Just In
- 6 hrs ago 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- 6 hrs ago ఇలా చేయడం కరెక్టేనా? తప్పో.. ఒప్పో మీరే చెప్పాలి - వీడియో
- 7 hrs ago నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- 8 hrs ago సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
Don't Miss
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Sports Rishabh Pant: నోకియా వల్ల కాదు.. అదే మా కొంపముంచింది
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Movies కరీనా కపూర్ పోలిటికల్ ఎంట్రీ!.. ఏ పార్టీలో చేరి.. ఎక్కడ నుంచి పోటీ అంటే?
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
టాటా ఆల్ట్రోజ్ ఐ-టర్బో పెట్రోల్ ఫస్ట్ డ్రైవ్ రివ్యూ వచ్చేసింది.. ఓ లుక్కేయండి
భారత మార్కెట్లో టాటా మోటార్స్ తమ మొట్టమొదటి ప్రీమియం హ్యాచ్బ్యాక్, ఆల్ట్రోజ్ను 2020 జనవరిలో ప్రవేశపెట్టింది. ఇప్పుడు ఒక సంవత్సరం తరువాత, కంపెనీ తన హ్యాచ్బ్యాక్ యొక్క మరింత శక్తివంతమైన మరియు స్పోర్టియర్ వెర్షన్ "ఐ- టర్బో"ను మార్కెట్లోకి తీసుకురావడానికి సిద్ధంగా ఉంది.
టాటా ఆల్ట్రోజ్ ఐ-టర్బో చాలా ఆకర్షణీయంగా కనిపిస్తుంది. దేశీయ మార్కెట్లో టర్బో-పెట్రోల్ మోడళ్లకు క్రమంగా పెరుగుతున్న డిమాండ్ను తీర్చడానికి టాటా మోటార్స్ ఈ ఐ-టర్బో వెర్షన్ ని తీసుకురానుంది.
టాటా ఆల్ట్రోజ్లో టర్బో-పెట్రోల్ పవర్ట్రైన్ కొత్తది కావచ్చు, అయితే ఈ ప్రీమియం హ్యాచ్బ్యాక్ అందుకున్న పెద్ద నవీకరణ ఇది మాత్రమే కాదు. కొత్త టాటా ఆల్ట్రోజ్ ఐ-టర్బో హ్యాచ్బ్యాక్ ఇప్పుడు అనేక కొత్త ఫీచర్లు, పరికరాలు, డ్రైవింగ్ మోడ్లు మరియు కనెక్టెడ్ టెక్నాలజీలను కలిగి ఉంది.
మేము ఇటీవల టాటా ఆల్ట్రోజ్ ఐ-టర్బో పెట్రోల్ హ్యాచ్బ్యాక్ను డ్రైవ్ చేసాము. ఇది నిజంగా మమ్మల్ని చాలా ఆకట్టుకుంది. ఈ కొత్త టాటా ఆల్ట్రోజ్ ఐ-టర్బో పెట్రోల్ గురించి పూర్తి సమాచారం ఈ రివ్యూ ద్వారా తెలుసుకుందాం.. రండి.
డిజైన్ మరియు స్టైలింగ్ :
కొత్త టాటా ఆల్ట్రోజ్ ఐ-టర్బోలోని బాహ్య రూపకల్పన మరియు స్టైలింగ్ మార్పులను గమనించినట్లయితే, ఈ ఐ-టర్బో వెర్షన్ దాదాపుగా పెద్ద మార్పులకు గురి కాలేదని తెలుస్తుంది. ఇది మునుపటి మోడల్ యొక్క అదే ఫీచర్స్ మరియు పరికరాలతో వస్తుంది.
కొత్త ఐ-టర్బో మోడల్లో చూడగలిగే రెండు ప్రధాన మార్పులు, బూట్-లిడ్ యొక్క కుడి దిగువ భాగంలో ‘ఐ-టర్బో' బ్యాడ్జింగ్ను చేర్చడం, మరియు ‘హార్బర్ బ్లూ' అనే కొత్త పెయింట్ స్కీమ్ను ప్రవేశపెట్టడం. ఇవి ప్రీమియం హ్యాచ్బ్యాక్ స్టైలింగ్కు నిజంగా సరిపోతుంది.
