Just In
- 27 min ago 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- 48 min ago ఇలా చేయడం కరెక్టేనా? తప్పో.. ఒప్పో మీరే చెప్పాలి - వీడియో
- 2 hrs ago నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- 3 hrs ago సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
Don't Miss
- News తెలంగాణ జెన్కో, ఏఈ, కెమిస్ట్ ఉద్యోగ పరీక్ష వాయిదా
- Sports Tilak Varma:అతని కోసమే ఆ సంబరాలు! వీడియో
- Movies The Goat Life Collections ఆడుజీవితం భారీ ఓపెనింగ్స్.. పృథ్వీరాజ్ సుకుమారన్కు ఎన్ని కోట్ల కలెక్షన్లంటే?
- Technology 6.67 అంగుళాల డిస్ప్లే, ట్రిపుల్ కెమెరాతో వివో కొత్త ఫోన్... లాంచ్, స్పెసిఫికేషన్ల వివరాలు..!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
Tata Tiago CNG రివ్యూ.. వచ్చేసింది: ఇక మీదే ఆలస్యం.. చూసెయ్యండి!!
ఇంధన ధరలు రోజురోజుకి అమాంతం పెరుగుతూనే ఉన్నాయి. ఈ ధరలు ఇప్పటిలో తగ్గే సూచనలు కనిపించడం లేదు. అయితే పెరుగుతున్న ఇంధన ధరలు సామాన్య ప్రజలపైన ఎక్కువ భారాన్ని మోపుతున్నాయి. ఈ తరుణంలో ఎక్కువమంది ఇంధన (పెట్రోల్ & డీజిల్) వాహనాలకు ప్రత్యామ్నాయాలను చూస్తున్నారు.
ఇందులో భాగంగానే డీజిల్ మరియు పెట్రోల్ వాహనాలను బదులుగా ఎలక్ట్రిక్ మరియు CNG వాహనాలు అందుబాటులోకి వస్తున్నాయి. అయితే ప్రస్తుతం CNG వాహనాల డిమాండ్ భారీగానే ఉంది. ఈ కారణంగానే కంపెనీలు కూడా తమ వాహనాలను CNG వేరియంట్లో తీసుకువస్తున్నాయి.
ఇప్పుడు దేశీయ వాహన తయారీ సంస్థ అయిన టాటా మోటార్స్ (Tata Motors) దేశీయ మార్కెట్లో CNG వాహనాలను పెరుగుతున్న డిమాండ్ను తీర్చడానికి ముందుకు వచ్చింది. ఇందులో భాగంగానే టాటా టియాగో మరియు టాటా టిగోర్ iCNG మోడళ్లను అనేక వేరియంట్లలో విడుదల చేసింది.
ఇటీవల మేమ టాటా టియాగో iCNG టాప్-స్పెక్ వేరియంట్ డ్రైవ్ చేసాము. కావున ఈ కొత్త CNG కారు యొక్క డిజైన్, ఫీచర్స్ మరియు ఇంజిన్ పర్ఫామెన్స్ వంటి మరిన్ని వివరాలను ఈ రివ్యూ ద్వారా తెలుసుకుందాం.. రండి.
టాటా టియాగో i-CNG డిజైన్ మరియు స్టైల్:
టాటా మోటార్స్ యొక్క టాటా టియాగో iCNG మోడల్ దాదాపుగా దాని స్టాండర్డ్ పెట్రోల్ వేరియంట్ మాదిరిగానే ఉంటుంది. ఈ కొత్త CNG మోడల్ లో పెద్ద మార్పులు కనిపించవు. అయితే మంచి డిజైన్ కలిగి ఉండి, కొత్త కలర్ ఆప్సన్ పొందుతుంది. దీనిని మిడ్నైట్ ప్లం అని పిలుస్తారు మరియు డార్క్ ప్లం షేడ్. ప్రత్యక్ష కాంతి లేనప్పుడు ఇది దాదాపు నలుపు రంగులో కనిపిస్తుంది.
