లాభాల బాటలో ఆటోమొబైల్ రంగం

Published: Wednesday, October 28, 2009, 11:58 [IST]

ప్రస్తుత ఆర్థిక సంవత్సరం సెప్టెంబర్‌ తో ముగిసిన ద్వితీయ త్రైమాసికంలోని చివరి నెలలో కార్లు, ద్విచక్ర వాహనాల అమ్మకాలు రికార్డు స్థాయిలో జరిగాయి. సెప్టెంబర్ నెలలో కార్ల అమ్మకాలు 20.61 శాతానికి పెరిగి 1,29,683 కార్లు అమ్ముడుపోగా నిరుడు ఇదే నెలలో 1,07,517 కార్లు అమ్ముడైనట్లు సొసైటీ ఆఫ్ ఇండియన్ ఆటోమొబైల్ మ్యానుఫ్యాక్చరర్స్ (ఎస్ ఐ ఏ ఎమ్) (సియామ్) తెలిపింది.

అదే ద్విచక్ర వాహనాల అమ్మకాల్లో సెప్టెంబర్ నెలలో 6.56 శాతం పెరిగి 6,73,891 మోటార్ వాహనాలు అమ్ముడైనట్లు సంస్థ తెలిపింది. ఇదే నిరుడు సెప్టెంబర్ నెలకు 6,32,369 అమ్ముడైనట్లు సియామ్ సంస్థ తెలిపింది. సెప్టెంబర్ నెలలో జరిగిన ద్విచక్ర వాహనాల అమ్మకాల్లో 7.67 శాతం పెరిగి 8,38,150 వాహనాలు అమ్ముడైనాయని, అదే నిరుడు ఇదే కాలానికి 7,78,424 వాహనాలు అమ్ముడైనట్లు సంస్థ పేర్కొంది.

ఇదిలావుండగా కమర్షియల్ వాహనాల అమ్మకాల్లోనూ పెరుగుదల కనపడిందని, ఇది సెప్టెంబర్ నెలలో 6.46 శాతం వృద్ధి జరిగి 45,451 వాహనాలు అమ్ముడైనాయి. అదే నిరుడు ఇదే కాలానికి 42,693 వాహనాలు అమ్ముడైనట్లు సియామ్ వివరించింది. కాగా దేశంలోని అన్ని కంపెనీలకు చెందిన పలు వాహనాల అమ్మకాలలో 9.6 శాతం వృద్ధి చెంది 10,92,262 వాహనాలు అమ్ముడైనట్లు సంస్థ తెలిపింది. ఇదే నిరుడు సెప్టెంబర్ నెలలో 9,96,586 వాహనాలు అమ్ముడైనట్లు సియామ్ సంస్థ పేర్కొంది.

Article Published On: Wednesday, October 28, 2009, 11:58 [IST]

More from DriveSpark