'పోర్ష్' తేలికైన కారు 'స్పయిడర్'

Published: Tuesday, November 10, 2009, 10:52 [IST]

తెలికపాటి కార్లను రూపొందించడంలో తన సాంప్రదాయాన్ని కొనసాగిస్తూ పోర్ష్ మోటార్స్ రూపొందించిన మరో కారు బాక్స్ స్టర్ స్పయిడర్. లాస్ ఏంజిల్స్ లో జరిగిన మోటార్ షో లో విడుదలయిన ఈ కారు అందరి దృష్టినీ ఆకర్షించింది. ఈ కారు బరువు 2,811 పౌండ్లుగా కంపెనీ ఓ ప్రకటనలో వెళ్లడించింది. పోర్ష్ కార్లలో అతి తేలికైన కారుగా ఈ కారు నిలువనుంది. అల్యూమినియం తో తయారయిన డోర్లు, కారు భాగాలు ఈ కారు బరువు తక్కువగా వుండటానికి దోహదం చేసాయి. అంతే కాకుండా రేడియో, ఎయిర్ కండీషనర్, నావిగేషన్ సిస్టమ్ లాంటివి ఈ కారులో లేకపోవడం కూడా కారు బరువు తక్కువగా వుండటానికి కారణం.

తక్కువ బరువు వున్నప్పుడు అధిక సామర్థ్యం వుంటే ఆ మజాయే వేరు..రయ్ మంటూ దూసుకుపోవచ్చు. ఈ విషయం బాగా తెలుసుకున్న పోర్ష్ మోటార్స్ ఈ స్పయిడర్ కారుని 3.4 లీటర్ల సామర్థ్యం గల ఆరు సిలెండర్లు ఇంజన్ తో రూపొందించడం జరిగింది. దీంతో ఈ కారు 320 హార్స్ పవర్ తో దూసుకుపోనుంది. బాక్స్ స్టర్ S కారు కంటే ఇది 10 హార్స్ పవర్ ఎక్కువ. కేవలం 4,8 సెకెన్లలో ఈ కారు 166 mph వేగాన్ని అందుకోగలదు. అమెరికా మార్కెట్ లో వచ్చే ఏడాది ఫిబ్రవరి నుండీ ఈ కారు అమ్మకానికి రానుంది. దీని ధరను $61,000 లు గా నిర్ణయించారు.

Article Published On: Tuesday, November 10, 2009, 10:52 [IST]

More from DriveSpark