమ్లెర్ సహా అభివృద్ధి చేసిన ఈ ఇంజిన్ సెగ్మెంట్-అత్యధిక పవర్ మరియు టార్క్ ఉత్పత్తి చేస్తుంది. ఇది 2020 కిక్స్ ఎస్‌యూవీని మరింత ఆకర్షణీయంగా చేస్తుంది.

కంపెనీ యొక్క కొత్త నిస్సాన్ కిక్స్ నవీకరణ కేవలం కొత్త పవర్‌ట్రెయిన్‌కు మాత్రమే పరిమితం కావడంతో, సాధారణ కస్టమర్‌కు ఇది ఎంత వరకు అనుకూలంగా ఉంటుంది. ఇతర ఎస్‌యూవీలకు దీనికి ఏమైనా తేడా ఉందా..? అని అనుమానాలు తలెత్తడంతో, మేము టర్బో పెట్రోల్ ఇంజిన్‌తో నడిచే 2020 నిస్సాన్ కిక్‌ వినియోగదారునికి ఎంతమాత్రం అనుకూలంగా ఉంటుంది, దాని ఫీచర్స్ ఏంటి అనే అనేక విషయాలను ఈ రివ్యూ ద్వారా వివరించాము..

డిజైన్ & స్టైలింగ్ :

ఇదివరకు చెప్పినట్లుగా 2020 నిస్సాన్ కిక్‌ నవీకరణలు దాని పవర్‌ట్రెయిన్‌కు మాత్రమే పరిమితం. అంటే దీని అర్థం ఎస్‌యూవీ యొక్క నవీకరించబడిన సంస్కరణ దాని మునుపటి మోడల్ లాగానే కనిపిస్తుంది.

2020 నిస్సాన్ కిక్స్‌లో డిజైన్ పరంగా ఎటువంటి మార్పు లేదు. కానీ 2020 నిస్సాన్ కిక్స్ ఎస్‌యూవీలో ఎక్కడా ఒకే ‘టర్బో' స్టిక్కర్ లేదా బ్యాడ్జింగ్‌ను కలిగి ఉండకపోవడం కూడా ఆశ్చర్యకరం.

నిస్సాన్ కిక్స్ ఎస్‌యూవీ ముందు భాగంలో మెష్ గ్రిల్‌ను కలిగి ఉంది మరియు దాని బ్రాండ్ లోగోను కలిగి ఉంటుంది. మెష్ గ్రిల్ చుట్టూ మందపాటి క్రోమ్ స్ట్రిప్ ఉంది, ఇది ముందు భాగంలో జోడించబడి ఉంటుంది.

ఎస్‌యూవీ ఇరువైపులా పెద్ద స్వెప్ట్‌బ్యాక్ హెడ్‌ల్యాంప్‌లను కలిగి ఉంది. ఇవి ఎల్‌ఈడీ ప్రొజెక్టర్ యూనిట్లతో వస్తాయి. ఇది మాత్రమే కాకుండా ఎల్‌ఈడీ డీఆర్‌ఎల్‌లను కూడా కలిగి ఉంటాయి, మరియు డేటైమ్ రన్నింగ్ లైట్స్ కూడా కలిగి ఉంది. దీనికి మరింత దిగువ ఫ్రంట్ బంపర్ ఉంది, దీని మధ్యలో ఎయిర్ డ్యామ్ ఉంటుంది. ఫాగ్ లాంప్స్ మరియు కార్నరింగ్ లాంప్స్ ఇరువైపులా ఉంటుంది. బంపర్ యొక్క దిగువ భాగంలో బ్లాక్ క్లాడింగ్ మరియు సిల్వర్-ఫినిష్డ్ స్కిడ్ ప్లేట్లు కూడా ఉన్నాయి. ఇది ఎస్‌యూవీకి కఠినమైన రూపాన్ని ఇస్తుంది.

