కస్టమర్లకు బెస్ట్ చాయిస్ Skoda Kodiaq: రివ్యూ & పూర్తి వివరాలు

స్కోడా కంపెనీ 2016 లో తన స్కోడా కొడియాక్ (Skoda Kodiaq) ని అంతర్జాతీయ మార్కెట్లో ప్రవేశపెట్టింది. ఆ తరువాత 2018 లో భారతీయ మార్కెట్లో అరంగేట్రం చేసింది. అయితే బిఎస్6 ఉద్గారాల నిబంధనల కారణంగా 2020 లో ఈ SUV ని కంపెనీ రిఫ్రెష్ చేసింది. ఈ కారణంగా ఇది దాని మునుపటి మోడల్ మాదిరిగానే అదే డిజైన్ తో తనకంటూ ఒక శాశ్వతమైన ముద్రను నిలుపుకోగలిగింది. అయితే కంపెనీ 2 సంవత్సరాల తరువాత ఇప్పుడు ఎట్టకేలకు కొత్త బిఎస్6 కొడియాక్ విడుదల చేసింది.

కంపెనీ విడుదల చేసిన ఈ కొత్త కారుని మేము ఇటీవల డ్రైవ్ చేసాము. కావున ఈ కొత్త స్కోడా కొడియాక్ డిజైన్, ఫీచర్స్ మరియు డ్రైవింగ్ ఇంప్రెషన్స్ వంటి వాటిని గురించి మరింత సమాచారం ఈ రివ్యూ ద్వారా మీకోసం..

Skoda Kodiaq డిజైన్ & స్టైల్:

కొత్త Skoda Kodiaq అద్భుతమైన డిజైన్ పొందుతుంది. ఇది మునుపటికంటే కూడా అనేక అప్డేట్స్ పొందుతుంది. ఇందులోని ఫ్రంట్ ఎండ్ కొత్తగా ఉంది. అదే విధంగా క్రిస్టలిన్ హెడ్‌ల్యాంప్ చాలా ఆకర్షణీయంగా ఉంటుంది. హెడ్‌ల్యాంప్‌ల కింద LED ఫాగ్ ల్యాంప్స్ చూడవచ్చు.

2022 స్కోడా కొడియాక్ బ్రాండ్ సిగ్నేచర్ బటర్‌ఫ్లై గ్రిల్ డిజైన్‌ను కలిగి ఉంది. గ్రిల్ పెద్దదిగా ఉండి చాలా గంభీరమైనదిగా కనిపిస్తుంది. గ్రిల్ చుట్టుపక్కల ఉన్న క్రోమ్ ఫ్రంట్-ఎండ్‌కు ప్రీమియం టచ్‌ అందిస్తుంది. గ్రిల్‌పై ఉన్న వర్టికల్ స్లాట్‌లు కూడా క్రోమ్ ఎలిమెంట్ పొందుతాయి. ఇంటర్‌కూలర్ ముందు హనీకూంబ్ డిజైన్ ఎలిమెంట్ తో అప్డేట్ చేయబడిన ఫ్రంట్ బంపర్ ఉంది.

ఇక సైడ్ ప్రొఫైల్ విషయానికి వస్తే, ఈ SUV యొక్క సిల్హౌట్ పాత స్కోడా కొడియాక్‌తో సమానంగా ఉన్నట్లు తెలుస్తుంది. ఇందులో వాలుగా ఉన్న రూఫ్‌లైన్ పొందుతుంది. అదే సమయంలో ఇది బ్లాక్-అవుట్ B మరియు C పిల్లర్‌లను పొందుతుంది. స్పాయిలర్ కూడా బ్లాక్ లో ఉంటుంది. మాట్ సిల్వర్ రూఫ్ రెయిల్స్ ఈ SUV యొక్క రూపానికి మరింత ఆకర్షణీయంగా చేస్తాయి. సైడ్ ప్రొఫైల్‌లో గమనించదగ్గ అతిపెద్ద మార్పు కొత్త అల్లాయ్ వీల్స్.

