జర్మనీకి పోటీగా కోరియా లగ్జరీ కారు- ఇకూస్

Published: Thursday, November 19, 2009, 11:07 [IST]

కొరియాకు చెందిన ఆటోమొబైల్ కంపెనీ హుందాయ్ మోటార్స్ ఇటీవలే ఓ లగ్జరీ కారును మార్కెట్ లోకి విడుదల చేసింది. ఇకూస్(Equus) పేరుతో మార్కెట్ లోకి విడుదలయిన ఈ కారు హుందాయ్ కార్లలో అన్నిటికంటే పెద్దది మరియు ఖరీదైనది. లగ్జరీ కార్లను రూపొందించడంలో పేరొందిన జర్మనీకి చెందిన ఆటోమొబైల్ కంపెనీలు బియండబ్ల్యు, మెర్సిడెస్ లకు పోటీగా ఈ కొరియా కంపెనీ ఈ కొత్త కారును ప్రవేశపెట్టింది. దక్షిణ కొరియాలో మాత్రమే విడుదలయిన ఈ కారు వినియోగదారుడికి సౌకర్యవంతంగా వుండేలా రూపొందించామని కంపెనీ వర్గాలు ప్రకటించారు.

ఇంత వరకూ జర్మనీ కంపెనీలు వినియోగదారుడికి సౌకర్యవంతంగా వుండేలా, లగ్జరీ కార్లను రూపొందించడంలో పేరొందినవిషయాన్ని తెలియజేస్తూ, ఇకపై ఆ ముద్రను చెరిపివేసేలా తమ కారు వుంటుందని కంపెనీ వర్గాలు ప్రకటించాయి. కాగా ఈ కార్ల బులెట్ ప్రూఫ్ వెర్షన్ కు కూడా కంపెనీ విడుదల చేసింది. ఇప్పటికే మూడు బులెట్ ప్రూఫ్ కార్లను కొరియా అధ్యక్షుడికి పంపడం జరిగింది. ఇన్ని ఫీచర్స్ వున్న ఈ లగ్జరీ కారు ధర 70,000 పౌండ్లు, అంటే మన కరెన్సీలో సుమారు 52 లక్షలు.

Article Published On: Thursday, November 19, 2009, 11:07 [IST]

More from DriveSpark