పైన పేర్కొన్న మార్పులు కాకుండా, టాటా ఆల్ట్రోజ్ ఐ-టర్బో అదే స్టైలింగ్ మరియు డిజైన్ అంశాలను ముందుకు తీసుకువెళుతోంది. అంతే కాకూండా ఇది బ్రాండ్ యొక్క లేటెస్ట్ ‘ఇంపాక్ట్ 2.0' డిజైన్ ఫిలాసఫీని కలిగి ఉంది.
ప్రీమియం హ్యాచ్బ్యాక్ ముందు భాగంలో ప్రొజెక్టర్ యూనిట్లతో లాంగ్ స్వెప్టుబ్యాక్ హెడ్ల్యాంప్ ఉంటుంది. ఇంటిగ్రేటెడ్ ఎల్ఈడీ, డేటైమ్ రన్నింగ్ లైట్స్ (డిఆర్ఎల్) ఫాగ్ లాంప్ క్రింద బంపర్ పైభాగంలో ఉంచబడతాయి. మధ్య భాగంలో లార్జ్ ఎయిర్ ఇంటేక్ ఉంటుంది.
టాటా ఆల్ట్రోజ్ ఐ-టర్బో యొక్క సైడ్ ప్రొఫైల్ మరియు రియర్ ప్రొఫైల్ కూడా ఎటువంటి మార్పులు చెందకుండా ఒకే రూపకల్పన అంశాలను కలిగి ఉంది. ఇందులో 16 ఇంచెస్ డ్యూయల్-టోన్ అల్లాయ్ వీల్స్, బ్లాక్-అవుట్ ORVM లు, రియర్ డోర్ హ్యాండిల్ వద్ద ముగిసే కొద్దిగా పైకి లేచిన విండో లైన్, సి-పిల్లర్ వద్ద ఉంచబడ్డాయి. డోర్స్ ఫుల్ 90 డిగ్రీల వరకు ఓపెన్ చేయడానికి అనుకూలంగా ఉంటాయి. కావున ప్రయాణీకులకు సులభంగా లోపలి వెళ్లడానికి అనుమతిస్తుంది.
రియర్ ప్రొఫైల్ విషయానికి వస్తే, ఇందులో స్లీక్ టైల్ లైట్స్ వాటి బ్లాక్ హైలెట్స్ ఉంటాయి. బూట్ యొక్క మధ్య భాగంలో క్రోమ్తో పూర్తయిన ‘ఆల్ట్రోజ్' బ్యాడ్జింగ్ కూడా ఇక్కడ కనిపిస్తుంది. వెనుక భాగంలో ఎల్ఈడీ స్ట్రిప్తో కూడిన చిన్న రూప్ మౌంటెడ్ స్పాయిలర్ ఉంది, ఇది హ్యాచ్బ్యాక్ యొక్క స్పోర్ట్నెస్కు మరింత సహకరిస్తుంది.
టాటా ఆల్ట్రోజ్ భారత మార్కెట్లో మంచి స్టైలిష్ ప్రీమియం హ్యాచ్బ్యాక్ ఆఫర్గా ఉంది. ఇప్పుడు కూడా ఈ ఐ-టర్బో అదే రూపకల్పనను కొనసాగిస్తుంది. ఒక్క మాటలో చెపాప్లంటే ఇందులో కొత్త బ్యాడ్జింగ్ మరియు హార్బర్ బ్లూ పెయింట్ స్కీమ్ మినహా ఎటువంటి మార్పులు లేవనే చెప్పాలి.