ఈ టాటా టియాగో i-CNG యొక్క ముందువైపు స్వెప్ట్ బ్యాక్ హెడ్ల్యాంప్లు ఉన్నాయి. మేము టాప్-స్పెక్ ZX+ డ్యూయల్-టోన్ వేరియంట్ను డ్రైవ్ చేసాము. ఇది ప్రొజెక్టర్ హెడ్ల్యాంప్ యూనిట్లను కలిగి ఉంది. లో బీమ్ ప్రొజెక్టర్ ద్వారా నిర్వహించబడుతుంది, అయితే లో బీమ్ హెడ్ల్యాంప్ యొక్క రిఫ్లెక్టర్ బిట్ను ఉపయోగించి పనిచేస్తుంది.
ఈ కారు యొక్క మధ్యలో టాటా యొక్క సిగ్నేచర్ ట్రై-యారో షేప్ బ్లాక్-అవుట్ గ్రిల్ ఉంది. ఫ్రంట్ ఎండ్లో చాలా క్రోమ్ ఉంది, అదే సమయంలో గ్రిల్పై ట్రై-యారో ఎలిమెంట్స్ అలాగే టాటా లోగో క్రోమ్లో పూర్తి చేయబడ్డాయి. గ్రిల్ పైన పియానో బ్లాక్లో పూర్తి చేసిన ప్లాస్టిక్ స్ట్రిప్ ఉంది.
దిగువ బంపర్లో రెండు వైపులా ఫాగ్ ల్యాంప్లు మరియు ఇన్వర్టెడ్-L షేప్ DRL లు ఉన్నాయి. సైడ్ ప్రొఫైల్ నుండి చూసినప్పుడు మీ దృష్టిని చక్రాలు ఎంతగానో ఆకర్షిస్తాయి. ఇది 14 ఇంచెస్ వీల్స్ పై నడుస్తుంది. ఇందులోని వీల్ క్యాప్ క్వాలిటీ సరైన అల్లాయ్ వీల్స్గా కనిపించేలా చేయడానికి సరిపోతుంది.
టాటా టియాగో iCNG బ్లాక్డ్ అవుట్ రూఫ్, స్పాయిలర్ మరియు ORVMలను కలిగి ఉంది. అదేవిధంగా వెనుక వైపున, హ్యాచ్బ్యాక్ అవుట్గోయింగ్ మోడల్ వలె అదే డిజైన్ మరియు స్టైలింగ్ను కలిగి ఉంది. ఇది ఇంటిగ్రేటెడ్ స్టాప్ ల్యాంప్తో కూడిన స్పాయిలర్ను కలిగి ఉంది.
టాటా లోగో మరియు టియాగో బ్యాడ్జింగ్ ఇక్కడ చూడవచ్చు. టియాగో బ్యాడ్జ్ కింద రివర్స్ పార్కింగ్ కెమెరా ఉంది. ఈ కెమెరా బాడీ నుండి బయటకు వస్తుంది, కావున ఇది డిజైన్ నుండి కొంత నీట్నెస్ను తీసివేస్తుంది. టెయిల్గేట్ మందపాటి క్రోమ్ స్ట్రిప్ను పొందుతుంది, అది కొంత ప్రీమియం అనుభూతిని జోడిస్తుంది. బంపర్ చక్కగా మరియు చంకీగా ఉంటుంది మరియు దాని లోపల మాట్ బ్లాక్ ఇన్సర్ట్ను కలిగి ఉంటుంది. వెనుకవైపు iCNG బ్యాడ్జింగ్ ఉంది, ఇది దాని స్టాండర్డ్ మోడల్ నుంచి వేరుచేయడానికి ఉపయోగపడుతుంది.