2022 స్కోడా కొడియాక్ మూడు వేరియంట్‌లలో అందుబాటులో ఉంది. ఈ మూడు వేరియంట్‌లు మల్టిపుల్ స్టైల్ అల్లాయ్ వీల్స్‌ పొందుతాయి. మేము స్కోడా కొడియాక్ యొక్క టాప్-స్పెక్ లారిన్ & క్లెమెంట్ వేరియంట్‌ డ్రైవ్ చేసాము. ఇది 18 ఇంచెస్ ట్రినిటీ ఆంత్రాసైట్ డ్యూయల్-టోన్ అల్లాయ్ వీల్స్‌ పొందుతుంది.

L&K వేరియంట్ అంటే స్కోడా కోడియాక్ ఫ్రంట్ ఫెండర్‌లపై ‘లారిన్ & క్లెమెంట్' బ్యాడ్జింగ్‌తో వస్తుంది. వెనుక భాగంలో టెయిల్‌గేట్‌పై 'స్కోడా' అక్షరంతో పాటు రిఫ్రెష్ చేయబడిన బంపర్ ఉంది. అంతే కాకుండా ఇది స్పాయిలర్ మరియు షార్క్‌ఫిన్ యాంటెన్నా వంటి వాటిని కూడా పొందుతుంది.

Skoda Kodiaq కాక్‌పిట్ మరియు ఇంటీరియర్స్:

స్కోడా కంపెనీ యొక్క అన్ని వాహనాలు మంచి ఇంటీరియర్ కలిగి ఉంటాయి, కావున కొడియాక్ కూడా ఇదే కోవలో ఉంది. స్కోడా కొడియాక్ మొత్తం క్యాబిన్ చాలా విశాలంగా మరియు ఆకర్షణీయంగా ఉంటుంది. ఇది డ్యూయల్-టోన్ బీజ్ మరియు బ్లాక్ ఇంటీరియర్‌ను కలిగి ఉంది. ఈ కలర్ థీమ్ SUV అంతటా కనిపిస్తుంది.

2022 స్కోడా కోడియాక్ డ్యాష్‌బోర్డ్ లేఅవుట్‌ను కలిగి, ఈ SUV యొక్క పాత వెర్షన్‌కు సమానంగా ఉంటుంది. డ్యాష్‌బోర్డ్ పైభాగం బ్లాక్ లెదర్‌తో అలంకరించబడి ఉండగా, దిగువన సగం లేత గోధుమరంగులో పూర్తి చేసిన సాఫ్ట్-టచ్ ప్లాస్టిక్‌ పొందుతుంది. డ్యాష్‌బోర్డ్‌లో 8.0-ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టం ఉంది. ఇది వైర్‌లెస్ Apple CarPlay మరియు Android Auto తో వస్తుంది. కానీ ఇది మోడల్ కంటే కూడా చాలా మెరుగ్గా ఉంటుంది.

సిస్టమ్‌తో మీ స్మార్ట్‌ఫోన్‌కు కనెక్ట్ చేయడం కూడా చాలా సులభం. మీ స్మార్ట్‌ఫోన్‌కు కనెక్ట్ చేసిన తరువాత చాలా ఫీచర్లు ఇన్ఫోటైన్‌మెంట్ సిస్టమ్ ద్వారా యాక్సెస్ చేయబడతాయి. కావున ఇష్టమైన యాప్‌ల ద్వారా మ్యూజిక్ ప్లే చేయడానికి లేదా Google Maps ద్వారా నావిగేట్ చేయడానికి చాలా అనుకూలంగా మరియు వేగవంతంగా ఉంటుంది.

కొడియాక్ లో ఉన్న 8 ఇంచెస్ స్క్రీన్ దీనికి కొంచెం చిన్నదిగా అనిపించినా కంపెనీ ఇందులో అందించిన టెక్నాలజీ మరియు ఫీచర్స్ అన్ని కూడా దీనికి సరిపోయేలా ఉంది. ఇన్ఫోటైన్‌మెంట్ 12-స్పీకర్ కాంటన్ మ్యూజిక్ సిస్టమ్ ద్వారా సౌండ్ అందిస్తుంది. ఇది 10 స్పీకర్లను కలిగి ఉన్న పాత స్కోడా కొడియాక్ కంటే కూడా మెరుగ్గా ఉంటుంది. కావున దీని ద్వారా అద్భుతమైన మ్యూజిక్ ఎంజాయ్ చేయవచ్చు.

