మహీంద్ర & మహీంద్రా నుండీ మినీ ట్రక్

Published: Thursday, October 29, 2009, 15:45 [IST]

భారతీయ ఆటోమొబైల్ కంపెనీ మహీంద్ర & మహీంద్రా చిన్న సైజు ట్రక్ 'మహీంద్రా జియో' ను విడుదల చేసింది. ఈ ఫోర్ వీలర్ 0.5 టన్నులను క్యారీ చెయ్యగల కెపాసిటీతో వినియోగదారునికి అందుబాటులోకి రానుంది. అత్యాధునిక 9.1 హార్స్ పవర్ గల HP ఇంజన్ తో రూపొందించబడిన ఈ వాహనం ఎక్స్ షోరూం ధర 1.65 లక్షల నుండీ 1.68 మధ్య నిర్ణయించబడింది. 27 kpl మైలేజీని ఇస్తుందని కంపెనీ ప్రకటించింది.

ఈ సందర్భంగా కంపెనీ ఆటోమేటివ్ సెక్టార్ ప్రెసిడెంట్ డాక్టర్ పవన్ మాట్లాడుతూ 'ఇది దేశంలోనే మొదటి నాలుగు చక్రాల కాంపాక్ట్ ట్రక్ అనీ, మూడు చక్రాల వాహనం కంటే ఎంతో సౌకర్యవంతంగా వుంటుందని, అధిక మైలేజీని ఇస్తుందని' జియో విశేషాలను వివరించారు. పర్ఫార్మెన్స్, సేఫ్టీ విషయాల్లో ఎన్నో పరీక్షల అనంతరం ఈ వాహనాన్ని విడుదల చేస్తున్నామని, ఖచ్చితంగా వినియోగదారున్ని సంతృప్తిపరుస్తుందని తెలిపారు. తొలుత పశ్చిమ, దక్షిణ రాష్ట్రాల్లో అందుబాటులోకి రానున్న ఈ మినీ ట్రక్కు త్వరలోనే మిగతా ప్రాంతాల్లో అందుబాటులోకి రానుంది.

Article Published On: Thursday, October 29, 2009, 15:44 [IST]

More from DriveSpark