కొత్త టాటా టియాగో మొత్తం మీద, మంచి స్టైలింగ్ పొందుతుంది. కావున ఇది వాహన కొనుగోలుదారులను ఆకర్షించడంలో సహాయపడుతుంది. అదే సమయంలో ఇది కంపెనీ యొక్క అమాంకాలను మెరుగుపరచడంలో ఎంతగానో తోడ్పడుతుంది.
టాటా టియాగో i-CNG కాక్పిట్ & ఇంటీరియర్:
కొత్త టాటా టియాగో iCNG మోడల్ దాని సెగ్మెంట్లోని అత్యంత విశాలమైన వాహనాలలో ఒకటి. ఇది బ్లాక్ మరియు బీజ్ అనే డ్యూయల్-టోన్ ఇంటీరియర్ స్కీమ్ను కలిగి ఉంది. డ్యాష్బోర్డ్ పైభాగం బ్లాక్ కలర్ లో ఉంటుంది, అదేవిధంగా దిగువ భాగం మరియు సెంటర్ కన్సోల్ బీజ్ కలర్ లో పూర్తి చేయబడింది.
టియాగో iCNG పియానో బ్లాక్ ఫినిషింగ్ పొందుతుంది. ఇందులోని AC వెంట్స్ మరియు ఇన్స్ట్రుమెంట్ బినాకిల్ క్రోమ్ సరౌండ్లను పొందుతాయి. డ్యాష్బోర్డ్లో సెంటర్ స్టేజ్ లో 7.0-ఇంచెస్ టచ్స్క్రీన్ ఇన్ఫోటైన్మెంట్ సిస్టమ్ ఉంది. ఇది ఆండ్రాయిడ్ ఆటో మరియు యాపిల్ కార్ప్లేతో పూర్తయింది. అయితే, ఈ ఫీచర్లను ఉపయోగించడానికి ఫోన్ USB స్లాట్ ద్వారా సిస్టమ్కు కనెక్ట్ చేయబడాలి.
హర్మాన్ నుండి ప్రీమియం 8-స్పీకర్ ఆడియో సిస్టమ్ ద్వారా సౌండ్ రీప్రొడ్యూస్ చేయబడుతుంది. స్పీకర్ల నుండి వచ్చే సౌండ్ బ్యాలెన్స్గా మరియు పవర్ ఫుల్ గా ఉంటుంది. ఆండ్రాయిడ్ ఆటో మరియు యాపిల్ కార్ప్లే వంటి వాటిని బ్లూటూత్ ద్వారా కూడా సిస్టమ్కి కనెక్ట్ చేయవచ్చు. ఫోన్ను కనెక్ట్ చేయడం చాలా సులభమైన ప్రక్రియ. మీరు దానిని USB కేబుల్ ద్వారా సిస్టమ్కి కనెక్ట్ చేసి, Android Autoని ఉపయోగిస్తే, ఫోన్ ఆటొమ్యాటిక్ గా బ్లూటూత్ సిస్టమ్తో జత చేయబడుతుంది.
టచ్స్క్రీన్ క్రింద కొన్ని ముఖ్యమైన బటన్లు ఉన్నాయి. వాటిలో ఒకటి ఫాగ్ ల్యాంప్ను ఆన్ లేదా ఆఫ్ చేస్తుంది, మరొకటి కారు డోర్లను లాక్/అన్లాక్ చేస్తుంది. అయితే ఇందులోని అత్యంత ముఖ్యమైనది CNG బటన్, ఇది డ్రైవర్ పెట్రోల్ మరియు CNG ఇంధనాల మధ్య మారడానికి సహాయపడుతుంది.
ఈ బటన్ల క్రింద, డాష్బోర్డ్ యొక్క లేత గోధుమరంగు భాగం ప్రారంభమవుతుంది, అదేవిధంగా సెంటర్ కన్సోల్కు దారి తీస్తుంది. క్లైమేట్ కంట్రోల్ కోసం కంట్రోల్ ప్యానెల్ ఇక్కడ ఉంది. టెంపరేచర్ మరియు ఫ్యాన్ వేగానికి మార్పులు రోటరీ నాబ్ల ద్వారా చేయవచ్చు. రోటరీ నాబ్ల మధ్య మొదట స్క్రీన్ లాగా కనిపించే ఖాళీ ఉంది. ఇది వాస్తవానికి ఎటువంటి ప్రయోజనం లేని బ్లాక్ స్పేస్.