క్లైమేట్ కంట్రోల్, డ్రైవర్ మరియు ప్యాసింజర్ సీట్ హీటింగ్/కూలింగ్, యాంబియంట్ లైటింగ్, డ్రైవ్ మోడ్‌లు, నావిగేషన్, సౌండ్-స్టేజింగ్, సస్పెన్షన్ మరియు స్టీరింగ్ సెన్సిటివిటీ మొదలైన వాటిని టచ్‌స్క్రీన్ ద్వారా కంట్రోల్ చేయవచ్చు. అంతే కాకుండా ఇందులో మైస్కోడా కనెక్ట్ ఫీచర్‌ కూడా అందుబాటులో ఉంటుంది. కావున ఇప్పుడు స్మార్ట్‌ఫోన్ యాప్ ద్వారా ట్రాక్ చేయవచ్చు మరియు కంట్రోల్ చేయవచ్చు. అంతే కాకూండా రియల్ టైమ్ స్పీడ్ ట్రాకింగ్, రోడ్‌సైడ్ అసిస్టెన్స్, జియోఫెన్స్ నోటిఫికేషన్, SOS, డ్రైవింగ్ బిహేవియర్ రిపోర్ట్‌లు, టో అలర్ట్ మొదలైన ఫీచర్స్ కూడా ఇందులో ఉన్నాయి.

ఇన్ఫోటైన్‌మెంట్ క్రింద హీటింగ్, వెంటిలేషన్, ఎయిర్ కండిషనింగ్ కోసం కంట్రోల్స్ ఉన్నాయి, దాని క్రింద పార్క్ అసిస్ట్ ఫీచర్ కోసం కొన్ని బటన్‌లు ఉన్నాయి. ఈ బటన్‌ల క్రింద సెంటర్ కన్సోల్ కూడా ఉంది. దాని లోపల ఒక చిన్న క్యూబీహోల్ ఉంది, రెండు టైప్-సి ఛార్జింగ్ పోర్ట్‌లు మరియు వైర్‌లెస్ మొబైల్ ఫోన్ ఛార్జర్ వంటివి ఉన్నాయి. దీని వెనుక 7-స్పీడ్ DSG కోసం గేర్ లివర్ మరియు లివర్ వెనుక వెహికల్ డైనమిక్స్ మరియు డ్రైవింగ్ మోడ్‌లను కంట్రోల్ చేయడానికి వివిధ బటన్లు ఉన్నాయి. ఈ బటన్‌ల ద్వారా ఏవైనా మార్పులు చేసినట్లయితే, ఇన్ఫోటైన్‌మెంట్ మరియు ఇన్‌స్ట్రుమెంటేషన్‌లో కూడా మార్పు ప్రదర్శించబడుతుంది.

ఇందులో కొత్త టూ-స్పోక్ స్టీరింగ్ వీల్ ఉంది. కంపెనీ యొక్క ఆధునిక కార్లు టూ-స్పోక్ స్టీరింగ్ వీల్‌ను కలిగి ఉన్నాయి, కావున కొడియాక్ కూడా ఇదే స్టీరింగ్ వీల్ పొందుతుంది. స్టీరింగ్ వీల్ వెనుక పెద్ద 10.25 ఇంచెస్ వర్చువల్ కాక్‌పిట్ ఉంది మరియు డిస్ప్లే యొక్క లేఅవుట్ చాలా అనుకూలంగా ఉంటుంది. అదే సమయంలో ఎంచుకున్న యాంబియంట్ లైటింగ్ కలర్ మారుతుంది. మొత్తం మీద ఇది చాలా ఆకర్షణీయమైన మరియు అద్భుతమైన డిజైన్ మరియు ఫీచర్స్ కలిగి ఉంది.

