టాటా 'నానో' ఓ చెత్త కారా??

Published: Friday, October 30, 2009, 12:25 [IST]

టాటా 'నానో' ప్రపంచంలోనే అతి తక్కువ ధరకు లభించేకారుగా ఎన్నో ప్రశంసలు పొందింది. ఎంతో మంది మన్ననలు పొందింది. అలాంటి 'నానో' కారు గురించి సగటు భారతీయుడు ఎంతో గొప్పగా చెప్పుకొనే వాడు "ఇది మా దేశ కారు అని". కానీ అలాంటి వారికి మింగుడు పడని విషయమిది. ఇటీవల బిజినెస్ వీక్ జరిపిన సర్వేలో టాటా నానో గత యాభై ఏళ్లో విడుదలయిన కార్లలో చెత్త కార్ల లిస్ట్ లో చోటు సంపాదించుకొంది. అదీ తొలి యాభై కార్లలో నానో చోటు సంపాదించుకోవడం మనకు మింగుడు పడని విషయమే అయినా గుడ్డు ఆకారంలో చూడటానికి ఆకర్షణీయంగా లేని ఈ కారు ఇందులో చోటు చేసుకోవడం ఆశ్చర్యకరమేమీ కాదు అంటున్నారు బిజినెస్ వీక్ విశ్లేషకుడు డామియన్ జోసెఫ్.

దీనికి తోడు నానో కారుకు ఇటీవల జరుగుతున్న వరుస అగ్ని ప్రమాదాలు అగ్ని పరీక్ష పెడుతున్నాయి. ఈ నెలలో వరుసగా మూడు చోట్ల ఈ కారు షార్ట్ సర్యూట్ కు గురికావడం తో ఈ కారు వినియోగదారున్ని కలవరపెడుతున్నాయి. ఇలాంటి పరిస్థితుల్లో మన నానో కారు వెస్ట్రన్ దేశాల్లోని వినియోగదారున్ని ఏ మేరకు ఆకట్టుకుంటుందోననే అనుమానాలు వ్యక్తమవుతున్నాయి. ఈ పరిణామాలన్నీ టాటా మోటార్స్ పోటీ దారులకు వరంగా పరిణమించాయని చెప్పవచ్చు. కానీ టాటా కంపెనీ వారు మాత్రం ఈ అడ్డంకులనన్నీ అధికమిస్తామని ధీమాగా చెబుతున్నారు. మన దేశానికే గర్వకారణమైన చిన్న కారు 'నానో' అడ్డంకులనన్నీ అధికమించాలని మనం కూడా కోరుకుందాం.

Article Published On: Friday, October 30, 2009, 12:25 [IST]

More from DriveSpark