టెంపరేచర్, ఫ్యాన్ స్పీడ్ మరియు ఎయిర్ సర్క్యులేషన్ వంటి వాటికి సంబంధించిన సమాచారాన్ని ప్రదర్శించే చిన్న LCD స్క్రీన్ని ఇక్కడ ఉంచాలి. కానీ ఈ సమాచారం ఇప్పుడు మెయిన్ 7-ఇంచెస్ స్క్రీన్లో ప్రదర్శించబడుతుంది మరియు ఇది ఆపరేట్ చేయడం చాలా గందరగోళంగా ఉంటుంది. క్లైమెంట్ కంట్రోల్ లో మార్పులు చేయడానికి మీరు టచ్స్క్రీన్ని కూడా ఉపయోగించవచ్చు.
సెంటర్ కన్సోల్లో కొంచెం దిగువన, గేర్ లివర్కు ముందు మీ ఫోన్ని స్టోర్ చేయడానికి క్యూబీహోల్ ఉంది. అదే విధంగా గేర్ లివర్ వెనుక రెండు కప్ హోల్డర్లు ఉన్నాయి మరియు దాని వెనుక మరొక క్యూబీహోల్ ఉంది.
టాటా టియాగో iCNG ఇన్ఫోటైన్మెంట్ కోసం స్టీరింగ్-మౌంటెడ్ కంట్రోల్స్ తో ఫ్లాట్-బాటమ్ స్టీరింగ్ వీల్ను కలిగి ఉంది. దీని వెనుక డిజిటల్ ఇన్స్ట్రుమెంట్ క్లస్టర్ ఉంది. ఇది చిన్న TFT డిస్ప్లే చుట్టూ LCD డిస్ప్లేను కలిగి ఉంటుంది. TFT స్క్రీన్ రేంజ్, CNG టెంపరేచర్, ఓడోమీటర్, స్పీడోమీటర్ మొదలైన చాలా సమాచారాన్ని ప్రదర్శిస్తుంది. ఫ్యూయెల్ లిడ్ ఓపెన్ చేసినప్పుడు ఇది హెచ్చరికను కూడా ప్రదర్శిస్తుంది. LCD పెట్రోల్ ట్యాంక్ గేజ్, CNG ట్యాంక్ గేజ్, ఇంజిన్ టెంపరేచర్ గేజ్ మరియు ఇతర డ్రైవింగ్ ఎసెన్షియల్లను ప్రదర్శించడంలో కూడా జాగ్రత్త తీసుకుంటుంది.
కంఫర్ట్, ప్రాక్టికాలిటీ మరియు బూట్ స్పేస్:
కొత్త టాటా టియాగో iCNG విశాలమైనది. సీట్లు ఫాబ్రిక్తో తయారు చేయబడి అనేక రంగులను కలిగి ఉంది. దీని ప్రధాన రంగు బ్లాక్, మరియు ఇది కాంట్రాస్ట్ స్టిచింగ్ను కూడా కలిగి ఉంటుంది. సీటు యొక్క మధ్య భాగం మల్టిపుల్ కలర్స్ లో టాటా యొక్క సిగ్నేచర్ ట్రై-యారో డిజైన్తో బూడిద రంగును కలిగి ఉంటుంది.