ఎస్‌యూవీ యొక్క సైడ్ ప్రొఫైల్ ఈ కఠినమైన రూపాన్ని వీల్ ఆర్చెస్ తో సహా చుట్టూ బ్లాక్ క్లాడింగ్‌తో ముందుకు తీసుకువెళుతుంది. సైడ్ ఉన్న కిక్స్ యొక్క ఇతర స్టాండ్ అవుట్ డిజైన్ ఫీచర్స్ స్టైలిష్ 17 ఇంచెస్ డ్యూయల్ టోన్ అల్లాయ్ వీల్స్ కలిగి ఉంటుంది. ఈ ఎస్‌యూవీ బ్లాక్ అవుట్ సి-పిల్లర్ తో వస్తుంది. ఇది ఫ్లోటింగ్-రూఫ్ ఎఫెక్ట్‌ను ఇస్తుంది. దీని రూపాన్ని పూర్తి చేయడానికి సిల్వర్ తో పూర్తి చేసిన రూప్ రైల్స్ కూడా ఉన్నాయి.

నిస్సాన్ కిక్స్ వెనుక భాగంలో వ్రాప్ అరౌండ్ ఎల్ఇడి టెయిల్ లైట్లతో ప్రారంభించి, ఇంటిగ్రేటెడ్ బ్రేక్ లైట్‌తో రూప్-స్పాయిలర్ మరియు నంబర్ ప్లేట్‌కు పైన క్రోమ్ స్ట్రిప్ ఉంటాయి. వెనుక బంపర్ బ్లాక్ క్లాడింగ్‌ను కూడా కలిగి ఉంది, మధ్యలో స్కిడ్ ప్లేట్‌ను మరియు చివర్లో రిఫ్లెక్టర్లను కూడా అనుసంధానించబడి ఉంటుంది.

ఇంటీరియర్స్ మరియు ప్రాక్టికాలిటీ :

కొత్త 2020 నిస్సాన్ కిక్స్ ఇంటీరియర్స్ కూడా ఎటువంటి మార్పులు చేయబడలేదు. మొత్తం క్యాబిన్ బ్లాక్ మరియు బ్రౌన్ లెదర్ మెటీరియల్ డ్యూయల్ టోన్ థీమ్‌ను కలిగి ఉంది. డాష్‌బోర్డ్ యొక్క పై భాగం సాఫ్ట్-టచ్ మెటీరియల్‌లో పూర్తయింది.

దీనితో పాటు నిస్సాన్ కారులోని అన్ని ప్రధాన టచ్‌పాయింట్‌లకు లెదర్ మెటీరియల్స్ అందించబడ్డాయి. ఇందులో స్టీరింగ్ వీల్, డాష్‌బోర్డ్, సైడ్ డోర్ ప్యానెల్స్, గేర్ లివర్ మరియు సెంట్రల్ ఆర్మ్‌రెస్ట్ ఉన్నాయి. డాష్‌బోర్డ్ యొక్క దిగువ భాగాలు మరియు డోర్ ప్యానెల్స్ స్క్రాచి ప్లాస్టిక్‌లను కలిగి ఉంటాయి.

త్రీ స్పోక్ స్టీరింగ్ వీల్ పెద్దది మరియు లెదర్ తో చుట్టబడి ఫ్లాట్ బాటమ్‌తో వస్తుంది. ఇది వాహనదారునికి స్పోర్టి డ్రైవింగ్ అనుభూతిని అందిస్తుంది. ఇది ఆడియో మరియు కాల్ ఫంక్షనాలిటీస్ కంట్రోల్ మౌంటెడ్ బటన్లను కలిగి ఉంటుంది.

స్టీరింగ్ వీల్ వెనుక సెమీ డిజిటల్ ఇన్స్ట్రుమెంట్ క్లస్టర్ ఉంది, స్పీడోమీటర్ రీడింగ్ కోసం మధ్యలో చిన్నరెక్టాన్గులార్ ఎమ్ఐడి ఉంటుంది. టాచోమీటర్, ఫ్యూయెల్ మరియు టెంపరేచర్ గేజ్ అనలాగ్ మరియు ఎమ్ఐడి కి ఇరువైపులా ఉంచబడతాయి. పైన మరో చిన్న స్క్రీన్ కూడా ఉంది. ఇది ఓడో రీడింగ్, ట్రిప్ మీటర్లు మరియు డ్రైవర్‌కు మరికొన్ని ముఖ్యమైన సమాచారాన్ని ప్రదర్శిస్తుంది.

2020 నిస్సాన్ కిక్స్‌లోని సెంటర్ కన్సోల్‌లో ఫ్లోటింగ్ 8 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్ ఉంది. ఇది బ్లూటూత్, ఆండ్రాయిడ్ ఆటో మరియు ఆపిల్ కార్ప్లే వంటి ఇతర స్మార్ట్‌ఫోన్ కనెక్టివిటీ ఎంపికలతో పాటు బ్రాండ్ యొక్క కనెక్ట్ చేయబడిన కార్ టెక్నాలజీని కలిగి ఉంది.