Skoda Kodiaq ఇంజిన్ పర్ఫామెన్స్ & డ్రైవింగ్ ఇంప్రెషన్స్:

కొత్త స్కోడా కొడియాక్ 2.0-లీటర్ టర్బో-పెట్రోల్ ఇంజన్‌ పొందుతుంది. ఈ ఇంజిన్ స్కోడా ఆక్టావియా మరియు స్కోడా సూపర్బ్‌ మోడల్స్ లో కూడా ఉపయోగించబడింది. ఇది 1,984 సిసి ఇన్‌లైన్-ఫోర్-సిలిండర్, టిఎస్ఐ యూనిట్. ఇది 4,200 - 6,000 ఆర్‌పిఎమ్ వద్ద 187.5 బిహెచ్‌పి పవర్ మరియు 1,500 - 4,100 ఆర్‌పిఎమ్ వద్ద 320 ఎన్ఎమ్ టార్క్ అందిస్తుంది. ఇది 7 స్పీడ్ DSG యూనిట్ పొందుతుంది.

స్కోడా కొడియాక్ స్పోర్ట్ మోడ్, మాన్యువల్ మోడ్ మరియు స్టీరింగ్ వీల్ వెనుక ఉంచబడిన ప్యాడిల్ షిఫ్టర్‌లతో వస్తుంది. ఇది మంచి పనితీరుని అందిస్తుంది. ఈ కొత్త మోడల్ కేవలం 7.5 సెకన్లలో 0 నుంచి 100 కిమీ/గం వరకు ఉంటుంది. ఇది గంటకు 200 కిమీ వేగంతో కూడా వెళ్లగలదు. అయితే దీనికి తగిన రోడ్లు లేకపోవడం వల్ల దీని గరిష్ట వేగాన్ని టెస్ట్ చేయలేదు.

2022 స్కోడా కొడియాక్ ఆరు డ్రైవ్ మోడ్‌లను కలిగి ఉంది. అవి ఎకో, కంఫర్ట్, నార్మల్, స్పోర్ట్, ఇండివిజువల్ మరియు స్నో మోడ్. ఈ మోడ్‌లు అన్నీ కూడా అద్భుతంగా పని చేస్తాయి. మేము అన్ని మోడ్స్ టెస్ట్ చేసాము, కానీ స్నో మోడ్ టెస్ట్ చేయలేదు. అయితే ప్రతి మోడ్ స్కోడా కొడియాక్ నిర్వహణ మరియు పనితీరులో గణనీయమైన వ్యత్యాసాన్ని చూపిస్తుంది.

ప్రతి డ్రైవ్ మోడ్ సస్పెన్షన్ బంప్‌లు మరియు గుంతలకు ప్రతిస్పందించే విధానాన్ని మారుస్తుంది. స్పోర్ట్ మోడ్‌లో హ్యాడ్లింగ్ చాల అద్భుతంగా ఉంటుంది, మరియు కంఫర్ట్ మరియు ఎకో మోడ్‌లలో రైడ్‌ను చాలా సౌకర్యవంతంగా ఉంటుంది. డ్రైవర్ అవసరాలకు అనుగుణంగా ఇండియూజ్యువల్ మోడ్‌ను సెటప్ చేయవచ్చు.

ఇంజిన్ మరియు గేర్‌బాక్స్ రెస్పాన్స్ కూడా వివిధ డ్రైవ్ మోడ్‌ల ఎంపికతో మారుతుంది. అంతే కాకుండా ఆఫ్-రోడ్ పరిస్థితులలో ఉపయోగించేందుకు ఉద్దేశించిన ప్రత్యేక ఆఫ్-రోడ్ మోడ్ కూడా ఇందులో అందుబాటులో ఉంటుంది.

Skoda Kodiaq కంఫర్ట్, ప్రాక్టికాలిటీ మరియు బూట్ స్పేస్:

కొడియాక్ యొక్క డోర్ ప్యానెల్‌లు కూడా అదే డ్యూయల్-టోన్ ఇంటీరియర్ థీమ్‌ను అనుసరిస్తాయి. చాలా కార్లు బాటిల్ హోల్డర్ మరియు క్యూబీహోల్ ఏరియా కోసం హార్డ్-ప్లాస్టిక్ ఫినిషింగ్‌తో తయారు చేస్తున్నప్పటికీ, స్కోడా కొడియాక్ ఆ ప్రాంతంలో ఫీల్ లైనింగ్‌ను పొందుతుంది.

