హుందాయ్ మోటార్స్ డ్రైవింగ్ స్కూల్..!!

Published: Tuesday, November 17, 2009, 17:28 [IST]

హుందాయ్ మోటార్స్ ఇండియా ప్రై. లిమిటెడ్ చెన్నైలో డ్రైవింగ్ స్కూల్ ను ఏర్పాటుచేసింది. ఆర్థికంగా వెనుకబడిన యువకుల కోసం ఈ స్కూల్ ను ఏర్పాటు చేసినట్టు కంపెనీ వర్గాలు ప్రకటించాయి. ఇందులో పల్లెటూర్లలో వుంటూ ఏం చెయ్యాలో తోచక నిరాశలో కూరుకుపోయిన యువకులకు డ్రైవింగ్ లో ఉచితంగా శిక్షణను ఇచ్చి వారు డ్రైవర్లుగా మారి ఉపాధిని పొందే అవకాశాన్ని కల్పిస్తోంది హుందాయ్ మోటార్స్. దీనికోసం కంపెనీ ప్రతీ ఏటా 12 లక్షలను ఖర్చు పెడుతోంది. సంవత్సరానికి నాలుగు బ్యాచ్ లకు శిక్షణ ఇవ్వాలని కంపెనీ లక్ష్యంగా పెట్టుకున్నట్టు తెలిసింది.

పల్లెటూర్లలో వుంటూ ఎలాంటి ఉపాధి అవకాశాలూ లభించక నిరాశతో వున్న యువకుల జీవితాల్లో వెలుగునింపడానికి హుందాయ్ మోటార్స్ చేస్తున్న ఈ ప్రయత్నం అభినందనీయం. అందరికీ ఆదర్శప్రాయం.

Article Published On: Tuesday, November 17, 2009, 17:28 [IST]

More from DriveSpark