ఇంటీరియర్స్, ఫీచర్స్ మరియు ప్రాక్టికాలిటీ :
కొత్త టాటా ఆల్ట్రోజ్ ఐ-టర్బో యొక్క ఇంటీరియర్ విషయానికి వస్తే, ఇది కూడా మళ్లీ మునుపటిలాగే కొన్ని లేఅవుట్లతో ముందుకు సాగుతూనే ఉంది. ఇందులో కొత్త డ్యూయల్-టోన్ బ్లాక్ మరియు లైట్ గ్రే కలర్ క్యాబిన్ను ప్రవేశపెట్టింది.
ఆల్ట్రోజ్ ఐ-టర్బోలోని డాష్బోర్డ్ మునుపటి మాదిరిగానే అదే లేఅవుట్ను కలిగి ఉంది, కానీ ఇప్పుడు చుట్టూ సాఫ్ట్-టచ్ మెటీరియల్లలో పూర్తయింది. ఇది కొత్త లెథర్ సీట్ అపోల్స్ట్రే ని కలిగి ఉంటుంది. టాటా ఆల్ట్రోజ్ ఐ-టర్బో కూడా చుట్టుపక్కల లైటింగ్ ని కూడా కలిగి ఉంది. ఇది హ్యాచ్బ్యాక్లో మొత్తం ప్రీమియం అనుభూతిని కలిగిస్తుంది.
టాటా మోటార్స్ ఆల్ట్రోజ్ ఐ-టర్బో ఇప్పుడు ‘ఎక్స్ప్రెస్ కూల్' తో పరిచయం చేయబడింది. ఈ కొత్త ఫీచర్ క్యాబిన్ను మునుపటి కంటే 70 శాతం వేగంగా చల్లబరుస్తుంది. ఇందులో ఉన్న మరో మార్పు ఏమిటంటే మ్యూజిక్ సిస్టమ్లో రెండు ట్వీటర్లను చేర్చడం, ఇది క్యాబిన్ లోపల మొత్తం ఆడియో క్యాలిటీని పెంచుతుంది.
టాటా ఆల్ట్రోజ్ ఐ-టర్బో యొక్క టాప్-స్పెక్ వేరియంట్లు కూడా వేరబుల్ కీతో వస్తాయి. వేరబుల్ కీ అనేది వాచ్ లాంటి కీ. ఆల్ట్రోజ్కు కనెక్ట్ అయిన తర్వాత ఈ వాచ్ లాంటి కీని డోర్ హ్యాండిల్కు దగ్గరగా తీసుకెళ్లినప్పుడు హ్యాచ్బ్యాక్ను లాక్ / అన్లాక్ చేయడానికి ఉపయోగించవచ్చు.
ఏదేమైనా, కొత్త టాటా ఆల్ట్రోజ్ ఐ-టర్బో యొక్క ఇంటీరియర్లకు చాలా ముఖ్యమైన బ్రాండ్ యొక్క కొత్త ఐఆర్ఎ టెక్నాలజీ ద్వారా కనెక్ట్ చేయబడిన ఫీచర్ కూడా పరిచయం చేయబడింది. ఆల్ట్రోజ్ ఐ-టర్బోలోని కొత్త టెక్నాలజీని ‘కనెక్ట్ నెక్స్ట్' అనే స్పెషల్ యాప్ ద్వారా స్మార్ట్ఫోన్కు కనెక్ట్ చేయవచ్చు. ఇది రిమోట్ లాక్ / అన్లాక్, రిమోట్ హార్న్ మరియు డిస్టెన్స్ టు ఎంప్టీ చెక్ వంటి అనేక అదనపు కార్యాచరణలను వినియోగించడానికి వినియోగదారులను అనుమతిస్తుంది.
వెహికల్ సేఫ్టీ విషయానికి వస్తే, ఇందులో లైవ్ వెహికల్ డయాగ్నస్టిక్స్ మరియు ఇతర లొకేషన్ బేస్డ్ సర్వీస్ వంటి ఇతర ఫీచర్స్ ను ఐఆర్ఎ టెక్నాలజీ అందిస్తుంది. ఆల్ట్రోజ్ ఐ-టర్బోలోని 7 ఇంచెస్ టచ్స్క్రీన్ ఇన్ఫోటైన్మెంట్ సిస్టమ్ వాయిస్ అసిస్ట్ తో వస్తుంది, ఇది ఇంగ్లీష్, హిందీ మరియు హింగ్లిష్ భాషలలో 70 కి పైగా ఆదేశాలను అర్థం చేసుకోగలదు.