ఇందులో రివర్స్ పార్కింగ్ కెమెరా కోసం డిస్ప్లే కూడా ఉంటుంది. ఏదేమైనా స్క్రీన్ అంత ఉత్తమమైనది కాదని మేము కనుగొన్నాము మరియు దాని ఇతర ప్రత్యర్థులతో పోలిస్తే కొంచెం డేటింగ్ అనిపిస్తుంది.

ఇందులో సీట్ల విషయానికి వస్తే, సీట్లు చాలా సౌకర్యంగా ఉంటాయి. ముందు మరియు వెనుక సీట్లు డ్యూయల్-టోన్ బ్లాక్ అండ్ బ్రౌన్ లెదర్ అప్హోల్స్టరీతో ముందుకు తీసుకువెళతాయి. సీట్లు మంచి కుషనింగ్‌ను అందిస్తాయి. అయినప్పటికీ వాటిని మాన్యువల్‌గా అడ్జస్టబుల్ చేయాలి. డ్రైవర్ సీటుకు కూడా ఎలెక్ట్రికల్-అడ్జస్టబుల్ సామర్థ్యం లేదు.

వెనుక భాగంలో కూడా చాలా సౌకర్యవంతంగా ఉంటుంది. వెనుక ఉన్నప్లేస్ కూడా చాలా బాగుంది. ఆరు అడుగుల వ్యక్తికి కూడా తగినంత లెగ్‌రూమ్ మరియు హెడ్‌రూమ్ ఉన్నాయి. వెనుక సీటు ప్రయాణికులకు కంఫర్ట్ లెవల్స్ సెంట్రల్ ఆర్మ్‌రెస్ట్‌ను క్రిందికి లాగడం ద్వారా, వెనుక ఎసి వెంట్స్ తో మరింత మెరుగుపరచవచ్చు.

కిక్స్ ఎస్‌యూవీ లోపలి భాగంలో గ్లోవ్‌బాక్స్‌లో, ఫ్రంట్ ఆర్మ్‌రెస్ట్ కింద, సీట్ల వెనుక, డోర్ ప్యానెల్స్‌పై మరియు వెనుక సెంట్రల్ ఆర్మ్‌రెస్ట్‌లో తగినంత స్థలం ఉంది. సెంటర్ కన్సోల్ క్రింద స్టోరేజ్ బాక్స్ లు కూడా ఉన్నాయి. వీటిలో USB ఛార్జింగ్ పోర్ట్ మరియు 12 వి సాకెట్ కూడా ఉన్నాయి.

ఇందులోని ప్రాక్టికాలిటీ గమనించినట్లయితే 2020 నిస్సాన్ కిక్స్ 400 లీటర్ బూట్ స్పేస్ కలిగి ఉంది. వెనుక సీటును పూర్తిగా ఫోల్డ్ చేయడం ద్వారా లగేజ్ ప్లేస్ మరింత పెంచుకోవచ్చు. అయితే ఇందులో 60:40 రియర్ సీట్ స్ప్లిట్ లేదనే చెప్పాలి.

వేరియంట్స్, కీ ఫీచర్స్ & సేఫ్టీ ఫీచర్స్ :

2020 నిస్సాన్ కిక్స్ ఎస్‌యూవీని ఎక్స్‌ఎల్, ఎక్స్‌వి, ఎక్స్‌వి ప్రీమియం మరియు ఎక్స్‌వి ప్రీమియం (ఓ) అనే నాలుగు వేరియంట్లలో అందిస్తున్నారు. ఈ నాలుగు వేరియంట్లు అనేక కొత్త ఫీచర్స్ మరియు పరికరాలను కలిగి ఉంటాయి. 2020 నిస్సాన్ కిక్స్ టర్బోలో ఆఫర్‌లో ఉన్న కొన్ని ముఖ్య ఫీచర్స్ ఇక్కడ చూడవచ్చు..