డోర్ ప్యానెల్లు సరళమైన డిజైన్ లాంగ్వేజ్ను కలిగి ఉంటాయి. బ్లాక్ మరియు బీజ్ లో అలంకరించబడి ఉంటాయి. డోర్ హ్యాండిల్స్ బ్రష్డ్ అల్యూమినియం ఫినిషింగ్ను పొందుతాయి, అదేవిధంగా డోర్ పాకెట్స్ పరిమాణంలో డీసెంట్గా ఉంటాయి. డోర్ పాకెట్స్లో ఒకటి రెండు 500 ML వాటర్ బాటిళ్లను ఉంచుకోవడానికి అనుకూలంగా ఉంటుంది.
ఇందులోని సీట్లు చాలా సౌకర్యవంతంగా ఉంటాయి, డ్రైవర్ మరియు కో-డ్రైవర్ కోసం చాలా స్థలం ఇందులో ఉంటుంది. రెండవ వరుస సీట్లు కూడా సౌకర్యవంతంగా ఉంటాయి, కానీ ఇక్కడ స్థలం కొంచెం తగ్గుతుంది. హెడ్రూమ్ మరియు క్నీ రూమ్ రెండూ కూడా అద్భుతంగా ఉన్నాయి. తై సపోర్ట్ కూడా బాగుంది. అయితే వెనుకవైపు ఉన్న ప్రయాణికులు కొంతవరకు ఫీచర్ల కొరతను ఎదుర్కొంటారు.
ఈ CNG మోడల్ లో ఫోల్డ్-డౌన్ ఆర్మ్రెస్ట్ లేదు. వెనుక వైపున ఉన్న ప్రయాణీకులకు హెడ్రెస్ట్లు స్థిరంగా ఉంటాయి మరియు అందువల్ల కొన్నిసార్లు అసౌకర్యంగా ఉండవచ్చు. ఇందులో బూట్ ఓపెన్ చేయగానే 60-లీటర్ CNG ట్యాంక్ మీకు స్వాగతం పలుకుతుంది. ఇది ప్రత్యేకంగా తయారు చేయబడిన ఉక్కు రాక్పై అమర్చబడి ఉంటుంది. పెట్రోల్తో నడిచే టియాగోలో 242-లీటర్ల బూట్ స్పేస్ ఉంది. ఇది iCNG మోడల్లో కేవలం 80-లీటర్లకు తగ్గింది. అయితే CNG ట్యాంక్ కింద కొంత స్థలం ఉంది, ఇక్కడ మీరు స్పేర్ వీల్ పైన ఒక చిన్న బ్యాగ్ ఉంచుకోవచ్చు. కానీ దీనికోసం వెనుక సీటును క్రిందికి మడవాల్సి ఉంటుంది.
Dimensions | Tata Tiago iCNG |
Length | 3,765mm |
Width | 1,677mm |
Height | 1,535mm |
Wheelbase | 2,400mm |
Boot Space | 80-litres |
ఇంజిన్ పర్ఫామెన్స్ మరియు డ్రైవింగ్ ఇంప్రెషన్స్:
టాటా టియాగో iCNG పెట్రోల్ లేదా CNG మోడ్లలో డ్రైవ్ చేయవచ్చు. అయితే ఇందులో ఇప్పుడు CNGకి ప్రాధాన్యతనిస్తుంది, కాబట్టి మీరు దానిని పెట్రోల్ మోడ్లో డ్రైవ్ చేసి, ఇగ్నిషన్ని ఆఫ్ చేసినప్పుడల్లా, ఆపై దాన్ని మళ్లీ ప్రారంభించినప్పుడు, అది ఆటోమేటిక్గా CNG ఇంధనానికి మారుతుంది.
స్టాండర్డ్ పెట్రోల్తో నడిచే టియాగో నుండి 1.2-లీటర్ ఇంజిన్ అలాగే ఉంచబడింది. కానీ CNG కి అనుకూలంగా ఉండేలా కొన్ని మార్పులు చేయబడ్డాయి. CNG-పవర్ తో నడిచే కార్లు సాధారణంగా వాటి పెట్రోల్తో నడిచేవాటికంటే నెమ్మదిగా. టియాగో iCNG కూడా అదే విధంగా ఉంది.
