హోండా సరికొత్త స్పోర్ట్స్ కారు - సిఆర్‌జెడ్

By Super

Published: Tuesday, June 26, 2012, 14:56 [IST]

జపాన్ కు చెందిన ఆటోమొబైల్ కంపెనీ హోండా లేటెస్ట్ వెర్షన్ కారును రివీల్ చేసింది. ఇటీవల జరిగిన టోక్యో మోటర్ షోలో ఈ కొత్త మోడల్ హోండా CR-Z ను ప్రదర్శనకు ఉంచారు. ప్రస్తుత మోడల్ CR-X కు సరికొత్త ఫీచర్స్ ను జతచేసి ఈ కారును రూపొందించారు. టూ-సీటర్ గా మార్కెట్ లోకి విడుదలయిన ఈ కారు ద్వారా గ్యాస్-ఎలక్ట్రిక్ టెక్నాలజీని స్పోర్ట్స్ కారులో పూర్తి స్థాయిలో ప్రవేశపెట్టనున్నారు.

హోండా సివిక్ హైబ్రిడ్ కారు లాగా ఈ కారు కూడా 1.5 లీటర్ i-VTEC లేటెస్ట్ టెక్నాలజీతో తయారయిన ఇంజన్ తో రూపొందించబడింది. దీనికి తోడు సిక్స్-స్పీడ్ మ్యానువల్ గేర్ బాక్స్ దీని సొంతం. విశ్వసనీయ వర్గాల కథనం ప్రకారం ఈ హోండా CR-Z కారు 32 - 35 mpg మైలేజీని ఇవ్వనుంది. వచ్చే ఎడాది జనవరిలో జరిగే డెట్రాయిట్ మోటర్ షోలో కూడా ఈ కారును ప్రదర్శించనున్నారు. ఫిబ్రవరి నుండీ జపాన్ మార్కెట్ ఈ కారు అమ్మకానికి రానుంది.

Article Published On: Monday, October 26, 2009, 12:46 [IST]

More from DriveSpark