• ఎల్ఇడి ప్రొజెక్టర్ హెడ్‌ల్యాంప్స్
• 17 ఇంచెస్ డ్యూయల్-టోన్ అల్లాయ్ వీల్స్
• ఎలక్ట్రికల్ అడ్జస్టబుల్ & ఫోల్డబుల్ ORVM
• రెయిన్ సెన్సింగ్ వైపర్స్
• కీలెస్ ఎంట్రీ కోసం స్మార్ట్ కార్డ్
• 8-ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్
• ఇంజిన్ స్టార్ట్ / స్టాప్ బటన్
• క్రూయిజర్ కంట్రోల్
• స్టీరింగ్-మౌంటెడ్ కంట్రోల్
• కూల్డ్ గ్లోవ్‌బాక్స్
• రిమోట్ ఇంజిన్ స్టార్ట్
• 6 వే మాన్యువల్ సీట్ అడ్జస్టబుల్
• లెదర్ సీట్ అప్హోల్స్టరీ



నిస్సాన్ కిక్స్ ఎస్‌యూవీ అనేక సేఫ్టీ ఫీచర్స్ కలిగి ఉంటుంది. అవి :

• మల్టిపుల్ ఎయిర్‌బ్యాగ్స్
• ఏబిఎస్ విత్ ఇబిడి
• ట్రాక్షన్ కంట్రోల్
• హిల్-స్టార్ట్ అసిస్ట్ కంట్రోల్
• ఎలక్ట్రానిక్ స్టెబిలిటీ కంట్రోల్
• వెహికల్ స్టెబిలిటీ కంట్రోల్
• స్పీడ్ సెన్సింగ్ ఆటో డోర్ లాక్
• ఇంపాక్ట్ సెన్సింగ్ ఆటో డోర్ అన్‌లాక్
• 360-డిగ్రీ కెమెరా
• రియర్ వ్యూ పార్కింగ్ సెన్సార్స్ మరియు కెమెరా విత్ యాక్టివ్ గైడ్లైన్స్
• ఎమర్జెన్సీ స్టాప్ సిగ్నల్
• బ్రేకింగ్ అస్సిలేషన్
• ఇమ్మొబిలైజర్



డ్రైవింగ్ ఇంప్రెషన్స్ & పెర్పామెన్స్ :

2020 నిస్సాన్ కిక్స్ రెండు ఇంజన్ ఎంపికలతో అందించబడుతుంది. మొదటిది స్టాండర్డ్ 1.5 లీటర్ పెట్రోల్ యూనిట్. ఇది 105 బిహెచ్‌పి మరియు 142 ఎన్ఎమ్ పీక్ టార్క్ ఉత్పత్తి చేస్తుంది.



ఇక రెండవది ‘టర్బో' వెర్షన్, ఇది కొత్త 1.3-లీటర్ టర్బోచార్జ్డ్ పెట్రోల్ ఇంజిన్‌తో పనిచేస్తుంది. ఈ ఇంజిన్ 5500 ఆర్‌పిఎమ్ వద్ద 156 బిహెచ్‌పి యొక్క సెగ్మెంట్-హై పవర్ ఫిగర్స్ మరియు 1600 ఆర్‌పిఎమ్ వద్ద 254 ఎన్ఎమ్ పీక్ టార్క్ ఉత్పత్తి చేస్తుంది. ఇది 6-స్పీడ్ మాన్యువల్ లేదా సివిటి ఆటోమేటిక్ ట్రాన్స్మిషన్ ఎంపికలతో జతచేయబడుతుంది.



మేము 6 స్పీడ్ మాన్యువల్ గేర్‌బాక్స్‌ గల నిస్సాన్ కిక్స్ టర్బోను డ్రైవ్ చేసాము. ఈ 1.3 లీటర్ టర్బో-పెట్రోల్ నిస్సాన్, రెనాల్ట్ మరియు డైమ్లెర్ కలిసి అభివృద్ధి చేసింది. కొత్త హెచ్‌ఆర్ 13 డిడిటి ఇంజన్ తన సిలిండర్ కోటింగ్ టెక్నాలజీని ‘ఆర్ 35 జిటి-ఆర్' స్పోర్ట్స్ కార్ నుండి తీసుకుంటుంది. ఇది ఫ్రిక్షన్ తగ్గిస్తుందని మరియు మెరుగైన పనితీరులో సహాయపడుతుందని కంపెనీ పేర్కొంది.