టాటా మోటార్స్ ఆల్ట్రోజ్ ఐ-టర్బోను కొత్త ‘వాట్ -3-వర్డ్స్' ఫీచర్తో పరిచయం చేయబడింది. ఇది నావిగేషన్ ఫంక్షన్తో పాటు డెస్టినేషన్ వంటివాటిని కనుగొనడంలో సహాయపడుతుంది.
పైన పేర్కొన్న ఫీచర్స్ తో పాటు టాటా ఆల్ట్రోజ్ ఐ-టర్బో స్టాండర్డ్ మోడల్ నుండి అన్ని ఇతర పరికరాలను కూడా కలిగి ఉంది. ఇందులో ఆటోమేటిక్ క్లైమేట్ కంట్రోల్, సెమీ డిజిటల్ ఇన్స్ట్రుమెంట్ క్లస్టర్, రియర్ ఎసి వెంట్స్, మౌంట్ కంట్రోల్స్తో ఫ్లాట్-బాటమ్ స్టీరింగ్ వీల్ వంటివి మరెన్నో ఉన్నాయి.
టాటా ఆల్ట్రోజ్ ఐ-టర్బోలో క్రొత్త ఫీచర్లు మరియు పరికరాల హోస్ట్ కాకుండా, మిగతావన్నీ మారవు. ఆల్ట్రోజ్ ముందు మరియు వెనుక ప్రయాణీకులకు మంచి స్థలాన్ని అందిస్తూనే ఉంది. ముందు సీట్లు రిలాక్స్డ్ మరియు సౌకర్యవంతమైన డ్రైవింగ్ పొజిషన్ను అందిస్తాయి.
ఆల్ట్రోజ్ విస్తృతంగా ఉంటుంది. ఇది 1755 మిమీ వెడల్పు ఉండటం వల్ల పుష్కలమైన స్థలాన్ని అందిస్తుంది. అయితే, వెనుక వైపున ఉన్న పొడవైన ప్రయాణీకులు హెడ్రూమ్ మరియు లెగ్రూమ్తో కొంచెం కష్టపడతారు. వెనుక సీట్లు సెంట్రల్ ఫోల్డబుల్ ఆర్మ్రెస్ట్ తో ఇద్దరు వ్యక్తులకు చాలా సౌకర్యంగా సరిపోతుంది.
టాటా ఆల్ట్రోజ్ ఐ-టర్బో మునుపటి మాదిరిగానే స్టోరేజ్ స్పేస్ కలిగి ఉంటుంది. ఇందులో ముందు భాగంలో 15 లీటర్ కూల్డ్ గ్లోవ్బాక్స్, నాలుగు డోర్స్ పై క్యూబి స్పేసేస్ మరియు సెంటర్ కన్సోల్ దగ్గర అదర్ కప్ హోల్డర్లు ఉన్నాయి. ఐ-టర్బోలో మునుపటిలాగే 345 లీటర్ బూట్ స్పేస్ కూడా ఉంది. ఎక్కువ లగేజ్ స్పేస్ అవసరమైనప్పుడు విస్తరించుకోవచ్చు.
ఇంజిన్ పర్ఫామెన్స్:
ఇప్పుడు టాటా ఆల్ట్రోజ్ యొక్క ఇంజిన్ విషయానికి వస్తే, ఇది నెక్సాన్లో కనిపించే అదే 1.2-లీటర్ టర్బోచార్జ్డ్ పెట్రోల్ ఇంజిన్తో పనిచేస్తుంది. ఏదేమైనా, ప్రీమియం హ్యాచ్బ్యాక్లోని ఇంజిన్ డి-ట్యూన్ చేయబడింది. ఇప్పుడు ఇంజిన్ 108 బిహెచ్పి పవర్ మరియు 140 ఎన్ఎమ్ పీక్ టార్క్ ఉత్పత్తి చేస్తుంది. ఇది 5-స్పీడ్ మాన్యువల్తో జతచేయబడింది.