ఇందులోని సీట్లు చాలా ప్రీమియం గా కనిపిస్తాయి. L&K వేరియంట్‌లో లేత గోధుమరంగులో అలంకరించబడిన హీటెడ్ మరియు కూల్డ్ చిల్లులు గల లెదర్ సీట్లు ఉన్నాయి. ఇవి సుదూర ప్రాంతాలకు వెళ్ళేటప్పుడు కూడా వాహన వినియోగదారులకు చాలా అనుకూలంగా ఉంటాయి. ఇవి ఎలక్ట్రికల్లీ అడ్జస్టబుల్ గా ఉంటాయి.

రెండవ వరుసలో సీట్లు కూడా చాలా సౌకర్యవంతంగా ఉంటాయి. ఈ సీట్లు వెడల్పుగా ఉండటమే కాకుండా తగినంత హెడ్‌రూమ్, క్నీ రూమ్ మరియు లెగ్‌రూమ్‌ అందుబాటులో ఉంటుంది. కోడియాక్ త్రీ జోన్ క్లైమేట్ కంట్రోల్ కలిగి ఉంటుంది. కావున రెండవ వరుసలో టెంపరేచర్ మరియు ఫ్యాన్ స్పీడ్ వంటి వాటిని విడిగా కంట్రోల్ చేయవచ్చు.

ఇది కాకుండా, రెండవ-వరుస ప్రయాణీకులకు ఫిడిల్ చేయడానికి టెక్నాలజీ లేదు. అయితే రెండవ వరుస సీట్లు ప్రత్యేకమైన ఫీచర్‌తో సాంకేతికత లేకపోవడాన్ని భర్తీ చేస్తాయి. స్కోడా కొడియాక్‌లో స్కోడా 'పవర్ నాప్' ప్యాకేజీ అని పిలుస్తుంది. ఇది ప్రాథమికంగా బయటి సీట్ల కోసం ఫోల్డ్-అవుట్/వేరియబుల్ హెడ్‌రెస్ట్‌లతో కూడిన హెడ్‌రెస్ట్‌లను కలిగి ఉంటుంది.

ఈ చేతులు హెడ్‌రెస్ట్ నుండి ముడుచుకుని, నిద్రపోయే ప్రయాణీకుడికి సౌకర్యవంతమైన మద్దతుగా పనిచేస్తాయి. ఈ ప్యాకేజీ సీటు వెనుక భాగంలో అమర్చిన పర్సులో చక్కగా మడతపెట్టబడి ఉంటుంది. మేము 20 నిమిషాల పవర్ న్యాప్‌ ఉపయోగించాము. ఇది నిజంగా చాలా సౌకర్యవంతంగా ఉంది. రెండవ వరుసను 60:40 రేషియోలో ఫోల్డ్ చేయవచ్చు.

ఇక మూడవ వరుస సీట్ల విషయానికి వస్తే, కంపెనీ దీనిని 7-సీటర్ SUVగా అందిస్తోంది. అయితే ఈ మూడవ వరుస సీట్లు పెద్దవారికి అంత సౌకర్యవంతంగా ఉండవు. ఇక్కడ పిల్లలకు చాలా అనుకూలంగా ఉంటుంది. ఇందులో మీకు మంచి బూట్ స్పేస్ లభిస్తుంది. కొడియాక్ ఎలక్ట్రిక్ టెయిల్‌గేట్‌ను కలిగి ఉంది, కావున సెన్సార్ మీద క్లిక్ చేయడం వల్ల బూట్ స్పేస్ బహిర్గతమవుతుంది.

కొడియాక్ లోని అన్ని సీట్లు ఉపయోగించినప్పుడు ఇందులో కేవలం 270 లీటర్ల బూట్ స్పేస్ మాత్రమే లభిస్తుంది. ఆ సమయంలో రెండు క్యాబిన్ బ్యాగ్‌లు మరియు బ్యాక్‌ప్యాక్‌ను ఉంచడానికి సరిపోతుంది. అయితే మూడవ వరుస సీట్లను ఫోల్డ్ చేయడం వల్ల బూట్ స్పేస్ 630 లీటర్ల వరకు పెరుగుతుంది. అయితే ఇందులోని రెండు వరుసల సీట్లను ఫోల్డ్ చేస్తే ఏకంగా 2,005 లీటర్ల బూట్ స్పేస్ లభిస్తుంది. ఇది దాదాపు ఫ్లాట్‌బెడ్‌గా కూడా ఉపయోగించుకోవచ్చు.