దీనితో పాటు ఇంజిన్ ఎలక్ట్రానిక్ కంట్రోల్ వాష్ గేట్, హై ప్రెజర్ డైరెక్ట్ ఇంజెక్షన్ మరియు వేరియబుల్ కామ్స్ కలిగి ఉంటుంది. ఇది ప్రతిస్పందనను మరింత మెరుగుపరుస్తుంది మరియు పనితీరులో సహాయపడుతుంది.

2020 నిస్సాన్ కిక్స్ టర్బో అద్భుతమైన పనితీరును అందిస్తుంది. ముఖ్యంగా దాని మధ్య శ్రేణిలో. 1750 ఆర్‌పిఎమ్ మార్క్ వరకు స్టార్టింగ్ టర్బో లాగ్ ఉన్నప్పటికీ, అంతకు మించి ఈ ఎస్‌యూవీ ముందుకు వెళ్తుంది. ట్యాప్‌లో పవర్ పుష్కలంగా ఉంది, కావున ఇది హైవేపై బయటకు వెళ్లడానికి కిక్స్ చాలా సరదాగా ఉండే కారుగా అభివర్ణించవచ్చు.



కారు హైవేపై ఉన్నప్పుడు ఏ గేర్‌లోనైనా లాగుతుంది, తక్కువ గేర్‌షిఫ్ట్‌లను మరియు ఎక్కువ ఆకర్షణీయమైన ఓవర్‌టేక్‌లను అనుమతిస్తుంది. 1750 ఆర్‌పిఎమ్ మరియు 6000 ఆర్‌పిఎమ్ మార్క్ మధ్య పవర్ లభిస్తుంది. ఆ తర్వాత అది టేప్ అవుట్ అవుతుంది.



స్టీరింగ్ వీల్ డ్రైవింగ్ సమయంలో చాలా అనుకూలంగా ఉంటుంది. ఇది వాహనదారునికి మంచి అభిప్రాయాన్ని మరియు ప్రతిస్పందనను అందించడానికి నిర్వహిస్తుంది. అంతే కాకుండా తక్కువ మరియు అధిక వేగంలో కూడా రైడర్ కి మంచి విశ్వాసాన్ని ఇస్తుంది.

ఈ కొత్త 2020 నిస్సాన్ కిక్స్ ఎలాంటి రహదారులలో అయినా ప్రయాణించడానికి అనుకూలంగా ఉంటుంది. ఇందులో 210 మిమీ సెగ్మెంట్-బెస్ట్ గ్రౌండ్ క్లియరెన్స్ రోడ్లపై చాలా అసమానతతో సులభంగా రైడ్ చేయడానికి సహాయపడతాయి.



కిక్స్ టర్బో బ్రేకింగ్ చాలా బాగా పని చేస్తాయి, ఈ ఎస్‌యూవీని బాగా నిలిపివేయడానికి చాలా సహాయపడతాయి. ముందు మరియు వెనుక బ్రేక్‌లు రెండూ కూడా చాలా బాగా నిర్వహణను కల్పించేలా ఉంటాయి. ఎమర్జెన్సీ పానిక్ బ్రేకింగ్ సమయంలో మంచి విశ్వాసాన్ని అందిస్తుంది.

టైర్లు అన్ని పరిస్థితులలో మంచి పట్టును అందిస్తాయి. అవి తడి మరియు పొడి నెలలో మంచి పట్టును కలిగి ఉంటాయి. చాలా తక్కువ బాడీ రోల్‌తో మంచి స్టెబిలిటీ అందించడానికి ఈ ఎస్‌యూవీ చాలా బాగా ఉపయోగపడుతుంది.

Engine	1.3-litre turbo-petrol
Displacement	1330cc
Power	156bhp @ 5500rpm
Torque	254Nm @ 1600rpm
Transmission	6MT/CVT



ప్రైస్ & కలర్ అప్సన్స్ :

కొత్త 2020 నిస్సాన్ కిక్స్ రెండు పెట్రోల్ ఇంజన్ అప్సన్స్ తో అందించబడుతుంది. తక్కువ శక్తివంతమైన 1.5-లీటర్ యూనిట్‌తో నడిచే ఎస్‌యూవీ యొక్క బేస్ వేరియంట్‌లను ప్రారంభ ధర రూ. 9.50 లక్షలతో అందిస్తున్నారు.