పెట్రోల్తో టియాగో iCNG 6,000 ఆర్పిఎమ్ వద్ద 84.8 బిహెచ్పి పవర్ మరియు 3,300 ఆర్పిఎమ్ వద్ద 113 ఎన్ఎమ్ టార్క్ విడుదల చేస్తుంది. డాష్బోర్డ్లోని CNG బటన్ నొక్కగానే ఇన్స్ట్రుమెంటేషన్పై 'CNG మోడ్ యాక్టివ్' నోటిఫికేషన్ కనిపిస్తుంది. వెంటనే, పవర్ అవుట్పుట్ 72.39 బిహెచ్పి పడిపోతుంది మరియు గరిష్ట టార్క్ అవుట్పుట్ 95 ఎన్ఎమ్ కి తగ్గుతుంది. ఇది పెట్రోల్ మోడ్ కంటే 12.4 బిహెచ్పి మరియు 18 ఎన్ఎమ్ తక్కువ కాబట్టి పనితీరులో తేడా ఉంటుందని అనుకోవచ్చు. కానీ ఇందులో పెద్ద వ్యత్యాసం కనిపించదు.
మీరు ప్రయాణంలో ఉన్నప్పుడు మరియు ఏమీ జరగనట్లుగా పెట్రోల్ మరియు CNG మోడ్ల మధ్య మారవచ్చు. త్రాటల్ ఇన్పుట్ ఎలాంటి ఆలస్యం లేదు. Tiago iCNG అనేది సెగ్మెంట్లో అత్యంత శక్తివంతమైన CNG వాహనం అని మీరు గుర్తుంచుకోవాలి.
మూడు-సిలిండర్ల ఇంజన్ పెప్పీ మరియు సులభంగా ముందుకు సాగుతుంది. క్లచ్ తేలికగా మరియు ఉపయోగించడానికి సులభమైనది అయితే గేర్లలోకి స్లాట్ చేయడం స్మూత్ గా ఉంటుంది. గేర్లను మార్చేటప్పుడు మీరు ఇప్పటికీ కొంచెం రబ్బరు అనుభూతిని కలిగి ఉంటారు, కానీ ఇది ఎక్కువ ఇబ్బంది కలిగించదు.
సస్పెన్షన్ సెటప్ కొంచెం గట్టిగా ఉంటుంది. కానీ సౌకర్యవంతమైన డ్రైవింగ్ అనుభూతిని అందిస్తాయి. టియాగో CNG దాని పెట్రోల్ వేరియంట్ కంటే తక్కువ గ్రౌండ్ క్లియరెన్స్ కలిగి ఉంటుంది. బ్రేకింగ్ కూడా అద్భుతంగా ఉంటుంది. మొత్తానికి ఇది మంచి డ్రైవింగ్ అనుభవాన్ని అందిస్తుందని ఖచ్చితంగా చెప్పవచ్చు.
