లాభాలలో హోండా, స్కోడా, జనరల్ మోటార్స్

Published: Monday, November 2, 2009, 18:45 [IST]

గత ఆదివారం(నవంబరు 1న) నాడు వివిధ కంపెనీలు విడుదల చేసిన ఆదాయ నివేదికలలో దాదాపు అన్నీ కంపెనీలూ లాభాలనే చూపాయి. హీరో హూండా, స్కోడా, జనరల్ మోటార్స్ ఇలా అన్ని కంపెనీలూ తమ ఆదాయంలో పెరుగుదలనే చూపించాయి.

హీరో హోండా మోటార్స్ అక్టోబరు నెలకు గాను 354,156 వాహనాలను అమ్మినట్టు, గత ఏడాది అక్టోబరు నెలలో 352,449 వాహనాలను అమ్మినట్టు చేప్పారు. గత ఏడాదితో పోల్చితే ఈ యేటి అమ్మకాలు పెరగటం ఆనందంగా వుందని, ఇంకా పెరిగే అవకాశం వుందని కంపెనీ వర్గాలు ఆశాభావాన్ని వ్యక్తం చేసాయి.

ఇక స్కోడా ఆటో ఇండియా తమ ఆదాయంలో 98% వృద్ధిని చూపించాయి. ఈ ఏడాది అక్టోబరు నెలలో 1,753 వాహనాలు అమ్ముడుపోగా గత ఏడాది అక్టోబరులో ఈ సంఖ్య 887 గా వుంది.

అమెరికాకు చెందిన జనరల్ మోటార్స్ లాభాల్లో 15% వృద్ధిని సాధించింది. ఈ యేటి అక్టోబరుకు గాను 7,413 వాహనాలు అమ్ముడుపోగా, గత ఏడాది ఈ సంఖ్య 6,465 గా వుంది. జనరల్ మోటార్స్ చెవ్రొలెట్ బ్రాడ్ కార్లలో పెరిగిన అమ్మకాల వల్లే తామీ వృద్ధిని సాధించడానికి కారణమని జియం వైస్ ప్రెసిడెంట్ పి బాలేంద్రన్ తెలిపారు.

Article Published On: Monday, November 2, 2009, 18:45 [IST]

More from DriveSpark