Tata Altroz | i-Turbo | Petrol | Diesel |
Displacement | 1199cc | 1199cc | 1497cc |
Power | 108bhp | 84bhp | 88bhp |
Torque | 140Nm | 113Nm | 200Nm |
Transmission | 5MT | 5MT | 5MT |
ఆల్ట్రోజ్ ఐ-టర్బోలోని 1.2-లీటర్ మూడు-సిలిండర్ టర్బో-పెట్రోల్ ఇంజన్ 5500 ఆర్పిఎమ్ వద్ద 108 బిహెచ్పి మరియు 1500 - 5500 ఆర్పిఎమ్ మధ్య 140 ఎన్ఎమ్ పీక్ టార్క్ ఉత్పత్తి చేస్తుంది. ఇది స్టాండర్డ్ 5 స్పీడ్ మాన్యువల్ గేర్బాక్స్తో జతచేయబడుతుంది.
టర్బోచార్జ్డ్ పెట్రోల్ ఇంజన్ మునుపటి కంటే ఎక్కువ స్పోర్టిగా అనిపిస్తుంది. ఇంజిన్ ప్రారంభం నుండి మంచి శక్తిని అందిస్తుంది. ఆల్ట్రోజ్ ఐ-టర్బోలో రెండు డ్రైవింగ్ మోడ్లు ఉన్నాయి. అవి సిటీ మరియు స్పోర్ట్ మోడ్. సిటీ మోడ్ మరింత లీనియర్ పవర్ డెలివరీని అందిస్తుండగా, స్పోర్ట్ మోడ్ వెంటనే శక్తిని అందిస్తుంది. స్పోర్ట్ మోడ్ పదునైన త్రొటెల్ రెస్పాన్స్ ను అందిస్తుంది, టాటా మోటార్స్ స్పోర్ట్ మోడ్లో 20 నుండి 30 శాతం ఎక్కువ టార్క్ డెలివరీని అందిస్తుందని కంపెనీ పేర్కొంది.
సస్పెన్షన్ మరియు హ్యాండ్లింగ్ :
ఆల్ట్రాజ్ ఐ-టర్బోలో స్టీరింగ్ మరియు సస్పెన్షన్ సెటప్కు స్వల్ప నవీకరణలు చేసినట్లు టాటా మోటార్స్ పేర్కొంది. అయితే ఇందులో గుర్తించదగిన పెద్ద తేడా అయితే లేదు. ఆల్ట్రోజ్ ఎల్లప్పుడూ మంచి హ్యాండ్లింగ్ కారు, కొత్త ఐ-టర్బో మోడల్ కూడా అదే ఆఫర్ను అందిస్తూనే ఉంది.
కొత్త టాటా ఆల్ట్రోజ్ ఐ-టర్బోపై సస్పెన్షన్ మరియు బ్రేకింగ్ చాలా అనుకూలంగా ఉంటుంది. సస్పెన్షన్ సెటప్ అన్ని అన్డ్యులేషన్స్, గుంతలు మరియు స్పీడ్ బ్రేకర్లను సులభంగా నిర్వహిస్తుంది. ఐ-టర్బోలో బ్రేకింగ్ చాలా షార్ప్ గా ఉండటం వల్ల మంచి రెస్పాన్స్ ఉంటుంది. ఒక్క మాటలో చెప్పాలంటే బ్రేకింగ్ సెటప్ చాలా అద్భుతంగా ఉంటుంది.