టాటా టియాగో iCNG సేఫ్టీ ఫీచర్స్:
టాటా మోటార్స్ యొక్క వాహనాలు ఇటీవలి కాలంలో సేఫ్టీ ఫీచర్స్ లో ముందు వరుసలో ఉన్నాయి. టియాగో కూడా ఇదే దిశలో ఉంది. ఇది గ్లోబల్ NCAP క్రాష్ టెస్ట్లలో 4-స్టార్ రేటింగ్ను సాధించింది. ఇందులో
- డ్యూయల్ ఎయిర్బ్యాగ్లు
- ఏబీఎస్ విత్ ఈబిడి
- కార్నర్ స్టెబిలిటీ కంట్రోల్
- రియర్ పార్కింగ్ కెమెరా
- ప్రొజెక్టర్ హెడ్ల్యాంప్స్
- ఎల్ఈడీ DRLలు
- ఆటోమేటిక్ క్లైమేట్ కంట్రోల్
- 7-ఇంచెస్ టచ్స్క్రీన్ ఇన్ఫోటైన్మెంట్
- ఆటో ఫోల్డింగ్ ORVMలు
- స్టీరింగ్-మౌంటెడ్ కంట్రోల్స్
- రియర్ వాష్ వైపర్ విత్ డిఫాగర్
- టాటా టియాగో XE CNG: రూ. 6,09,000
- టాటా టియాగో XM CNG: రూ. 6,39,900
- టాటా టియాగో XT CNG: రూ. 6,69,900
- టాటా టియాగో XZ+ CNG: రూ. 7,52,900
- టాటా టియాగో XZ+ DT CNG: రూ. 7,64,900 (అన్ని ధరలు ఎక్స్-షోరూమ్, ఇండియా)
ఈ సేఫ్టీ ఫీచర్స్ తో పాటు, Tiago iCNG కొన్ని CNG-సంబంధిత సేఫ్టీ ఫీచర్స్ కూడా పొందుతుంది. ఇందులో వివిధ ఒత్తిళ్లు మరియు ఉష్ణోగ్రతలలో పరీక్షించబడిన స్టెయిన్లెస్ స్టీల్ CNG ట్యాంక్ని కలిగి ఉంటుంది. అగ్ని ప్రమాదం లేదా ఏదైనా థర్మల్ సంఘటన జరిగినప్పుడు CNG సరఫరా నిలిపివేయబడిన చోట ఇది థర్మల్ ఇన్సిడెంట్ ప్రొటెక్షన్ను కూడా పొందుతుంది.
సిస్టమ్ ద్వారా లీక్ని గుర్తించినట్లయితే, అది ఆటోమేటిక్గా పెట్రోల్ మోడ్కి మారుతుంది. ముందుజాగ్రత్తగా, టాటా మోటార్స్ హ్యాచ్బ్యాక్ను అగ్నిమాపక యంత్రంతో విక్రయిస్తుంది. అయితే, మేము ఈ ఫీచర్లను పరీక్షించలేదు, అయితే ఈ సేఫ్టీ ఫీచర్లను కలిగి ఉండటం నిజంగా చాలా గొప్ప విషయం.
టాటా టియాగో iCNG కీ ఫీచర్స్:
టాటా టియాగో iCNG వేరియంట్స్ మరియు ప్రైస్:
టాటా టియాగో iCNG ఐదు వేరియంట్లలో అందుబాటులో ఉంది. అవి XE, XM, XT, XZ+ మరియు XZ+ DT వేరియంట్స్.
డ్రైవ్స్పార్క్ అభిప్రాయం:
టాటా మోటార్స్ యొక్క టాటా టియాగో అద్భుతమైన ఎంట్రీ-లెవల్ హ్యాచ్బ్యాక్. ఇది మంచి సేఫ్టీ ఫీచర్స్ కలిగి ఉండటం వల్ల మంచి రేటింగ్ పొందింది. కావున వాహన వినియోగదారులకు చాలా అనుకూలంగా ఉంటుంది. ఇది ఒకే ప్యాకేజీలో CNG మరియు పెట్రోల్ని కలిగి ఉండే సౌలభ్యంతో వస్తుంది.
భారతీయ మార్కెట్లో ఇప్పటి వరకు, అనేక మంది వాహన తయారీదారులు వివిధ CNG కార్లను విడుదల చేశారు. అయినప్పటికీ, అవన్నీ కేవలం ఒకటి లేదా రెండు వేరియంట్లలో అందుబాటులో ఉన్నాయి. కానీ టాటా మోటార్స్ టియాగో iCNG మోడల్ వివిధ వేరియంట్స్ లో వివిధ ధరల వద్ద అందుబటులో ఉంది. కావున కస్టమర్లు ఇందులో తమకు నచ్చిన ధర వద్ద నచ్చిన వేరియంట్ కొనుగోలు చేయవచ్చు.