ఇందులో క్యూబీహోల్స్ మరియు స్టోరేజ్ స్పేసేస్ కూడా ఎక్కువగానే ఉన్నాయి. బూట్ ఫ్లోర్ కింద స్పేర్ వీల్, టూల్స్, సేఫ్టీ కిట్ మొదలైన వాటికి కొంత స్థలం కూడా ఉంటుంది.

Skoda Kodiaq సేఫ్టీ ఫీచర్స్ మరియు కీ ఫీచర్స్:

2022 స్కోడా కొడియాక్ అద్భుతమైన సేఫ్టీ ఫీచర్స్ మరియు కీ ఫీచర్స్ కలిగి ఉంటుంది. ఇందులోని సేఫ్టీ ఫీచర్స్ విషయానికి వస్తే,

• 9 ఎయిర్‌బ్యాగ్‌లు (స్టాండర్డ్ ఫీచర్‌గా అన్ని వేరియంట్‌లలో ఉంటాయి)
• 360-డిగ్రీ కెమెరా
• పార్క్ అసిస్ట్
• మల్టి-కొలీషియన్ బ్రేక్
• ట్రాక్షన్ కంట్రోల్ సిస్టమ్/యాంటీ స్లిప్ రెగ్యులేషన్
• యాంటీ-లాక్ బ్రేకింగ్ సిస్టమ్
• రోల్ ఓవర్ ప్రొటెక్షన్
• మోటార్ స్లిప్ రెగ్యులేషన్
• ఎలక్ట్రానిక్ డిఫరెన్షియల్ లాకింగ్ సిస్టమ్



కీ ఫీచర్స్:

క్రిష్టలిన్ ఎల్ఈడి హెడ్‌ల్యాంప్‌లు

పవర్డ్ టెయిల్‌గేట్

ఎలక్ట్రికల్‌ అడ్జస్టబుల్ ఫ్రంట్ సీట్లు

8.0 ఇంచెస్ టచ్‌స్క్రీన్ ఇన్ఫోటైన్‌మెంట్

12.25 ఇంచెస్ TFT ఇన్‌స్ట్రుమెంటేషన్

కాంటన్ 12-స్పీకర్, 625W సౌండ్ సిస్టమ్

ఆఫ్-రోడ్ మోడ్

డైనమిక్ చాసిస్ కంట్రోల్

పవర్ నాప్ ప్యాకేజీ

మైస్కోడా కనెక్ట్

స్టీరింగ్-మౌంటెడ్ కంట్రోల్స్



2022 Skoda Kodiaq వేరియంట్స్ & ప్రైస్:

2022 స్కోడా కొడియాక్ మూడు వేరియంట్‌లలో అందుబాటులో ఉంది. అవి స్టైల్, స్పోర్ట్‌లైన్ మరియు లారిన్ & క్లెమెంట్ వేరియంట్స్. ఇక ధరల విషయానికి వస్తే..

1. స్టైల్ - రూ. 34.99 లక్షలు
2. స్పోర్ట్‌లైన్ - రూ. 35.99 లక్షలు
3. లారిన్ & క్లెమెంట్ - రూ. 37.49 లక్షలు



డ్రైవ్‌స్పార్క్ అభిప్రాయం:

దేశీయ మార్కెట్లో విడుదలైన కొత్త స్కోడా కొడియాక్ ఆధునిక ఫీచర్స్ కలిగిన అధునాతన SUV. ఈ కొత్త కారియో యొక్క ఆన్-రోడ్ ధర రూ. 40 లక్షల కంటే ఎక్కువగా ఉన్నప్పటికీ, మీరు వెచ్చించే డబ్బుకు తప్పకుండా అన్ని సదుపాయాలను తప్పకుండా పొందుతారు.

ఒక్క మాటలో కొత్త స్కోడా కొడియాక్ యొక్క డ్రైవింగ్ మమ్మల్ని ఎంతగానో ఆకట్టుకుంది. మీరు కూడా ఈ కొత్త సమత్సరంలో ఒక కొత్త కారు కొనాలని వేచి చూస్తున్నట్లైతే స్కోడా యొక్క కొడియాక్ మీకు మంచి ఎంపిక అవుతుంది.