వేరియంట్స్, కలర్స్ మరియు ధర:
టాటా ఆల్ట్రోజ్ ఐ-టర్బో మోడల్ హై-స్పెక్ వేరియంట్లలో మాత్రమే లభిస్తుంది. ఎక్స్టి, ఎక్స్జెడ్ మరియు ఎక్స్జెడ్ ప్లస్ అనేవి ఐ టర్బో యొక్క మూడు వేరియంట్లు. ఐ-టర్బో యొక్క మూడు వేరియంట్లు, కొత్త ‘హార్బర్ బ్లూ' పెయింట్ స్కీమ్ తో సహా మల్టిపుల్ కలర్ అప్సన్స్ లో కూడా అందించబడతాయి. ఇందులో హై-స్ట్రీట్ గోల్డ్, డౌన్టౌన్ రెడ్, మిడ్టౌన్ గ్రే మరియు అవెన్యూ వైట్ కలర్స్ ఉన్నాయి.
భారతదేశంలో స్టాండర్డ్ టాటా ఆల్ట్రోజ్ ప్రీమియం హ్యాచ్బ్యాక్ ధర రూ. 5.44 లక్షల నుండి రూ. 9.09 లక్షల మధ్య ఉంటుంది. కొత్త ఆల్ట్రోజ్ ఐ-టర్బో వేరియంట్ల ధరలు ఇంకా ప్రకటించలేదు. అయితే దీని ధర రూ. 10 లక్షల వరకు వుండే అవకాశం ఉందని మేము భావిస్తున్నాము. టాటా మోటార్స్ తన ఆల్ట్రోజ్ ఐ-టర్బో మోడల్ ధరను 2021 జనవరి 22 న అధికారికంగా ప్రకటించనుంది.
టాటా ఆల్ట్రోజ్ ఐ-టర్బో మోడల్ కొత్త హ్యుందాయ్ ఐ 20 మరియు వోక్స్వ్యాగన్ పోలో జిటి టిఎస్ఐ వంటి వాటికి ప్రత్యర్థిగా ఉంటుంది. ఈ రెండూ టర్బోచార్జ్డ్ పెట్రోల్ ఇంజన్లను కలిగి ఉంటాయి. అయితే ప్రీమియం హ్యాచ్బ్యాక్ విభాగంలో మారుతి సుజుకి బాలెనో మరియు టయోటా గ్లాంజా వంటి వాటికి ప్రత్యర్థిగా ఉండే అవకాశం ఉంది.
Specification | Tata Altroz i-Turbo | Hyundai i20 Turbo | VW Polo GT TSI |
Displacement | 1199cc | 998cc | 998cc |
Power | 108bhp | 118bhp | 108bhp |
Torque | 140Nm | 172Nm | 175Nm |
Transmission | 5MT | 6iMT / 7DCT | 6AT |
Starting Price (Ex-Showroom) | NA | ₹8.80 Lakh | ₹9.67 Lakh |
డ్రైవ్స్పార్క్ అభిప్రాయం :
టాటా మోటార్స్ యొక్క కొత్త ఆల్ట్రోజ్ ఐ-టర్బో భారత మార్కెట్లో సౌకర్యవంతమైన, స్టైలిష్ మరియు ప్రీమియం సమర్పణగా ప్రసిద్ది చెందింది. ఇప్పుడు ఐ-టర్బో మోడల్ను చేర్చడంతో, ఆల్ట్రోజ్ దానికి మరింత స్పోర్ట్నెస్ను పెంచుతుంది.
5 స్పీడ్ మాన్యువల్ గేర్బాక్స్తో శక్తివంతమైన ఇంజన్ అద్భుతమైన డ్రైవ్ను అందిస్తుంది. ఇది ఆల్ట్రోజ్ 5 స్టార్ గ్లోబల్ NCAP సేఫ్టీ రేటింగ్తో కలిపి, ఖచ్చితంగా చాలా ఆకర్షణీయమైన మోడల్గా చేస్తుంది. ఆల్ట్రోజ్ ఐ-టర్బో ధర రాబోయే రోజుల్లో ప్రకటించబడుతుందని భావిస్తున్నారు.