అదేవిధంగా నిస్సాన్ కిక్స్ యొక్క 1.3-లీటర్ టర్బో-పెట్రోల్ పవర్డ్ వేరియంట్ల ధరలు 11.85 లక్షల రూపాయల నుండి ప్రారంభమవుతాయి. టాప్-స్పెక్ సివిటి వెర్షన్ ధరలు అన్ని రకాలుగా 14.15 లక్షల [ఎక్స్-షోరూమ్, ఢిల్లీ] వరకు ఉంటాయి.



2020 నిస్సాన్ కిక్స్ తొమ్మిది కలర్ అప్సన్లలో లభిస్తాయి. ఇందులో ఆరు సింగిల్-టోన్ కలర్స్, మిగిలిన మూడు డ్యూయల్-టోన్ కలర్స్ ఉన్నాయి. సింగిల్-టోన్ పెయింట్‌లో పెర్ల్ వైట్, బ్లేడ్ సిల్వర్, బ్రాంజ్ గ్రే, డీప్ బ్లూ పెర్ల్, నైట్ షేడ్ మరియు ఫైర్ రెడ్ కలర్స్ ఉన్నాయి.

ఇక డ్యూయల్-టోన్ కలర్స్ విషయానికి వస్తే ఇవి టాప్-స్పెక్ XV ప్రీమియం (ఓ) ట్రిమ్‌లో మాత్రమే అందుబాటులో ఉన్నాయి. అవి పెర్ల్ వైట్ / ఒనిక్స్ బ్లాక్, బ్రాంజ్ గ్రే / అంబర్ ఆరెంజ్ మరియు ఫైర్ రెడ్ / ఒనిక్స్ బ్లాక్ కలర్స్ ఉన్నాయి.



కంపారిటీవ్ & ఫ్యాక్ట్ చెక్ :

2020 నిస్సాన్ కిక్స్ టర్బో అత్యంత పోటీతత్వ మిడ్-సైజ్ ఎస్‌యూవీ విభాగంలో ఉంది. ఇది కియా సెల్టోస్, హ్యుందాయ్ క్రెటా, రెనాల్ట్ డస్టర్ టర్బో వంటి వాటికి నిస్సాన్ కిక్స్ ప్రత్యర్థిగా ఉంటుంది.

Model/Specs	Nissan Kicks Turbo	Kia Seltos	Hyundai Creta
Engine	1.3-litre turbo-petrol	1.4-litre T-GDI Petrol	1.4-litre T-GDI Petrol
Displacement	1330cc	1353cc	1353cc
Power	156bhp @ 5500rpm	140bhp @6000rpm	140bhp @6000rpm
Torque	254Nm @ 1600rpm	242Nm @ 1500rpm	242Nm @ 1500rpm
Transmission	6MT/CVT	6MT/7DCT	6MT/7DCT



వెర్డిక్ట్స్ :

2020 నిస్సాన్ కిక్స్ టర్బో ఖచ్చితంగా బెస్ట్ వెర్షన్ అని చెప్పవచ్చు. ఎస్‌యూవీ దాని కొరియన్ ప్రత్యర్ధుల వలె అన్ని ఫీచర్స్ లేకపోయినప్పటికీ, ఇంజిన్ మంచి పనితీరును అందిస్తుంది. ఏదేమైనా 2020 నిస్సాన్ కిక్స్ టర్బో ఇప్పటికీ దృఢమైన ఎస్‌యూవీగా కనిపిస్తుంది. ఈ కొత్త ఎస్‌యూవీ తగినన్ని ఫీచర్స్ కలిగి ఉండటంతో పాటు మంచి పనితీరుని అందించడం వల్ల మార్కెట్లో మంచి పోటీని ఇవ్వనుంది.



నిస్సాన్ కిక్స్ ఎస్‌యూవీలో మాకు నచ్చిన విషయాలు :

• మంచి మిడ్ రేంజ్ పెర్ఫామెన్స్
• విశాలమైన క్యాబిన్
• మంచి సస్పెన్షన్ మరియు బ్రేకింగ్ సెటప్

నిస్సాన్ కిక్స్ ఎస్‌యూవీలో నచ్చని విషయాలు :

• ఇతర పోటీదారులకంటే తక్కువ ఫీచర్స్ కలిగి ఉంటుంది
• నిస్సాన్ డీలర్ & సర్వీస్ తగ్గిస్తుంది